Agtutubo a Babbai 1

Mabalintayo ti Agrag-o Itan
Panaglilinnawag • Kas balasitang a Santa iti Ud-udina nga Aldaw, ania ti ammom wenno adda kenka a
iti pisarra
makatulong iti panangparmekmo iti tunggal maysa kadagitoy a gapu ti kinaliday ket
magun-odmo ti nalablabon a rag-o?
Panayonan kadagiti agtutubo a babbai ti listaan dagiti banag a maaramidda a pangtulong
kadakuada nga agsapul iti rag-o ita. Kompletuen ti listaan iti pisarra babaen ti
panangisurat kadagiti sungbatda, ket paisurat met kadagiti babbalasitang dagitoy iti likud
ti papelda. Iturong daytoy nga aramid a pangtulong kadakuada a mangrikna iti rag-o iti
kinasiasinoda ita—ti agtutubo a Santa iti Ud-udina nga Aldaw. Iturong ti panaglilinnawag
iti mainugot a wagas, a yunay-unay dagiti sumaganad a paset:
1. Tunggal agtutubo a babai ket maysa a tao nga ay-ayaten ken ipatpateg ti Nailangitan
nga Amana ken ti kaamaanna.
2. Tunggal agtutubo a babai addaan banag a maibinglay a makatulong kadagiti dadduma.
3. Tunggal agtutubo a babai mabalinna nga idur-as dagiti talentona iti wagas a makaited
kenkuana iti pudno a pannakapnek.
4. Tunggal agtutubo a babai addaan bileg ken pagrebbengan a mangbaliw ken
mangiturong iti biagna kadagiti wagas ti kinalinteg ken kinaragsak.
5. Dagiti agtutubo a Santa iti Ud-udina nga Aldaw addaan kadagiti naisangayan a
gundaway ken tulong a mangipatungpal kadagitoy panggep a tun-oyen.
Igibus a nasken nga agbalin a paset ti biagda ita ti rag-o ken kinaragsak—saan a maysa a
banag a maitagtagiuray iti masakbayan.
Naadaw a sao Pabasa iti natudingan nga agtutubo a babai ti sumaganad a naadaw a sao a
pangilawlawag kadagiti banag a mangted iti rag-o ita iti maysa a tao. Napno ti lubong
kadagiti napintas a banag a mabalin ken nasken a mangparagsak iti tunggal maysa
kadatayo.
Panagparsua
“Idi punganay (ngem saan a pudno a punganay—maysa laeng a kanito iti unos ti kaadda
nga isu ti agnanayon), naammuak ti plano ti Nailangitan nga Amak kaniak ken kadagiti
kakabsatko nga espiritu a lallaki ken babbai. Isu mismo a natan-ok ken napagbalin a naananay
ken nasantuan, ti napateg nga Amatayo kayatna a maaddaantayo iti gundaway a
sumurot iti danana. Ti inaunana, ti inauna a Kabsattayo, ni Jesus, mangbukel ti lubong a
pagbiagan ken dakkelan ken pagadalantayo nga agayat ken pudpudno a manangipateg.
Naririkutto a padas iti lubong dagiti tao a saan a naan-anay ken di mabalbaliwan a
paglintegan, ket nasken a pilientayo no sumurottayo kenkuana.
“Isu a, . . . kinunak, ‘Wen.’ Ket inurayko ti batangko.
“Inrugi [ni Jesus] ti nangaramid iti lubong a para kaniak ken kadakayo, nga annak ti Ama.
Ket iti maysa nga aldaw pimmanawak iti maysa a lugar a diakon malagip iti yaayko ditoy,
tapno rugiak ti makipagkaysa iti biagko ditoy daga.
“Iti nalidem a lawag ti kinaubing, adda umuna a pannakailasin ti kinapintas—ti say-up ti
yukalipto, ti umuna a pannakisango iti baybay ken init ken darat, ken angep—arbis iti rupak,
alimbubuyog, sabsabong, ken dagiti kayo ti sipres a karkarna ti panangleppay ti angin.
“Ket bayat ti idadakkelko, ad-addan ti panagbalin ti lubong a nakaskasdaaw; ket iti
kaunggak nangrugi ti bara, nasam-it a saem nga isu ti naindagaan nga ayat.
“Nangaramid [ni Jesus] iti lawag nga agbalin a nalamuyot ken naraniag a rabii ken
mangparnuay kadagiti sukog nga anniniwan iti angin—nalawag, bumalitok-nga-umasul,
ken nalanay kadagiti aldaw a panawen ti panagtutubo—ken lawag a mangisaknap iti
marisna nga umuna a nakusnaw a nalabaga nga agamarilio a bumalitok, a mangpaksiat iti
asul-a-nangisit nga isu ti rabii—ileleggak ti init. Ket addaanak iti mata a mangimatang.
“Ken nangaramid iti angin a silalamuyot a mamagrisiris kadagiti rinibu a bulbulong,
sumilsilap a pimmerlas-lunengna a danum nga agkanta ken agayus nga agturong iti
baybay, ken bilbillit a mangpunno iti angin iti agsapa iti nasam-it ken nalamuyot nga anititda.
Ket addaanak iti lapayag a mangdengngeg.
22