Agtutubo a Babbai 1

Makaaring Kadagiti Sabali ti
Nalinteg a Pagwadan
GANDAT Mangisaad ti tunggal agtutubo a babai iti nalinteg a pagwadan para kadagiti sabali.
PANAGISAGANA 1. Iti aggigidiat a binulong ti papel, mangisagana iti kopia dagiti sumaganad a nasantuan
a kasuratan: Juan 13:15; 1 Timoteo 4:12; 1 Pedro 2:21; Mateo 5:16.
2. Mairuam kadagiti palawag ken estoria iti adalen.
3. Tudingan dagiti agtutubo a babbai a mangidatag iti ania man kadagiti nasantuan a
kasuratan; estoria, wenno naadaw a sasao a kayatyo.
Adalen
21
MAISANGASING A
PANGIDATAG
ITI ADALEN Mabalin a Makaaring Kadagiti Sabali ti Nalinteg a Pagwadan
Estoria Basaen ti sumaganad a palawag ni Kabsat nga Ardeth G. Kapp:
“No tungpalenyo dagiti bilin ken surotenyo dagiti pagwadan ti Mangisalakan, kasla
kaarngina ti panangitag-ay iti silaw. Ti nasayaat a pagwadanyo makatulong kadagiti
sabali a mangsapul iti dalanda iti sumipsipnget a lubong. Kasapulan ti bileg ti pakinakem
a mangaramid iti ammoyo a nasayaat uray no narikut, narikut unay. Ngem diyonto
mapukaw ti bileg ti pakinakemyo malaksid no kayatyo” (“Stand for Truth and
Righteousness,” Ensign, Nov. 1988. p. 94).
Saritaen ti sumaganad nga estoria:
“17 ti tawenko ket kamengakon iti Simbaan manipud idi agtawenak iti walo. Saan a pulos
a nagbalin a parikutko ti panagtungpalko iti ebanghelio agingga iti napalabas nga aldaw,
idi adda di malipatan a padasko iti lalaki nga agnagan iti Craig.
“ . . . Iti maysa nga aldaw iti klasemi iti Algebra, inkeddeng [ti maysa a grupo ti lallaki] a
sutilen ni Craig, a kaabayko iti tugaw. Naulimek ni Craig, ken saan nga isu ti kalaingan iti
klase, isu a kaay-ayo dagitoy a lallaki a sutilen. Maysa nga aldaw inkeddengda nga iwaras
ti balikas iti intero a klase a dida ikaskaso ni Craig. Gagangay a tultulongak kadagiti
parikut a dina maawatan, isu nga idi nangngeko ti planoda, diak ammo ti aramidek.
“ . . . Iti sumagmamano a kanito sakbay ti panagruruar, naglikig ni Craig ket dinamagna
no kasano a sungbatan ti maysa a parikut. Kimmita amin kaniak dagiti tao iti kuarto ket
pinaliiwda no ania ti aramidek. Nagragutok ti barukongko, ken nagkaling-etan dagiti
dakulapko. Kayatko nga aramiden ti naasi a wagas babaen ti panangsungbatko
kenkuana, ngem mariknak lattan ti bileg ti pannubngar gapu iti panagur-uray dagiti
kaklasek iti panangbaybay-ak kenkuana.
“Bimmara ti rupak ket ammok lattan a nalabaga iti panangsangok ken ni Craig ket
inlawlawagko no kasano a risuten ti parikut, Kasta ti napasamak. Apaman a nawara ti
klase, agsasarunon ti panangpanagan kaniak dagiti lallaki ket pudno a parpariknaandak.
Kasla diak patien nga addakami iti sekundaria. Kaskami la maikamaysa, ket
makasangsangitak. Ngem iti kaunggak ammok a nakaaramidak iti nasayaat.
“iti sumuno nga aldaw kasla diak kayaten ti agsubli iti klasek iti algebra. Ngem idi
addaakon idiay, sinabatdak dagiti isu met la a lallaki ket imbagada kaniak a kayatda
manen a padasen ti panglokoda ket impakaasida ti pannakikaduak. Ngem iti dayta a
kanito, ammok a nasayaat ti inaramidko iti napalabas nga aldaw, ket diak la ketdi kayat ti
umayon iti ay-ayamda.
97