You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Tunggal Maysa Umawat iti Sagut Manipud iti Nailangitan nga Ama<br />
Pisarra Isurat ti sumaganad a kapanunotan iti ngato ti pisarra ket bay-an idiay agingga a malpas<br />
ti adalen: Annaktayo nga espiritu ti Nailangitan nga Amatayo, ket naikkan iti sagut ti tunggal<br />
maysa kadatayo babaen ti Espiritu ti Dios. Pabasa iti napigsa ti tunggal balikas kadagiti<br />
agtutubo a babbai bayat ti panangisuratyo sa basaenyo nga aggigiddan ti sangabukel a<br />
sasao apaman a malpas daytoy.<br />
Panaglilinnawag<br />
iti nasantuan a<br />
kasuratan<br />
Ilawlawag a nabuslon ti inted ti Apo a panangiwanwan kadagitoy ud-udina nga aldaw<br />
maipanggep iti talento.<br />
Bayat ti panangbasa ken panaglilinnawagyo kadagiti sumaganad nga uppat a nasantuan<br />
a kasuratan, mabalin a kayatyo a paugedan kadagiti babbalasitang ken aramaten ida a<br />
pagibasaran.<br />
Pabasa iti agtutubo a babai ti Doktrina ken Katulagan 46:11–12. Paglilinnawaganyo ti<br />
kayat a sawen ti balikas a sagut ken ti gapu ti nangtedan kadatayo ti Apo kadagitoy a<br />
talento.<br />
Pabasa iti sabali nga agtutubo a babai ti Doktrina ken Katulagan 82:18. Paglilinnawaganyo<br />
ti impalgak ti Apo kadatayo iti daytoy a nasantuan a kasuratan maipanggep iti<br />
pannakaaramat ti talento.<br />
Basaen ti Doktrina ken Katulagan 82:2–3 ken paglilinnawagan ti ipasimudaag a daytoy a<br />
nasantuan a kasuratan iti pangaramatantayo iti talento.<br />
Iti Doktrina ken Katulagan 60:13, kasasao ti Apo ti dua a nagkauna a misionario. Pabasa iti<br />
sabali a kameng ti klase daytoy a nasantuan a kasuratan, ken pailawlawag iti klase ti<br />
pagkaarngian ti kinasadut ken ti panangilemmeng iti talento.<br />
• Kalpasan ti panangbasa kadagitoy uppat a nasantuan a kasuratan, kasano ti riknayo<br />
maipanggep iti pagrebbenganyo a mangsapul, mangidur-as, ken mangaramat kadagiti<br />
talentoyo?<br />
Iwanwan dagiti agtutubo a babbai nga agpanunot, bayat ti panangidatagyo kadagiti<br />
sumaganad a kasasaad, maipanggep kadagiti wagas a pannakaduktal kadagiti talento.<br />
1. Narikna ni Cynthia a sisasaganan nga umawat iti bendision ti kinapatriarka. Bayat ti<br />
pannangted kenkuana ni Kabsat a Whittier iti bendision, siaannad ni Cynthia a<br />
nagdengngeg ket nasdaaw a nakangngeg iti panangibagana kenkuana nga adda<br />
naindaklan a talentona a mangisuro.<br />
2. Magustuan ni Sara ti karit ni Sister Myron iti klasena a mangtakuat ken mangrugi a<br />
mangidur-as iti talentoda nga agserbi.<br />
3. Dua a tawen pay la nga agad-adal ni Michelle iti piano idi maidawat kenkuana nga<br />
agbalin a pianista iti Primaria. Iti maysa a malem, idi kaaw-awagna iti baro a takemna,<br />
nagtugaw iti sango ti piano ket pinanunotna ti kaawan ti essemna nga agsanay. Sa<br />
nalagipna ti panangpatalged kenkuana ni Obispo Hampton, nga inkari a no itultuloyna<br />
a padur-asen ti paglainganna iti piano, adunto ti maaringanna iti pagarian ti Apo<br />
babaen ti panangibinglayna iti makaitandudo a musika.<br />
4. Imbaga ti maestra ni Marian nga isu ti mangidaulo iti panagaramid ti klase iti partuat ti<br />
ima. Awan pay a pulos ti naaramid ni Marian iti unos ti panagbiagna. Iti siddaawna, idi<br />
rugianna ti agurnong iti kapanunotan ken agaramid iti sumagmamano kadagiti<br />
partuat, nagustuanna ida.<br />
Panaglilinnawag Sukisoken ti sumagmamano kadagiti wagas ti tao a mangtakuat iti talentoda. Sa<br />
paglilinnawagan dagiti sumaganad a saludsod maipanggep kadagiti agtutubo a babbaiyo:<br />
• Adda kadi kadakayo nakatakuaten iti talentona a diyo ammo nga adda?<br />
• Ania dagiti talento a naduktalam iti bagim wenno kadagiti gayyemmo?<br />
• Apay a saan nga umdas a duktalan lattan dagiti talento?<br />
217
Change language