Agtutubo a Babbai 1

Adalen
15
66
Ti Kinasaserdote ni Melchizedek
GANDAT Maawatan ti tunggal agtutubo a babai dagiti pagrebbengan ken rebbengen dagiti addaan
iti Kinasaserdote ni Melchizedek.
PANAGISAGANA 1. Ladawan 10, Pannakaisubli ti Kinasaserdote ni Melchizedek (62371), a masarakan iti
likud ti pagbasaan.
2. No mabalin, ikkan ti tunggal kameng ti klase iti kopia ti maibunong a papel ti, “Dagiti
Saad ken Pagrebbengan ti Kinasaserdote ni Melchizedek,” iti ungto ti adalen.
3. Mangtuding kadagiti agtutubo a babbai a mangidatag iti ania man nga estoria,
nasantuan a kasuratan, wenno naadaw a sasao a kayatyo.
MAISINGASING A
PANANGIDATAG
ITI ADALEN Pakauna
Naadaw a sao “Ti kinasaserdote isu ti bileg ti Dios a naidutok kadagiti lallaki tapno agakem para iti
bendision ken pannakaisalakan ti amin a sangkataw-an. Nupay masansan nga ibataytayo
dagiti addaan iti kinasaserdote a kas ‘ti kinasaserdote,’ nasken a ditayo a pulos a liplipatan
a ti kinasaserdote saan a kukua wenno naikasigud kadagiti addaan iti daytoy. Addaan iti
sagrado a talek a maaramat para iti pagimbagan dagiti lallaki, babbai ken ubbing. Kinuna
ni Elder John A. Widtsoe, ‘Saan a nabusbuslon ti bendision a sagrapen dagiti lallaki ngem
dagiti babbai a nagtaud iti kinasaserdote ken naipakuyog iti panangtagikua’ (Priesthood
and Church Government Salt Lake City: Deseret Book Co., 1939, p. 83). Kas pagarigan,
agpadpada ti gundaway dagiti agtutubo a babbai ken agtutubo a lallaki nga umawat iti
bendision manipud kadagiti dadaulo ti kinasaserdote” (Dallin H. Oaks, iti Conference
Report, Apr. 1992, p. 51; wenno Ensign, May 1992, p. 36).
Panangidatag ti
mannursuro
Naisublin ti Kinasaserdote ni Melchizedek
Ipakita ti ladawan ti pannakaisubli ti Kinasaserdote ni Melchizedek. Ilawlawag nga iggem
da Pedro, Santiago, ken Juan dagiti tulbek ti Kinasaserdote ni Melchizedek. Nagparangda
kada Joseph Smith ken Oliver Cowdery iti asideg ti panawen a pannakabukel ti Simbaan
a mangisubli kadagiti bileg daytoy a kinasaserdote iti daga.
Adda Naipangruna a Pagrebbengan Dagiti Addaan iti Kinasaserdote ni Melchizedek
Aramid iti pisarra Ilawlawag a binuangay ti Apo ti kinasaserdote tapno maisaknap ti pagarianna iti intero a
lubong ken mabendisionan ti tunggal kameng ti Simbaan. Naited ti naituding a
pagrebbengan ti tunggal pagtakeman iti Kinasaserdote ni Melchizedek tapno
maipatungpal dagiti panggep ken aramid iti Apo a kas iti nangisangratanna.
Ilawlawag a basaenyo ti sumagmamano a pagilasinan a panangilasin iti saad wenno
korum iti Kinasaserdote ni Melchizedek. No adda maysa kadagiti agtutubo a babbai ti
makapanunot iti saad wenno korum nga iladladawanyo, nasken nga ingatona ti imana.
Basaen amin a pagilasinan uray no ammo dagiti agtutubo a babbai ti sungbat iti umuna a
pagilasinan. Kalpasan ti panangbasa kadagiti pagilasinan, damagen kadagiti
babbalasitang ti umno a sungbat.
Iti pannakaited dagiti umno a sungbat, saggaysaen nga isurat iti pisarra.
1. (a) Dagiti kameng ti korumko naisangayanda a saksi ni Jesucristo iti intero a lubong. (b)
Dagiti kameng ti korumko kinanunongan dagiti kameng ti Simbaan iti sadino man a