Agtutubo a Babbai 1

Naadaw a sasao ken
panaglilinnawag
Palagip iti
mannursuro
c. Agbalin a katakunaynay, mamagbaga, ken gayyem ti kaingungotna.
6. Babaen ti plano ti Apo, asino ti akinrebbeng iti pannakaipateg ken pannakaisuro
dagiti ubbing?
a. Ti ama laeng.
b. Ti ina laeng.
c. Agpada a nagannak.
7. Iti plano ti Apo—
a. Adda naan-anay a panagpatas ti lalaki ken ti babai.
b. Napatpateg ti lalaki gapu ta addaan iti kinasaserdote.
c. Patpatgen ti Apo dagiti annakna a babbai a kas iti panangipategna kadagiti annakna
a lallaki.
8. Nupay ti ama ti mangimaton iti kaamaanna, tapno makaimaton a kas dadaulo iti
kinapatriarka ti kaamaan, nasken nga—
a. Agturpos iti kolehio.
b. Addaan iti nasayaat a trabaho.
c. Addaan iti Kinasaserdote ni Melchizedek.
9. Adda akem ti ama a kas patriarka gapu ta—
a. Ad-adda a maikari ken nasaysayaat ti pakaikarianna.
b. Daytoy ti nadiosan nga akemna.
c. Daytoy ti dawaten ti paglintegan ken alagaden.
No nalpasen dagiti babbalasitang ti ababa a pannubok, basaen dagiti saludsod iti napigsa.
Kalpasan ti pannakabasa ti tunggal saludsod, pasungbatan kadagiti babbalasitang.
Kalpasanna basaen, wenno pabasa, ti mayannatup a naadaw a sao iti baba.
Ti tunggal naadaw a sao naglaon iti pagilasinan iti umno a sungbat iti naitudo a saludsod.
Nainayon dagiti nagiray kadagiti mangiwanwan a balikas. Kalpasan ti pannakabasa ti
tunggal naadaw a sao, ibaga ti sungbat wenno dagiti umno a sungbat ti saludsod.
Umuna a saludsod
“Ti gobierno ti Apo ti naisigud a kinapatriarka. Ti kaamaan . . . ti sentro” (Bruce R. McConkie,
Mormon Doctrine, 2nd ed. [Salt Lake City: Bookcraft, 1966], p. 559; nainayon dagiti nagiray
a balikas).
Maika-2 a saludsod
“Ti kaamaan ti kapatgan a gunglo ita ken iti agnanayon. Ti panggeptayo iti biag ket
mangparnuay para kadatayo ti benneg ti agnanayon a kaamaan” (Joseph Fielding Smith,
iti Conference Report, Apr. 1972, p. 13; wenno Ensign, July 1972, p. 27).
Maika-3 a saludsod
“Iti pagtaengan ti turay a mangimatmaton maisaad nga kanayon iti ama, ket iti amin a
pakaseknan ti pagtaengan ken aramiden ti kaamaan awan ti sabali a turay a
mangrimbaw” (Joseph F. Smith, Gospel Doctrine [Salt Lake City: Deseret Book Co., 1975],
p. 27; nainayon dagiti nagiray a balikas).
Maika-4 a saludsod
Kinuna ni Presidente Ezra Taft Benson, “Impasdek ti Dios a dagiti amma ti nasken a
mangimaton iti pagtaengan. Dagiti amma ti mangted iti kasapulan, mangipateg, mangisuro,
ken mangiturong” (iti Conference Report, Apr. 1984, p. 6; wenno Ensign, May 1984, p. 6;
nainayon dagiti nagiray a balikas).
“‘Ti kinaama ket panangidaulo, ti kapatgan a kita ti panangidaulo. Naisigud a kasta; ket
kastanto latta a kanayon. Ama, babaen ti panangtulong ken pammalakad ken
pammaregta ti agnanayon a kaduam, mangimatonka iti pagtaengan’” [Father, Consider
Your Ways, maibunong a papel, 1973, pp. 4–5]. (Kas inagapad ni Presidente Benson,
Ensign, Nov. 1987, p. 49).
Gapu ta napateg daytoy a kapamanunotan, mabalinyo a paglilinnawagan ti sungbat iti atatiddog
a panawen, Ilawlawag nga umno amin dagiti sungbat iti ababa a pannubok.
Panayonan kadagiti agtutubo a babbai iti singasing kadagiti banag a maaramid ti ama kas
mangidaulo a patriarka iti pagtaengan. Adda singasing kadagiti sinao ni Presidente
Benson; nalabit a makayaonkayo kadagiti agtutubo a babbai iti sabali a kas iti
61