Agtutubo a Babbai 1

Adalen
9
34
Panangdayaw Kadagiti Nagannak
GANDAT Padasen ti tunggal agtutubo a babai a pasayaaten ti pannakilangenna kadagiti nagannak
kenkuana.
PANAGISAGANA 1. Mangaramid iti kopia dagiti saludsod iti daytoy nga adalen a saggaysa dagiti agtutubo
a babbai. Mabalin a kayatyo nga ikkan dagiti babbai iti saludsod sakbay ti makalawas
tapno nasuratanen nga itugotda iti klase.
2. Mangtuding kadagiti agtutubo a babbai a mangidatag iti nasantuan a kasuratan,
estoria, wenno naadaw a sao a kayatyo.
Palagip iti mannursuro Iti panangisaganayo iti daytoy nga adalen, ibagayyo ti kasapulan no adda agtutubo a
babbai iti klase nga awan ti ama wenno inada iti pagtaenganda.
MAISINGASING A
PANANGIDATAG
ITI ADALEN Maadaltayo a Bigbigen ti Ayat Dagiti Nagannak Kadatayo
Estoria Basaen ti umuna a paset ti sumaganad nga estoria nga “Holiday Homework”
“Marigatanak a mangisarita iti daytoy gapu ta diak pay nataengan, ngem diakto pulos
malipatan ti napalabas a Paskua. Kitaenyo, adda daytoy gayyemko nga agindeg iti ngato
ti turod, ket addaan ti kaamaanna [iti amin a banag]—dakkel a balay, napipintas a kotse,
luplupot. . . . Ngem didak pagbiddutan—pudno a nasayaatda a tao ket naimbagda
kaniak. Kameng ti pagobispuan ti tatang ni Karen, ket pudno nga addaanda iti naan-anay
a panagbiag iti pagtaengan—kas iti kasasaad a kanayon a pampanunotek a pagwadan.
“ . . . Kanayon a mapanak idiay, ket inawisdak a makipangrabii kadakuada iti Rabii ti
Paskua. Saan a nakappapati. Kayatko a sawen, nangankami a kandela ti silawmi, nangina
a kubiertos dagiti inaramatmi. Ni tatangna ti nangted iti kararag ti kaamaan kas
pangrugian.
“ . . . Diak pay nakaawat iti sagut nga agpateg iti nasursurok ngem sangagasut a pisos iti
unos ti panagbiagko. Diak mailadawan ti ragsakko idi naisar-ong ni Santa Klaus iti dayta
a rabii. . . .
“Idi itulodnak ni Brother Miller iti balaymi mariknak a kasla diak kayaten ti sumrek.
Kinunana, ‘Naimbag a Paskuam, Cheryl. Maragsakankami unay iti yaaymo iti yanmi.’
Nakasingsinged ken naamaan unay. Kayatko nga ibaga kenkuana nga anian a
kinadalusna ken kinalawag ti rupana, ngem nakunak laeng, ‘Agyamanak, pakaidayawak
unay!’
“Nakakandado ti ridaw ket nabayag a nagtakderak nga agtuktuktok ken kumitkita iti
malmalkab a pintura ti balay. Sa dayta napigis a kurtina a kinagat ti aso makatawenen ti
napalabas. Diak naliklikan nga indasig ti pagtaengan dagiti Miller iti bassit ken marmarba
a balaymi. Nangngegko ti kayaskas ni tatang nga agturong iti ridaw ken ti makaringgor a
telebision iti salas. Linuktanna ti ridaw ket binugkawannak, kinunana a naladawak unay
ken nasken nga addaak koma iti pagtaenganmi iti Rabii ti Paskua. . . . Ngem nakainum
ket dina inggagara dagiti nasaona, nakunak iti bagik.
“ . . . Awan ti mangipasimudaag iti Paskua malaksid ti aguspaken a sabsabong iti ridaw
ken ti nalaka ti bayadna a kayo ti Paskua a nakaibitinan ti babassit a sinambola.
Nakawarwara ti balay ken aglalaok ti angot.
“Immasideg ni nanang a nakaroba [iti daan]. . . . Madlawko iti langana a sumro manen ti
sakit ti [ulo]na. ‘Kayatko met koma nga adda ti anakko nga ubing a babai iti balay a
tumulong sagpaminsan iti inana.’