Agtutubo a Babbai 1

Panangidatag ti
mannursuro
Makedngan ti Agtutubo a Babai ti Warnakan ket Liklikanna Dayta Makaidagel
Ilawlawag a nasken a mapakaammuantayo sakbay nga agpilitayo iti warnakan a buyaen,
denggen wenno basaentayo. Naballaagantayo a siaannad a mangpili kadagiti
kapanunotan a pangibatayantayo iti pangngeddengtayo. Mabalin a saan nga agaramat
dagiti dadduma iti maawat a pagrukodan iti panangkeddeng iti warnakan. Mabalin a
gutugoten dagiti propesional nga agam-amiris ti tunggal maysa a manggusto iti maysa a
“naindaklan” a pelikula, pabuya iti telebision, teyp, rekord, wenno libro uray no adda
pagduaduaan a nairamen iti daytoy. Nangted ni Presidente Ezra Taft Benson iti
pagrukodan nga aramaten a kas pagannurotan iti panangeddeng iti warnakan. Nupay
ad-adda nga itudtudona dagiti libro a basaentayo, mabalin met nga aramaten ti isu met
laeng a pagrukodan iti sabali a warnakan.
Paskil Iparang ti maikadua a dasig ti paskil wenno ikkaten ti abbong ti sumaganad a lima a
pagrukodan a naisuraten iti pisarra.
Naadaw a sao “Ita, iti kaadu dagiti libro a sidadaan, daytoy ti pakailasinan iti pudpudno a deadal a tao
a mangammo no ania ti dina basaen. . . . Kas imbalakad ti ina ni John Wesley kenkuana:
‘Liklikan ti [1] ania man a makapakapsut iti pangngeddengtayo [2] a mangdadael iti
kinalanay ti konsensiayo, [3] a mangpalidem iti pannakaammoyo iti Dios, [4] a
mangikkat iti essemyo iti naespirituan a bambanag, . . . [5] a mangdegdeg iti
panangituray ti bagi iti panunot.’
“Iti kinapudno a gapu ta daanen ti libro dina kayat a sawen a napategen. Ti kinapudno a
gapu ta nakasurat ti mannurat iti maysa a napintas a banag dina kayat a sawen a maikari
aminen a librona iti panawenyo. Diyo aramiden ti panunotyo a pagibasuraan ti sabali a
tao. Narigrigat a dalusan ti panunot a dinadael ti panagbasa ngem ti panagdalus iti bagi a
dinadael ti taraon, ken ad-adda a makadadael iti kararua” (“In His Steps,” iti Speeches of
the Year, 1979 [Provo: Brigham Young University Press, 1980], p. 61).
Panaglilinnawag Paglilinnawagan ti tunggal maysa kadagitoy lima a pagrukodan. Tulongan dagiti
agtutubo a babbai a mangawat a dagiti pangaring ti makaidagel a warnakan mabalinda a
pagikayen ti Espiritu, a panawannatayo nga awanen ti pangigaga ti Espiritu Santo.
Damagen kadagiti agtutubo a babbai no kasano ti panangaramatda kadagitoy lima a
pagrukodan a mangammo no ania a warnakan ti pilienda.
Panangidatag ti
mannursuro
Ilawlawag a rumikrikut ti panangilikliktayo kadagiti bagitayo iti pangaring ti makaidagel
a warnakan a kasla manglikliktub kadatayo. Nupay kasta, kangrunaanna nga adda dagiti
panagannad a maaramidtayo a pangliklik ken adda dagiti addang a maaramidtayo no
maipasungalngaltayo iti ditayo kabaelan.
Naadaw a sao Impatigmaan kadatayo ni Obispo H. Burke Peterson a “nasken nga awan ti ania man a [di
nasayaat] a pelikula a pakiramanantayo a buyaen wenno pagsasaritaan. Nasken nga awan ti
nanaigan iti pornograpia a magasin, ladladawan, wenno estoria. . . . Adda kadi bileg ti
pakinakemmo a mangtallikud iti narugit a pelikula—wenno buyaem ken denggem kadi, ket
isingasingmo iti bagim, ‘Malpasto met laeng daytoy,’ wenno ‘Ar-aramiden ti amin;
maawat daytoy a kita ti paglinglingayan’? Adda kadi bileg ti pakinakemmo a mangipawil
iti pagtaenganyo kadagiti pabuya iti telebision a napno iti mangisingasing a panagsasarita—
kasta met dagiti padas? Napanunotmo kadin no kasano ti bileg dagitoy a pabuya a
mangdangran uray pay ti kapigsaan nga espiritu? . . . Nasken a ditayo taraonan ti
bagbagitayo iti basura!” (iti Conference Report, Oct. 1980, pp. 56–57; wenno Ensign, Nov.
1980, pp. 38–39; wenno nainayon dagiti napagiray a balikas).
Panaglilinnawag
iti pisarra
Dagiti amirisen a
kasasaad ken
panaglilinnawag
Adalen 33
Iparang ti maikatlo a dasig iti paskil wenno itudo ti maikatlo a dasig iti pisarra.
Dawaten kadagiti agtutubo a babbai nga ibagada dagiti naisingasing a wagas a pangliklik
iti makaidagel a warnakan. Dawaten kadagiti kameng ti klase a paglilinnawaganda ti
paskil wenno singasing iti pisarra a kas mangiwanwan wenno mabalin a pangrisut
kadagiti sumaganad nga amirisen a kasasaad.
1. Inawis dagiti gayyem ni Diane iti maysa a pasken nga adda pelikula a maipabuya.
Ammonan a sigud a pagduaduaan ti kita ti pelikula ket nabaelanna nga inuyotan ti
agsangaili a mangsukat iti daytoy. Ngem iti sabali a pasamak, naipasubo ni Diane iti
kasasaad a dina ammo a sigud no ania a kita ti paglinglingayan. Maysa a pelikula nga
adu a napintas a panangamiris ti rimmuar kadagiti periodiko ket kaaduanna kadagiti
gayyemna ti nakabuyan. Kunada amin a napintas. Nangngeg ni Diane nga iraman
daytoy ti panagsasao, kapanunotan, ken buya nga ammona a pakapabainanna.
153