Agtutubo a Babbai 1

“1. Agkararagkayo a kanayon sakbay a rugianyo iti agbasa kadagiti nasantuan a kasuratan.
Patalinaayenyo ti panunotyo ket lipatenyo ti lubong. Maysa pay, ikararagyo amin a
basaenyo—bayat ti pananglawag dagiti kapanunotan ti ebanghelio iti kaungganyo
wenno no adda saludsodyo. Dikayo agsarimadeng nga umawag iti Amayo.
“2. Mangisaganakayo iti papel ken lapis bayat ti panagbasayo. Makapasanikar daytoy nga
aramid, ket masansan a sumeksek iti namudel a panunot dagiti kayat a tun-oyen,
makatignay a kapanunotan, wenno baro a pampanunot.
“3. Dikayo agdardaras! Saan a lumba daytoy a panagadal. Awan ti naituding a kaatiddog ti
panawen a panangileppas iti naikari a paset sakbay nga agiddakayo. Basaenyo ti
maysa a paset wenno bersikulo iti sumagmamano nga aldaw. Yuloyo ti nasantuan a
kasuratan ket ibukarnanto ti nailemmeng a kaipapananna a diyo nadlaw, kaipapanan
a mayannatup iti agdama a panagbiagyo.
“4. Agsaludsodkayo bayat ti panagbasayo iti nasantuan a kasuratan.... Agsaludsodkayo sa
umawagkayo iti Apo. Bayat ti panagsaludsodko, naglukat dagiti ridaw ti pusok ket
nangibati iti lugar a pagtalinaedan ti Espiritu Santo.
“5. Agsardengkayo iti sumagmamano a daras iti agmalem ket utobenyo ti maysa a panunot a
pinanunotyo iti nauneg. Kas pagarigan, amirisenyo ti kinapudno ti ‘ayatem ti karrubam
a kas iti bagim.’ Ulitenyo ti nasantuan a kasuratan, saludsodenyo ti tunggal tignayyo,
ket isuratyo ti kapanunotanyo iti bassit a kard.
“Amin daytoy maysa a banag a panangtedyo iti panawen iti bagiyo; daytoy ti inaldaw a
panagbaliw. Agyamankayonto ta palasbangenna ti paniriganyo. Maaddaankayonto iti
baro a turong iti biagyo ken uray pay ti inaldaw a paltiing.
“Amin daytoy a panagutob mangitunda iti pudno ken nauneg a panangawat iti
ebanghelio, ti misiontayo, ken ti gloria ti Dios. Mamin-adu bayat ti panagutobyo nga
iturongnakayo iti nasam-it a kinatalinaay ti Espiritu Santo a sumeksek iti pusoyo ken
mangsilaw iti amin a kinataoyo iti kinapudno.
“Kinuna ni [Presidente] Joseph Fielding Smith, ‘Inadal ken inutobko dagiti pagbatayan ti
ebanghelio iti unos ti panagbiagko ket pinilik ti agbiag kadagiti paglintegan ti Apo.
Nagbanaganna nagapon iti pusok ti naindaklan nga ayatko kenkuana ken iti aramidna
ken kadagiti amin a nagkalikagum a mangituloy kadagiti panggepna iti daga’
(Conference Report, Oct. 1971, p. 6; nainayon dagiti napagiray a balikas.
“Mangilatangkayo iti panawen nga agutob. Daytoy ti tulbek ti di nakappapati a rag-o ken
pannakaammo ditoy iti kinaindagaan.
“[Kinuna ti Mangisalakan], ‘Ibatik kadakayo daytoy a pagsasao tapno utobenyo iti
kaungganyo, iti daytoy a bilin nga itedko kadakayo, tapno awagandak no asidegak—
“‘Umasidegkayo kaniak ket umasidegak kadakayo’ (Doktrina ken Katulagan 88:62–63.)”
(Susan Hill, “Pondering Isn’t Preposterous,” New Era, May 1976, pp. 49–50).
Pakagupgopan Ilawlawag a ti panagutob kadagiti nasantuan a kasuratan yad-aduna ti rag-o ken
ragsaktayo kadakuada ken yasidegdatayo iti Mangisalakan.
Panangigibus: Tulbek ti Kinaragsak
Naadaw a sao Tapno maipaganetget nga adda napateg a kaipapanan dagiti nasantuan a kasuratan iti
biagtayo, basaen ti sumaganad nga naadaw a sao: “Tunggal maysa kadatayo, iti maysa a
paset ti panagbiagtayo, nasken a duktalantayo dagiti nasantuan a kasuratan iti
bagbagitayo—ket saan la a mamimpinsan a duktalantayo, ngem sublisublian ida a
duktalan” (Spencer W. Kimball, “How Rare a Possession—the Scriptures!” Ensign, Sept.
1976, p. 4).
Naibaga metten kadatayo ti maysa a propeta ti Dios a nasken a basaentayo ti Libro ni
Mormon iti inaldaw.
Kinuna ni Presidente Ezra Taft Benson, “Adda libro a nasken nga adalentayo iti inaldaw,
saggaysa man wenno sangakaamaan, nga isu ti Libro ni Mormon” (iti Conference Report,
Apr. 1986, pp. 99–100; wenno iti Ensign, May 1986, p. 78).
126