Agtutubo a Babbai 1

Naadaw a sao Tapno masinunuo nga ammo dagiti agtutubo a babbai a rebbengen a bilin kadatayo ita ti
Nainsiriban a Balikas, basaen ti sumaganad:
“Ti awan duadua a gapu ti nakaitedan ti Nainsiriban a Balikas—a saan a babaen ti ‘bilin
wenno lapped’ isu nga iti dayta a panawen, mabalin a kasta, a no koma naited a kas bilin
nalabit a naiturongna koma ti tunggal tao a nairuam nga agaramat kadagitoy
makailumlom a banag, iti pannakadusa; isu a naasi unay ti Apo ta inikkanna ida iti
gundaway nga agbabawi, sakbay nga inyeganna ida iti paglintegan. Idi agangay,
naipakdaar iti daytoy a pagbatayan, babaen ni Presidente Brigham Young, a paltiing ken
bilin ti Apo ti Nainsiriban a Balikas. Tarigagayak nga agapaden dayta a kinapudno, gapu
ta diak kayat a marikna nga awan pawil kadatayo. Ditayo kayat ti madusa” (Joseph F.
Smith, iti Conference Report, Oct. 1913, p. 14).
Panaglilinnawag
iti nasantuan a
kasuratan
Panaglilinnawag
iti nasantuan a
kasuratan ken
pisarra
Panaglilinnawag
iti nasantuan a
kasuratan ken
pisarra
178
Pabasa iti agtutubo a babai ti Doktrina ken Katulagan 89:3. Paglilinnawagan ti binatog a
“mainugot iti kabaelan dagiti nakapsut ken dagiti kakapsutan a santo.” Asino ti mairaman
iti daytoy?
Pabasa iti sabali nga agtutubo a babai ti Doktrina ken Katulagan 89:4.
Ibaga kadagiti agtutubo a babbai a binallaagannatayo ti Apo, iti panakaseknanna
kadatayo, nga aramaten dagiti tao a pagimbaganda dagiti pagkapsutantayo.
Paisingasing kadakuada no ania dagiti “dakes ken balabala . . . nga adda iti puspuso dagiti
agkukunsabo a tao.”
Paamiris kadakuada no kasano a maiparang dagiti anunsio iti magasin, telebision, ken
dadduma pay a warnakan ti panagsigarilio ken panaginum.
Ibaga kadagiti babbalasitang a mabalin a maawagan iti ballaag dagiti sumaruno a lima a
bersikulo iti Nainsiriban a Balikas. Padengngeg kadakuada dagiti banag a saan a nasayaat
iti bagi bayat ti pannakaibasa dagitoy a bersikulo.
Isurat ti Saan nga Agpaay iti Bagi iti ngato ti akinkanigid a benneg ti pisarra.
Pabasa iti agtutubo a babai ti Doktrina ken Katulagan 89:5–9.
Babaen ti tulong dagiti agtutubo a babbai, isurat dagiti banag a nasken a saantayo nga
ipauneg. (Kitaen ti pagarigan iti pisarra iti gibus ti adalen.)
No isungbat dagiti babbalasitang ti “napudot nga inumen,” basaen ti sumaganad a balikas
ni Propeta Joseph Smith a naited idi Hulio 1833, lima a bulan kalpasan ti pannakaawat ti
paltiing. Daytoy ti mangtulong kadakuada a mangbigbig iti tsaa ken kape a kas napudot
nga inumen a naagapad iti Nainsiriban a Balikas.
“‘Maawatak nga ikalkalintegan ti sumagmamano a tao ti bagbagida iti panagaramatda iti
tsaa ken kape, gapu ta kinuna laeng ti Apo ti “napudot nga inumen” iti pannakaipaltiing
ti Nainsiriban a Balikas. . . .
“‘[Tsaa ken kape] ti kayat a sawen ti Apo idi kinunana ti “napudot nga inumen”” (Joseph
Smith, kas inadaw ni Joel H. Johnson, A Voice from the Mountains [Salt Lake City: Juvenile
Instructor Office, 1881], p. 12).
Paamiris kadagiti babbalasitang no ania ti napaneknekan dagiti siensia ken medisina
kadagiti napalabas a tawen maipanggep iti panagsigarilio, panaginum, ken tsaa ken kape.
Painaganan kadakuada ti kas iti kaadu ti kabaelanda dagiti nalawag a wagas iti
pannakapaneknek dagitoy a banag a makadangran iti salun-attayo. Nasken a mairaman
kadagiti sungbat ti adu a matmatay iti kanser; diyabetes; sakit iti puso, bara, ken dalem;
ken pannakadangran dagiti di pay naipasngay nga ubbing.
Pagdenggen a naimbag dagiti agtutubo a babbai iti sumaruno a walo a bersikulo para
kadagiti banag a nasayaat nga agpaay kadatayo.
Isurat ti Maipauneg iti ngato ti pisarra iti maikatlo a benneg.
Pabasa iti agtutubo a babai ti Doktrina ken Katulagan 89:10–17.
Babaen ti tulong dagiti agtutubo a babbai, isurat iti babaen ti paulo dagiti nasayaat a
taraon nga imbalakad ti Apo a kanentayo. Basaen manen dagiti nasantuan a kasuratan no
kasapulan. (Kitaen ti pagarigan a pisarra iti gibus ti adalen.)