Agtutubo a Babbai 1

Palagip iti
mannursuro
62
panangipakita iti nalinteg a pagarigan, panangiburayna iti pammaneknek ken
pammatina, ti panangkitana a maisuro dagiti kameng ti kaamaanna kadagiti umno a
pagbatayan.
Maika-5 a saludsod
“Iti panawen ti pannakaparsua, naipaakem iti ina ti pagrebbengan a mangipasngay ken
mangtaripato kadagiti ubbing. Naited iti ama ti kangrunaan nga akem a mangipaay iti
kasapulan. Awan ti ania man iti amin a nasantuan a kasuratan a mangbaliw iti daytoy
kangrunaan a pannakaawat; ket ngarud, ti kabaruan a nasantuan a kasuratan ken dagiti
agdama a propeta pinasikenda daytoy napateg a panaglangen dagiti amma ken inna”
(“The Church and the Proposed Equal Rights Ammendment” [booklet], pp. 11–12, Ensign,
Mar. 1980; nainayon dagiti nagiray a balikas).
“Pagsayaatanna, [ti ama] saanna a kasapulan a mangimaton ken mangeddeng ken
agtignay nga awanan iti balakad, awanan iti katulonganna. [Addaan] iti kapisi—ti kadua, ti
mammagbaga, ti kapareha, ti katulongan, ti gayyem” (Father, Consider Your Ways [maibunong a
papel, a.p.], p. 3; nainayon dagiti nagiray a balikas).
Maika-6 a saludsod
“Pudpudno a maipaakem ti nadagsen a pagrebbengan iti agassawa no yegda dagiti ubbing
iti lubong. Saan la a taraon, aruaten, ken pagtaengan ti kasapulan kadakuada, ngem
panagayat, naasi a panangdisiplina, pannursuro, ken panangiwanwan” (Spencer W. Kimball,
“Train Up a Child,” Ensign, Apr. 1978, p. 5; nainayon dagiti nagiray a balikas).
Maika-7 a saludsod
“Iti Simbaan adda naan-anay a panagpatas ti lalaki ken ti babai. Ti ebanghelio . . . insayangkat ti
Apo a para iti lallaki ken babbai. . . . Dagiti gundaway ken kasapulan iti ebanghelio agpadpada a
napateg kadagiti lallaki ken babbai. Patpatgen ti Apo dagiti annakna a babbai a kas iti
panangipategna kadagiti annakna a lallaki” (John A. Widtsoe, Evidences and Reconciliations [Salt
Lake City: Bookcraft, 1960], p. 30; nainayon dagiti nagiray a balikas).
Maika-8 a saludsod
“Nupay tunggal ama ti dadaulo iti kaamaanna, iti naing-inget a kaipapanan a ti kaamaan
ti Santo iti Ud-udina nga Aldaw saan a maawagan a patriarka malaksid no ti asawa a
lalaki addaan iti Kinasaserdote ni Melchizedek ket naikallaysa ti kapisi wenno nailantip iti
kaingungot iti templo, ken naipasngay dagiti ubbing iti katulagan wenno nailantip
kadagiti dadakkelda” (A Light Unto the World [Melchizedek Priesthood course of study,
1967–68], p. 55).
Gapu ta adda pay la ngata agtutubo a babbai iti klaseyo nga awanan dagiti ammada iti
Kinasaserdote ni Melchizedek, mabalin a kayatyo a basaen ken paglilinnawagan ti
sumaganad a palawag.
“Iti kapanunotan a, ‘Saan a kameng ti Simbaan ti kaingungotko [wenno ni tatangko], ken
dina pay dayawen daytoy,’ isungbatko a napnuan ayat ken pannakipagrikna: ‘Patgek a
Kabsat, kameng man wenno saan, isu pay laeng ti ama ken dadaulo iti kaamaan. . . .
Tulongam iti nasayaat a tignayna. Ipakitam kenkuana a mamati ken agtalekka iti
kabaelanna a mangiturong iti kaamaan. Paregtaem babaen dagiti nadayaw a pagwadan”
(Richard G. Scott, “Father Is Head of the Family,” Ensign, Feb. 1977, pp. 84–85).
Maika-9 a saludsod
“Ti alagaden ti kinapatriarka nagtaud iti nadiosan ket agtultuloy iti panaglabas ti panawen
ken iti agnanayon. Adda, ngarud, naipangruna a gapu no apay a nasken a maawatan
dagiti lallaki, babbai ken ubbing daytoy nga alagaden ken daytoy a turay iti
sangakabbalayan dagiti tao ti Dios. . . . Saan a nasken no asino ti ad-adda a maikari. Wenno
isu ti pakabuklan ti saludsod no asino ti nadaldalus ti panagbiagna. Ad-adda nga agtalimudok
iti paglintegan ken alagaden” (Joseph F. Smith, Gospel Doctrine, p. 287; nainayon dagiti
nagiray a balikas).