Agtutubo a Babbai 1

dagiti paglasatanna a padas: umuna dagiti namedmedan, nainggimongan, pannakiamammo
a pannakilangen, sa ti misionna, sa ti panagaremna, sa ti panagkallaysana iti
templo ken ti panagadal ken ti kaamaanna, sa ti pagbiagna a trabaho. Agparikut iti ania
man a sabali a panagsasaganad” (Spencer W. Kimball, “Marriage—The Proper Way,” p. 5).
Saritaen daytoy a naadaw a sao ti maipanggep kadagiti babbarito. Pailawlawag kadagiti
agtutubo a babbai no kasano met a maipakat daytoy kadagiti babbalasitang.
• Ania ti maaramidyo ita a pangisagana iti bagiyo a makisinnarak kalpasan a madanonyo ti
maikasangapulo-ket-innem? (Nasken a mairaman kadagiti sungbat ti pannakigayyem
kadagiti babbarito, panangpasayaat kadagiti kabarbaro a pagesman, pannakatun-oy
kadagiti paglaingan iti gimong.)
• Apay a napateg ti maaddaan iti gagayyem iti sabali a seks nga awan ti naikappeng a
panagpinnateg?
• Ania ti pagimbagan a mapagteng kadagiti agtutubo a babbai ken lallaki bayat ti
pannakiramanda kadagiti aramid ti ragup?
Mabalin a kayatyo nga isurat iti pisarra ti sungbat dagiti babbalasitang. Penken a
maagapad dagiti sumaganad a punto: Magun-odda ti panagtalek iti bagida.
Makatakuatda iti baro a pagesman ken aramid. Maadalda ti maipanggep iti pagesman
dagiti dadduma. Masursuroda ti agsasarita. Masursuroda ti makipulapol. Babaen ti
panagtitipon ti ragup, agbalinda nga ad-adda a makaay-ayo a tattao.
Mangbukel Dagiti Aramid ti Ragup iti Nasayaat a Pondasion iti Pannakisinnarak
Ilawlawag nga imbalakad dagiti dadaulo ti Simbaan kadagiti babbalasitang a mangaramat
kadagiti tawen sakbay ti pannakisinnarak a kas panawen ti panagsagana, panawen a
panangmuli.
Naadaw a sao “‘Makitak dagiti tawen sakbay ti pannakisinnarak a kas panawen a panagbukar ti
“pannakamuli”. Nasken nga agpapada ti pannakapnek dagiti babbalasitang iti
“pannakamuli” iti yaadanin ti pannakatungpal ti panggep a tun-oyen.’ . . . [Panawen
dagiti tawen sakbay ti pannakisinnarak] a panagsagana ti balasitang para kadagiti aramid
ti ragup, a panaglang-ay, a panagnakem, a panagdur-as. . . .
‘Sayang ti panagur-uray. . . . Adu a banag ti maaramid dagiti babbalasitang ngem ta agururay
lattan [nga agtawen iti sangapulo-ket-innem sakbay a makisinnarak]. Mabalin dagiti
babbalasitang ti agaliwaksay, bigbigenda ti sasaadenda ket nanamenda ti agdama a saan
la nga agur-urayda lattan iti idadateng ti sumuno nga aldaw’” (Ruth H. Funk, inadaw ni
Gerry Avant, “Pre-dating Years: A Vital Season,” Church News, 3 Dec. 1977, p. 9).
Naadaw a sao “‘Adu dagiti nakaay-ayat a banag a mabalin nga aramiden ti balasitang a saan la nga agururay
iti pannakisinnarakna, a kasla ti panangadalna a manggusto iti tao ken mangpaadu
iti gagayyemna, a makaay-ayo no pabus-oyan ti balasitang a kasta.
“‘Kasla ti balasitang nga adu ti gagayyemna ti ad-adda a makaawis. Iti panangpaaduna iti
gagayyemna, mapaasideg dagiti dadduma. Uray no saan a makisinsinnarak, makibinglay
met kadagiti padas, mangpabaknang iti lagip ken maaddaan iti lang-ay.
“‘No maganatan no dadduma ti balasitang, wenno saan a makaidna nga agur-uray a
makisinnarak, nasken a laglagipenna ti makisarita iti Nailangitan nga Amana maipanggep
iti daytoy a banag.’
“ . . . Dagiti tawen a panagsagsagana, a napateg unay, nasken a saan a matungday a
dagus babaen ti nasapa a pannakisinnarak. ‘Nasken a siaannad a salimetmetan ti
balasitang daytoy a panawen ti biagna, aguray iti umno a panawen tapno no dumtengen
kenkuana ti umno a pagtuladan ti pannakisinnarak sa nakasaganan a mangbigbig
kadagiti kababalin a kayatna a suroten. . . .
“‘Dagiti tawen sakbay ti pannakisinnarak, no umno ti pannakaaramatda, makaited iti
balasitang iti padpadas a tumulong kenkuana a mangpadur-as iti kababalin a
mangpalugod kenkuana nga agbalin a nabileg, mainugot a pangaring kadagiti dadduma.’
“ . . . No awan ti kasapulan a panawen a panagsagana mabalin a nakarabrabaw ti
pannakilangen ti balasitang. ‘No awan ti panawen a panagsagana, saan a nakasagana ti
balasitang kadagiti pagrebbengan a kadua ti pannakisinnarak ken panangpatibker
143