Agtutubo a Babbai 1

Adalen
41
192
Ti Kabaelan nga Agballigi
GANDAT Maammuan ti tunggal agtutubo a babai nga adda kabaelanna nga agballigi.
PANAGISAGANA 1. Mangitugot iti papel ken lapis a saggaysa ti tunggal agtutubo a babai.
2. Mangtuding kadagiti agtutubo a babbai a mangidatag iti nasantuan a kasuratan,
estoria, wenno naadaw a sao a kayatyo.
MAISINGASING A
PANANGIDATAG
ITI ADALEN Pakauna
Naadaw a sao Basaen ti sumaganad a palawag:
“Maysa kadagiti kadakkelan a pagkapsutan ti kaaduanna kadatayo ti kinakurang ti pammati
iti bagbagitayo. Maysa kadagiti gagangay a pakapapaayantayo ti panangtagtagibassittayo iti
naindaklan a pategtayo” (L. Tom Perry, “Be the Best of Whatever You Are,” iti Speeches of
the Year, 1974 [Provo: Brigham Young University Press, 1975], p. 77).
Aramid Ikkan ti tunggal agtutubo a babai iti saggaysa a papel ken lapis. Paisurat iti tunggal maysa
kadakuada dagiti banag a dida kayat iti bagida. Para kenkuana laeng daytoy a listaan;
saan a nasken nga ibinglayna iti asino man. Kalpasanna paekesan kadagiti babbalasitang
ti ania man a kasapulan iti listaanda a dida maragpat a dagus iti agdama a sapulda.
Kalpasanna paekesan kadakuada amin a gupit iti bagida a dida mabaliwan (kas
pagarigan, ti katayag, maris dagiti mata, tabas ti timid, kadakkel ti dapan). Pakita manen
kadagiti babbalasitang ti listaanda. Makitada la ketdi a bassit laengen ti nabati. Mabalin a
mairaman ditoy dagiti naespirituan a gupitda, kababalin ken nakayanakan a kinatao, ken
pammagi a mabalin a mapasayaat babaen ti panangtimbeng iti pannangan ken
panangurnos iti bagi.
Panangidatag ti
mannursuro
Ilawlawag nga adu kadagiti banag a ditayo kayat iti bagitayo ti saan a mabaliwan. No
awatentayo dagitoy a banag a kas naisalsalumina a kababalintayo, mabalintayon nga
iturong ti panawentayo, pigsa, ken imatangtayo kadagiti banag a mapasayaattayo ket iti
kasta manayonan ti kabaelantayo nga agballigi.
Nasken a Saantayo a Tagibassiten ti Bagitayo
Panangidatag ti Inaldaw a maipasangotayo kadagiti galad ken gupittayo ken dagiti dadduma. Masansan a
mannursuro
kedngantayo ti bagitayo a maisupiat kadagiti makitatayo. Ti dakesna, masansan a dagiti
laeng pagpigsaanda ken pagkapsutantayo ti pampanunotentayo. Kayattayo a
kataytayagtayo koma, kakutkuttongtayo koma, kapadatayo koma nga agkawkawes,
kapimpintastayo koma, kasirsiribtayo koma, kaes-esmartetayo koma, kastayo koma iti
kabileg ti espirituna—ken adu pay dagiti sumeksek iti panunottayo. Tunggal makitatayo
ti bagitayo iti kasta a panangtagibassit, saan a napudpudno a wagas, madangrantayo ti
riknatayo ket mapaaytayo a mangtun-oy kadagiti pagimbagan ti pigsa ken talentotayo.
Kangrunaanna a madangrantayo iti panagkitatayo iti bagitayo no nangikeddeng dagiti
kadkaduatayo iti pagrukodan ket mariknatayo a ditayo kabaelan a gaw-aten ida.
Naadaw a sao Basaen ti sumaganad a naadaw a sao:
“Saan a [mapasayaat] ti narabaw a panangimatang iti bagi babaen ti kanayon a
panangipalubos kadagiti dadduma a mangikeddeng iti pagrukodantayo ken babaen ti
pannakairuam a sumuko iti inget ti pannakikadua. Kasta met a masansan nga
agpannuray dagiti agtutubo iti kinatao ti maysa a tao imbes nga iti bukodda” (James E.
Faust, iti Conference Report, Apr. 1981, p. 8; wenno Ensign, May 1981, p. 9).