Agtutubo a Babbai 1

Pisarra Isurat iti pisarra: “Tengtenglen ti Espiritutayo ti Bagitayo.” Adda dagiti banag
maipanggep iti bagitayo a nalaka a matengngel ken adda dadduma a narigrigat.
Panangidatag ti
mannursuro
148
Ilawlawag a nalakatayo a tenglen ti dadduma a paset ti bagitayo—dagiti ramaytayo, kas
pagarigan. No ibagatayo nga agkukot ti maysa kadagiti ramaytayo, agkukot. No
ibagatayo nga agunnat, agunnat. No bilinentayo dagiti sakatayo, agtungpalda a dagus.
Isingasing a masursurotayo met a pilien no ania a panunot ti ikasotayo, ket iti kasta
masursurotayo nga iturong ti panunottayo iti nalawag, nasayaat a pagturongan.
Aramid Ilawlawag kadagiti babbalasitang a padasenyo ti maysa nga eksperimento iti
panangdisiplina-iti-bagi. Pagaraw kadagiti babbalasitang ti kanawan nga imada nga
agtimbukel, ita garawen nga ipalikud ken ipasango ti kanigid a saka, sa garawenda ti
uloda nga agdumog ken tumangad. Ita dawaten kadakuada nga agtugawda a siuulimek
ket italimudokda ti panunotda iti ania man a banag malaksid iti iladawanyo kadakuada. Sa
ibinsabinsayo nga iladawan ti naimas a taraon wenno pangdulse.
• Ania ti narigrigat, ti panangibagayo iti ima wenno sakayo iti aramidenda, wenno ti
panangibagayo iti panunot wenno riknayo iti aramidenda?
Ilawlawag nga adu ti tao a di mamati a kabaelanda a tenglen ti panunotda ken
madisiplina ti bagbagida. Ngem maysa a banag laeng ti pakaitalimudokan ti panunottayo
iti maysa a kanito. Mabalintayo a piliten ti panunottayo a mangpili iti
pakaitalimudokanna. Adda dagiti makarikna a saan a napateg daytoy a kita ti
panangdisiplina, wenno narikut unay, wenno saan a maamiris ti pategna.
Naadaw a sao “Adu dagiti adipen ti di mapagkedkedan a bisio wenno simmuko iti pagesman wenno
saan nga umno a tignay, ket ipakaasida nga awan ti gawayda iti bisioda—a mapilitanda,
maallukoyda; a napigpigsa ti sulisog ngem ti kabaelanda nga agtukiad. Ngem mabalintayo
ti agpili. . . . Mabalintayo a purien dagiti naalas a bisio. Mabalintayo a gun-oden dagiti
nasayaat a bisio; mabalintayo a pilien ti panunotentayo babaen ti pasnektayo a mangaramid”
(Richard L. Evans, “Self Control,” Improvement Era, Dec. 1963, p. 1113).
Panangidatag ti
mannursuro
Annugoten a narigat a tenglen ti bagitayo, ngem banag a mabalintayo a sursuruen.
Imbaga kadatayo ti Amatayo iti Langit a pagtalinaedentayo dagiti panunot, pagesman,
ken riknatayo kadagiti naibeddeng a lugar. Kas Amatayo, saanna a dawaten kadatayo nga
aramidentayo ti banag a ditayo kabaelan nga aramiden. Annaknatayo. Adda
kabaelantayo nga agbalin a kas kenkuana.
Estoria Dumngeg a nasayaat iti sumaganad a padas ti agtutubo a babai nga agnagan iti Ana.
Kitaenyo no adda maduktalanyo a banag a naadal ni Ana a pangdisiplina iti bagina.
“Ar-aramiden daytoy ti tunggal maysa, isu nga apay a diak met aramiden? Kuna laeng
dagiti bilin a saantayo koma ibarengbareng ti nagan ti Apo. Nakitak nga ikalkalintegak ti
bagik iti panagsapatak, ngem awan met ti maitulongna. Ammok a dakes ti agsapata, uray
no ar-aramiden amin dagiti gagayyemko. Kanayon a burburiborennak, ket inkeddengko
idi agangay a nasaysayaat no ipamuspusak ti parikutko. Nariknak a ‘narugitak’ ken saan
a maikari nga umasideg iti Apo babaen ti kararag. Ngem ammok a no saanak nga
agbabawi, ad-adda laeng a kumaro dagiti banag.
“Inrugik a tenglen ti bagik iti maysa nga aldaw. Ammok a nairuamakon nga agsapata.
Nakaad-adu ti nangngegko a rinarasaw idiay eskuela iti agmalem a kasla gagangay
laengen ti agsapata. Inkeddengko a padasek iti maysa nga aldaw a di aramiden ti kasta.
“Iti umuna nga aldaw inrantak a padasen, ket naaramidko agingga iti pangaldaw. Idi
kuan maay-ayayatanen ken nakaar-ariwawa ti isu amin ket sakbay a naammuak,
nagaunen iti ngiwatko ti riknak. Dandani diak nadlaw a sasawek gayamen; ngem idi
madlawko manen ti bisiok, naupayak ket nakariknaak iti sakit ti nakem.
“Iti dayta a rabii nagkararagak iti napasnek ket dimmawatak iti kired. Iti sumuno nga
aldaw naaddaanak iti tured ti pakinakem a mangibaga kadagiti dua a nasinged a
gagayyemko iti eskuela a diak magustuan ti panagsasaomi ket padpadasek ti agbalbaliw.
Pinadasko manen iti dayta nga aldaw.
“Diak ammo a nagrigat gayam. No dadduma kanayon a mariknak a nalaka la ti agtungpal
iti ebanghelio. Napalabas ti uppat nga aldaw sakbay a naaramidko ti di nagsapata iti
nagmalem. Naragsakanak unay ngem ammok nga inaldaw a nasken nga agannadak a
kanayon. Nakalaklaka ti maikaglis ket agsubliak manen iti sigud a bisiok.
“Intultuloyko ti nagkararag kadagitoy a kanito para iti pammakired. Dimmur-asak ket
naisardengko ti agsao iti dakes, ngem diak narikna ti pannakapakawanko. Agingga nga