Agtutubo a Babbai 1

Adalen
5
18
Panangsapul iti Rag-o Kadagiti Nadiosan
a Naitalimeng a Paglaingantayo
GANDAT Maawatan ti tunggal maysa nga agtutubo a babai ti nadiosan a naitalimeng a
paglainganna ken masursurona no kasano ti panangsapul iti rag-o iti daytoy.
PANAGISAGANA 1. Mangawis iti mapagwadan a kabsat a babai (no mabalin daytay nagkallaysa iti templo
ken addaan iti kaamaan), nga adda pammalubos dagiti mamagbaga ti kinasaserdote,
nga agsao kadagiti babbalasitang maipanggep iti rag-o ti kinababai. Dawaten kenkuana
a saritaenna ti sumagmamano a rag-o ken karit a napadasanna, a pakairamanan ti
sumagmamano idi agtawen iti kas dagiti agtutubo a babbai iti klase. Mabalin nga
ibagana ti maipanggep iti nalawag a padpadas ken pili a nakatulong kenkuana a
nagtalinaed nga asideg iti Nailangitan nga Ama ken dagiti bendision ken rag-o nga
imbungana. Nasken a yunay-unayna ti rag-o ti kinababai ti ania man a tawen.
Isingasing nga agsarita iti agarup duapulo a minuto. Dawaten kenkuana a mangted iti
gundaway kadagiti babbalasitang nga agsaludsod kenkuana ken mangipeksa iti
riknada.
WENNO
Mabalinyo ti mangawis iti lelang, ina, ken agtutubo a naasawaan a babai, nga adda
pammalubos dagiti mamagbaga ti kinasaserdote, a mangipeksa iti ababa iti rag-o iti
kinababai nga agdama a mapadpadasanda. Mabalinmo nga isingasing nga agapadenda
met ti rag-o a napadasanda idi panawen ti kinaagtutuboda. Ipaganetnget iti tunggal
maysa a maikkanda laeng iti saglilima wenno sag-iinnem a minuto. Mabalinyo nga
idiaya nga orasan ida ket agseniaskayo no nalpasen ti orasda.
2. No mabalin ken no kayatyo nga aramiden, mangisaganakayo iti kopia ti mensahe
manipud iti Sapasap a Panguluen Dagiti Agtutubo a Babbai para iti tunggal kameng ti
klase ken ti sangaili.
MAISINGASING A
PANANGIDATAG
ITI ADALEN Masapulantayo ti Rag-o iti Panangbigbigtayo No Siasinotayo ken No Ania ti
Mabalintayo a Pagbalinan
Dagiti sangaili nga
agsarita ken
panaglilinnawag
Panangilawlawag ken
pammaneknek ti
mannursuro
Yam-ammo ti naisangayan nga agsarita wenno dagiti agsarita ken ilawlawag nga adalen
ita ti klase dagiti nadiosan a naitalimeng a paglaingan a kas agtutubo a babbai ken ti rag-o
a magun-od kas babai nga anak ti Dios. Ibaga kadagiti agtutubo a babbai a mabalinda ti
agsaludsod ken mangted iti kapanunotanda kalpasan ti panagsarita.
Kalpasan ti panagsarita ken panagsaludsod ti klase, ipeksayo ti panagyamanyo kadagiti
sangaili a nagsarita.
Ipeksayo ti ayatyo kadagiti babbalasitang iti klaseyo. Ibagayo nga agyamankayo iti
salukag ken reggetda iti iseserrekda iti baro a lubong ti panagdakkel. Yunay-unayyo ti
pateg ti kinaragsak ita babaen ti panagaramid ti umno a pangngeddeng ken babaen ti
panangsurot ken ni Jesucristo. Nasken nga aramidentayo dayta itan, saan nga iti
masakbayan no narisuten dagiti agdama a parikuttayo wenno no pimmudnon dagiti
arapaap ken dawattayo. Iti daytoy lubong dagiti pannubok ken karit, mabalin a saan a
dumteng iti uray no kaano man dayta a naan-anay a gundaway. Sidadaan ti pudno a rago
ken talinaay iti ania man a panawen ti biag kadagiti agbibiag a kas pagayatan ti
Nailangitan nga Amada a panagbiagda.
Ilawlawag no kasano nga iwanwan ken bendisionan ti ebanghelio ti biag tayo babaen ti
panangtulongna kadatayo a mangawat kadagiti nadiosan a pagrebbengan ken
naitalimeng a paglaingan kas babbai.