Agtutubo a Babbai 1

Naadaw a sao ken
panaglilinnawag
Naadaw a sao ken
panaglilinnawag
106
• Kasano ti panangtratoyo kadagiti mangsair kadakayo?
Insuro ni Jesus a nasken a pakawanen dagiti pasurotna ti tunggal maysa. Nasken nga
ayatenda dagiti kabusorda ken bendisionanda dagiti mangilunod kadakuada.
Inlawlawagna pay a no saan a mamakawan ti tao, dakdakkel ti basolna ngem ti nagbasol.
Pabasa iti maysa nga agtutubo a babai ti Doktrina ken Katulagan 64:9–10.
• Kasano ti kadagsen ti saan a mamakawan kadagiti dadduma?
• Asino ti masapul a pakawanenyo?
Nangisaad ni Jesus ti kangatuan a pagarigan iti panangpakawan kadagiti mangsair ken
mangpasakit. Inlawlawag ti maysa kadagiti dadaulo ti Simbaantayo: “Ibaga kadatayo ti
pakasaritaan ti Biblia nga awan ti nabiag a tao ti nagsagaba iti pannakairurumen, saem, ti
panagtutuok a naglasatan ti Mangisalakan iti lubong bayat dagiti naudi nga oras ti
panagbiagna ditoy daga.
“Kalpasan dagiti nagsasaruno nga ulbod a pammabasol, liniputan ti maysa a maibilang
kadagiti kasingedan iti ragup dagiti gagayyemna. Naglasat ngarud iti masasao a
pannakausig, a nangpataud iti pangngeddeng nga induron ti pagimbagan ti politika ken
pannakipagrikna ti publiko imbes a maibatay iti linteg.”
Isardeng a basaen ti naadaw a sao ket saludsoden:
• Ania ti riknayo no liputannakayo ti gayyemyo?
• Ania ti aramidenyo iti tao a mangipabasol kadakayo iti diyo met aramid?
Ilawlawag a saan a naggibus ti panagsagaba ni Jesus iti ulbod a pammabasol ken
panangliput ti maysa a gayyem. Ituloy a basaen.
“Sa iti agdadaraddan nga agsasaruno a panagtutuok: adda ti atiddog a panagtutuok iti
Kalbario bayat ti panangibaklayna iti nadagsen a krus; inik-ikkisan ken tinuptupraan ti
adu a tao iti dalan; adda dagiti nagidiaya iti suka, a ginibusan dagiti nadawis a lansa; sa
kamaudiananna, naipadeppa sadiay, a nalulo ti bagina ken agdardara, a sursuroten pay la
dagiti kabusorna; ket iti ngalay amin dagitoy ti nalabit nga immararawan ni Jesus a
siuulimek, a napnuan pasnek a panangrukbab, ‘Ama, pakawanem ida ta dida ammo ti
aramidenda . . . ’ (Lucas 23:34.) (Robert L. Simpson, iti Conference Report, Oct. 1966, p.
128; wenno Improvement Era, Dec. 1966, p. 1148).
Tapno Magun-odtayo ti Pammakawan ti Dios, Nasken a Sursuruentayo a Pakawanen
Dagiti Dadduma
Ilawlawag a bayat ti panangpakawan ti agtutubo a babai, palubosanna ti Apo a
mamakawan kenkuana. Sinaludsod ni Elder Marion D. Hanks ti sumaganad a saludsod:
“Saan kadi kaipapananna ti kaawan pulos panagbabain iti idadawat a namnamaen iti
Dios a mamakawan no saantayo met a mamakawan?—a sibubulanos? ken iti
puspusotayo?” (iti Conference Report, Oct. 1973, p. 15; wenno Ensign, Jan. 1974, p. 20).
• Kasano ti panangpakawanyo iti maysa a tao a sibubulanos ken sipupuso?
• Kasano a parmeken ti rikna a pannakasuron, panagpungtot, wenno panagibales
kadagiti nagbasol kadakayo tapno napudpudno ti pammakawanyo?
• Kasano a matulongannakayo ti kararag a makasursuro a mamakawan?
• Kasano a ti panangawat ken panangammo iti Mannubbot matulongannakayo a
mangpakawan kadagiti dadduma?
Ibaga nga inlawlawag ti Nailangitan nga Ama, kas naisurat kadagiti nasantuan a
kasuratan, a no agbabawi ti tao, pakawanenna dagiti basolda ket “dinan laglagipen
dagitoy” (Doktrina ken Katulagan 58:42). No pakawanen ti maysa nga agtutubo a babai ti
maysa a tao, nasken a sibubulanos nga ibagana iti tao sana lipatenen ti basol, a saannan
nga ag-agapaden pay.
Naadaw a sao Awaganyo ti agtutubo a babai a nangtedanyo iti palawag ni Presidente Spencer W.
Kimball a mangbasa iti napigsa.
“Masapul kadi a mamakawanak uray no agtalinaed [ti nagbasol kaniak] a nalamiis ken
nakayakay ken mapagduaduaan? Awan panagduadua iti daytoy.