Agtutubo a Babbai 1

TI PANNAKASUKOG
TI ADALEN
Dagiti kangrunaan a
ramen
vi
agkurang ti oras wenno adu unay ti pakaiturongan ti panunot, pilien laeng dagiti
kasamayan a pagibasaran. Aramaten dagiti nasantuan a kasuratan a nainsiriban. Babaen ti
panangisaganayo agbalinda a nabileg a ramit iti panangisuro.
Nasken nga agbasa a saggaysa dagiti agtutubo a babbai iti klaseyo kadagiti nasantuan a
kasuratan bayat ti dandani tunggal adalen. Guyugoyenyo ida babaen ti panagdamagyo iti
saludsod wenno panangidatagyo iti parikut. Mabalin a kayatyo nga isurat ti pagibasaran
a nasantuan a kasuratan iti pisarra tapno ammo dagiti babbalasitang ti pangsapulanda.
Gagangay a madamag ti saludsod sakbay a maibasa ti nasantuan a kasuratan. No saan,
mabalin a baliwan manen dagiti babbalasitang a basaen ti nasantuan a kasuratan tapno
masungbatanda ti saludsod.
No dadduma maited ti agtutubo a babai ti umno a sungbat babaen ti bukodna a balikas a
saan a nasken a kitaenna ti binatog ti nasantuan a kasuratan. No mapasamak ti kastoy,
pagsaludsodanyo pay iti sabali a pakapilitanna a mangbasa iti nasantuan a kasuratan; kas
pagarigan, “Kasano ti panangibaga ni Pablo?” wenno “Ania dagiti mainayon a sirmata a
magun-odtayo manipud iti daytoy a binatog?” Sakbay a maparegtayo dagiti babbalasitang
a mangsukisok kadagiti nasantuan a kasuratan, nasken pay a maparegta iti bagiyo dagitoy.
Isagana ti bagiyo babaen ti napasnek a panagadal, panagkararag, ken panangutob
kadagitoy a binatog a namnamaenyo a sukisoken dagiti babbalasitang bayat ti klase.
Panangisuro—Awanen ti Nain-indaklan nga Akem (33043) ti napateg unay a
pagadawan dagiti amin a mannursuro. Naglaon daytoy kadagiti singasing iti
panagisagana kadagiti adalen; naespirituan a panagsagana; ken dagiti wagas iti
panangisuro a kas iti panangyakem, panagsasarita, saludsod, panagiladawan iti pisarra,
dagiti banag nga adalen, ken singasing a pakairamanan dagiti kameng ti klase. Naglaon
pay kadagiti kapanunotan maipanggep iti panangtengngel iti kababalin iti siled a
pagadalan, panangurnos iti siled a pagadalan, ken nadumaduma a singasing iti
panangidur-as iti kabaelan a mangisuro. Pagbasaran daytoy a makatulong iti
panangisagana ken panangisuro kadagiti adalen.
Dagiti Magasin ti Simbaan: Linaon dagiti magasin ti Simbaan dagiti artikulo ken estoria a
mabalin a makatulong a mangpasayaat iti adalen.
Linaon ti tunggal adalen ti sumaganad:
1. Gandat. Ibaga daytoy ti panggep ti adalen— no ania ti kayatyo a maawatan dagiti
agtutubo a babbai wenno aramidenda a kas bunga ti adalen.
2. Panangisagana. Iraman daytoy dagiti banag a kasapulan tapno maidatag ti adalen, a
kas kadagiti ladawan ken maibunong a papel, ken naituding nga aramiden iti
pagtaengan a nasken a maisakbay ti pannakaaramidda. Kaaduanna kadagiti ladawan a
maaramat iti adalen ti nairaman iti likud ti pagbasaan. Iparang ti numero ti ladawan ti
panagsasaganad ti ladawan iti likud ti pagbasaan. Ipakita dagiti numero nga addaan iti
panaklot a ladawan ti biblioteka ti balay a pagmimitingan ti ladawan? Saan a mabalin
nga ikkaten dagitoy manipud iti pagbasaan. Gagangay a nairaman iti paggibusan ti
tunggal adalen dagiti maibunong a papel ken kopia ti pagsanayan. Saan nga ikkaten
ida manipud iti pagbasaan. Mabalin a paseroks dagitoy.
Palagip: Kaaduanna kadagiti adalen ti pakasapulan kadagiti nasantuan a kasuratan,
tisa, ken pisarra.
3. Maisingasing a Panangidatag iti Adalen. Isingasing dagiti palagip iti kanigid a pingir
dagiti wagas iti panangisuro, ket iparang ti kangrunaan a bagi ti adalen ti pakaammo a
maisuro. Manipud iti naited a pakaammo, pilien dagiti kasapulan ken wagas a kasayaatan
a maibagay tapno maragpat ti kasapulan dagiti agtutubo a babbai iti nabati a panawen.
(No mayannatup, mabalin nga isuro dagiti adalen iti ad-adu ngem maysa a panagklase.)
Laonen ti bagi ti adalen ti sumaganad:
a. Pakauna. Daytoy ti naisingasing a wagas a panangirugi iti adalen ken mangawis iti
imatang ken mangparagut kadagiti kameng ti klase.
b. Katulongan a Paulo. Linaon ti tunggal benneg ti adalen ti kangrunaan a