Agtutubo a Babbai 1

Adalen 44
porsiento. Umuna, isuratyo iti blangko a papel ti innem a kangrunaan nga aramid a
nasken nga aramidenyo no bigat. Maikadua, urnosenyo manipud iti kapatgan. Maikatlo,
alaenyo daytoy a papel apaman a sumrekkayo no bigat ket mangrugikayo iti umuna a
nakalista. No malpasyo daytoy, isarunoyo ti sumaruno, sa ti maikatlo. Aramidenyo
daytoy agingga a panagaawid. Diyo pagdanagan no dudua wenno taltallo wenno uray ti
la umuna ti maiwakasyo. Ar-aramidenyo ti kapatgan. Maikapat, isangratyo ti maudi a
lima a minuto iti tunggal aldaw a panagtrabaho a panangilistayo iti “nasken” para iti
aramiden iti sumuno nga aldaw.’
“Naipakaammo, a pinatulodan ti presidente ti pagyumanan iti $25,000 para iti
kapanunotan, $1,000 para iti tunggal duapulo-ket-lima a minuto a nabusbos iti
isasarungkar” (Teacher Development Program—In-service Series 2, 1971-72, Participant
Materials, p. 58).
Iparang ti paskil a manginagan iti balakad ti nasanay iti paglaingan.
Balakad ti Nasanay iti Paglaingan
1. Isurat dagiti kapatgan a trabaho nga aramiden.
2. Numeruan dagitoy nga agsasaruno manipud iti kapatgan.
3. Rugian nga aramiden ti umuna iti agsapa.
4. No nalpasen ti umuna, isaruno ti maikadua sa dagiti sumarsaruno.
5. Tunggal rabii, mangaramid iti baro a listaan a maaramat iti sumuno nga aldaw.
• Kasano ti pannakairaman ti Nailangitan nga Amatayo iti daytoy a plano? (Dawaten ti
tulong ti Amatayo iti panangaramat iti panawentayo ken iti panangpanunot kadagiti
kangrunaan.)
Panagsurat Iwaras dagiti blangko a papel ken lapis iti tunggal babbalasitang. Ibilin iti tunggal
agtutubo a babai a pagkatluenda a batog ti papelda a suratanda ti umuna a dasig iti
“Nasken Unay a Maaramid,” iti “Rumbeng a Maaramid” ti maikadua, sa “Kayat a
Maaramid” ti maikatlo. Bilinen dagiti agtutubo a babbai nga isuratda iti babaen ti paulo a
“Nasken Unay a Maaramid” dagiti banag a nasken nga aramidenda no bigat; iti babaen ti
paulo a “Rumbeng a Maaramid” dagiti banag nga aramidenda koma; ken iti babaen ti
paulo a “Kayat a Maaramid” dagiti banag a pagaayatda nga aramiden. Kaarngi dagitoy
dagiti banag a nainaganan iti aramid nga adalen iti bato, darat, ken danum. Panumeruan
kadagiti agtutubo a babbai dagiti banag iti maudi a dua a batog nga agsasaruno manipud
iti kapatgan, ta dagitoy dagiti matibengda nga aramid.
Panangipakat iti Adalen
Pakita a naimbag kadagiti agtutubo a babbai dagiti napateg a banag nga innagananda ket
panunotenda no kasano a maaramatda ti panawenda iti kasayaatan a wagas a
pangileppasda kadagiti kapatgan nga aramid kadagiti dua a maudi a batog. Isingasing a
surotenda ti wagas ti nasanay iti paglaingan iti dua a lawas. Ikkan ida iti pawayway a
mangipakaammo iti balligida iti dua a lawas.
Paregtaen dagiti babbalasitang nga agparintumeng ken umasidegda iti Apo babaen ti
kararag iti binigat. Mabalin a makisaritada kenkuana maipanggep kadagiti rebbengen ken
unaenda para iti dayta nga aldaw, dumawatda iti tulong ken pammaregta iti aramidda,
sada ipakaammo kenkuana ti banagna iti rabii.
Dagiti Maisingasing nga Aramid
Babaen ti pammalubos ti obispo wenno presidente ti sanga, mangawis iti makabael unay
a tao (kas pagarigan, ti estudiante iti kolehio, agtutubo nga ina, wenno dadduma a
kameng ti purokyo a naisalsalumina ti kinaurnosna) a mangibinglay iti ammoda no
kasano ti panangaramat iti panawen ti maysa a tao iti umno unay.
207