Agtutubo a Babbai 1

Pagrebbengantayo a Tungpalen Dagiti Katulagan nga Aramidentayo iti Apo
Panangidatag ti Igunamgunam kadagiti agtutubo a babbai a no makitulagtayo iti Apo, mangaramidtayo iti
mannursuro
sagrado a kari a “kanayon a laglagipen ken tungpalen dagiti bilinna” (Doktrina ken
Katulagan 20:77). Iti kanito a makitulagtayo iti Apo, pagrebbengantayo a laglagipen dagiti
karitayo ket tungpalentayo ida.
Bukod a padas Isalaysay ti sumaganad a padas ti agkabannuag a kabsat a babai a taga-Samoa.
“Kalpasan ti naudi a wardas ti obispok ken ti presidente ti pasok, simrekak iti templo.
Anian a nagdaeg a bendision ti makastrek iti dayta a balay! Naglukat a namimpinsan
dagiti mata, lapayag, ken pusok a mangagsep iti pannursurona. Nariknak ti kinapudno ti
tunggal katulagan nga inaramidko a simmeksek iti tunggal linabag ken tulangko.
Nariknak a kasla nagtakderak iti sanguanan ti Apo tunggal makitulagak kenkuana. . . .
Pudno unay nga addaak iti lubong ngem kasla iti laksidna” (Sipuao J. Matuauto, “The
Glorious Moments,” Ensign, Aug. 1974, p. 64).
Ipaganetget a ti addaan iti kinasaserdote a mangannong iti ordinansa pudno nga
ibagianna ti Apo. Pabasa iti napigsa iti balasitang ti maikalima a pagannurotan ti pammati.
Panangidatag ti Ilawlawag nga ammo ti Nailangitan nga Ama dagiti aramidentayo a katulagan. Adda
mannursuro
dagiti kanito a mariknatayo a agmaymaysatayo nga agtaktakder iti panangpadastayo a
mangtungpal kadagiti katulagantayo. Ngem ammo amin ti Apo dagitoy ket asideg
kadatayo a tumulong a mamagtalinaed a napudnotayo iti panawen ti panagrigattayo.
Naadaw a sao Basaen ti sumaganad a sao ti nagkauna a dadaulo ti Simbaan:
“Idi timmapogtayo iti danum a pagbuniagan ken nakitulag iti Ama iti Langit nga agserbi
kenkuana ken tungpalen dagiti bilinna, inannonganna met ti bagina babaen ti katulagan
kadatayo a dinatayo baybay-an iti kaano man, dinatayo ibati nga agmaymaysa, dinatayo
liplipatan, iti baet dagiti pannubok ken rigat, no agdadarison ti amin a maisupiat
kadatayo, asideg kadatayo ket kanunongannatayo. Dayta ti katulaganna, ket . . .
maisinggaluttayo kadagiti karina” (George Q. Cannon, Gospel Truth, vol. 1, comp. Jerreld
L. Newquist [Salt Lake City: Zion’s Book Store, 1957], p. 170).
Paglilinnawagan no kasano daytoy pannakaammo a ti Nailangitan nga Ama nagkari a
matulongannatayo a bumileg iti kabaelantayo ken ti panangikeddengtayo a mangtungpal
kadagiti katulagantayo.
Estoria a mabalin nga
saritaen no kayat
Dagiti saludsod ken
pagibasaran
78
Ti Wagas a Panangtungpaltayo Kadagiti Katulagantayo Aringanna ti Panagbiagtayo
Saritaen ti sumaganad nga estoria tapno maipakita no kasano a dagiti katulagan ti
balasitang inaringanna ti biagna.
Adun a tawen ti napalabas, nabuniagan ti maysa nga agtutubo a babai iti dan-aw nga
asideg iti pagtaenganda. Iti panagtugawna a di pay nagsukat iti nabasa a pagan-anayna,
inlawlawag kenkuana ti amana a ti panagbuniagna ti umuna nga addang nga agturong
iti celestial a pagarian. Insurona kenkuana a nasken nga agsagana para iti maikadua nga
addang ti biagna, ti yaawat iti talugading ken panagkallaysa iti templo. Kalpasanna
siaannad a nangilawlawag a no patalgedanna isuna, awatenna ti sagut ti Espiritu Santo.
Tumulong kenkuana daytoy a sagut a mangtungpal kadagiti katulagan nga inaramidna.
Bayat ti pannakapatalgedna, nagkari a siuulimek iti Apo a saanto a pulos nga agaramid
iti banag a manglapped kenkuana a tumukad iti maikadua nga addang. Iti unos ti
kinaagtutubona, kadagiti pangeddengna ken no napigsa dagiti sulisog, malagipna ti
karina. Ita, kalpasan ti adu a tawen, nga inan ti innem nga ubbing, malagipna no kasano
ti kinapateg dayta a kari a namagtalinaed kenkuana a maikari nga umawat iti talugading
ken kangatuan (celestial) a kallaysa ken mangrugi iti bukodna nga agnanayon a biag.
Ti panangpanunot kadagiti sumaganad a saludsod mabalin a makatulong kadagiti
babbalasitang a mangamiris no kasano a maaringan ti biagda iti wagas a
panangtungpalda kadagiti katulaganda iti Apo. Mabalin a pasungbatan kadagiti
babbalasitang ti tunggal maysa kadagiti tallo a saludsod iti panaglilinnawag iti klase,
wenno mabalin a pagkatluen ti klase ket ikkan ti tunggal maysa iti saludsod a
paglilinnawagan ken ireportda.