Agtutubo a Babbai 1

Adalen 12
3. Takuatenyo ti ar-aramiden dagiti dadakkelyo; sa tulonganyo ida uray no dida ibaga.
4. Dumawatkayo iti pammakawan no nagbasolkayo iti dadakkelyo.
5. Kanayon a sisasaganakayo a mangpakawan kadagiti dadakkelyo maigapu iti pudno
wenno arapaap a panaglablabes (kitaen ti Doktrina ken Katulagan 42:88;64:9–10).
6. Agkararag a sangsangkamaysa.
7. Agpakatawakayo.
Maika-2 a Pagsasaritaan (idatag ti agtawen iti sangapulo-ket-pito wenno agtutubo):
“Kasano a Magun-odko ti Panagtalek Dagiti Dadakkelko?”
Dagiti sumaganad a kapanunotan, wenno dadduma pay a natakuatan ti mangeddeng
mabalin nga agpaay a pangibatayan iti daytoy a panangidatag:
1. Patpatgen dagiti nagannak dagiti annakda, ket masansan a maseknanda kadakuada.
Kas banagna, dida palubosan dagiti annakda nga agaramid iti banag a kasla saan a
natalged wenno saan a nasayaat.
Nasken a mannakaawat dagiti ubbing ket mangtedda iti nalawag a pakaammo kadagiti
dadakkelda maipanggep iti naisingasing nga aramid a pakariknaan dagiti dadakkelda a
nawayada a mangted iti pammalubos kadakuada a mangaramid iti daytoy.
2. Ti panagtalek dagiti nagannak iti panagakem ti agtutubo a babai iti aramidna dakkel ti
magapuananna iti maaramid ti balasitang. No maipaneknekna a matungpal a nasayaat
iti karina, ad-adda a madisiplinana iti bagina, nabatbattaway met ti panangngedngedda
kenkuana. Kaaduan dagiti puon a di pagkikinnaawatan iti pagtaengan babassit la a
banag kas iti aramid iti pagtaengan, panagadal, ken naikeddeng nga oras a panagawid.
No mapaneknekan ti agtutubo a babai a kabaelanna a tungpalen dagitoy nalaka a
banag, sangapada nga isu ken dagiti dadakkelna makagun-od iti pammati iti
panagkammatalek iti bagi ken panagnakemna.
Maika-3 a Pagsasaritaan (idatag ti ina ken ti balasitang nga agtawen iti sangapulo-ket-uppat
wenno sangapulo-ket-lima): “Kasano a Mairuamtayo iti Agbaliwbaliw a
Panaglangentayo?”
Dagiti sumaganad a kapanunotan, wenno dadduma pay a natakuatan ti mangeddeng ti
mabalin nga agpaay a pangibatayan iti panangidatagda:
Ina:
1. Nairuam dagiti nagannak a mangisuro ken mangiwardas kadagiti annakda. Ket
marigatanda no dadduma a manglagip iti kinapateg ti sumagmamano a banag kadagiti
annakda. “Nagannak, lagipenyo idi agtutubokayo pay; lagipenyo no apay a kayatyo ti
agaramid iti dadduma a banag; lagipenyo no kasano ti reggetyo a makipulapol ti
gimong, no kasano ti kinamanagriknayo iti bassit la a dillaw, ken no kasano ti kalaka ti
pusoyo a mapasakitan, ken no kasano ti pannakaseknan dagiti dadduma a banag, a
kasla bassit itan ti pategdan. Dawatenmi a lagipenyo amin dagitoy kas nagannak”
(Richard L. Evans, iti Conference Report, Apr. 1968, p. 87; wenno Improvement Era, June
1968, p. 89).
2. Nalabit a narigat para kadagiti nagannak a bantayanda ti panagdakkel ti ubing ken ti
panagbalinna nga agwaywayas, ngem ti panaglinnangen iti tunggal maysa mangted iti
natataengan nga agpang iti baro a pannakatignay ken ragsak.
Anak a Babai:
1. Nasakit iti nagannak ti di pannakadayaw. “Addaan dagiti nagannak . . . iti puso a
masair; . . . kas kadakayo, nalakada met a managrikna iti bassit la a dillaw ken ti di
pannakaawat iti gandatda. Laglagipenyo nga awan ti dida aramiden, a nalinteg, nga
agpaay kadakayo” (Richard L. Evans, Improvement Era, June 1968, p. 90).
Paglilinnawagan dagiti wagas a mangipakita iti panagdayaw kadagiti nagannak bayat
daytoy panawen nga itatanor.
2. Mabalin a matengngel dagiti saan a nasayaat a rikna ken rikriknaen ket saan a nasken a
palugodan wenno iwaras pay kadagiti kameng ti kaamaan. Mabalin dagiti nagannak
ken annak ti mangtakuat iti mainumo a wagas a mangleplep kadagiti saan a nasayaat a
rikna ken rikriknaen.
53