You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Adalen<br />
25<br />
114<br />
Aldaw a Panaginana<br />
GANDAT Ikagumaan ti tunggal agtutubo a babai ti panangngilinna iti Aldaw a Panaginana.<br />
PANAGISAGANA 1. Mangitugot iti lapis ken papel a para iti tunggal agtutubo a babai.<br />
2. Mangisagana iti maibunong a papel a para iti tunggal agtutubo a babai a kalanglanga ti<br />
panguged a pagrukod. Mabalin a kalanglanga ti banag a kas iti daytoy:<br />
Pagrukod Kadagiti Aramid iti Aldaw a Panaginana<br />
1 2 3 4 5 6 7 8 9 1 0 1 1 1 2<br />
Nasayaat kadi daytoy? Makaitag-ay kadi daytoy iti espiritu? Aramiden kadi daytoy ni Jesus?<br />
Ti Panggepko a Tun-oyen: Pagtalinaedek ti bagik nga awan mulitna iti lubong.<br />
3. Mangtuding kadagiti agtutubo a babbai a mangidatag kadagiti estoria, nasantuan a<br />
kasuratan, wenno naadaw a sao a kayatyo.<br />
MAISINGASING A<br />
PANANGIDATAG<br />
ITI ADALEN Ti Panagisagana Para iti Aldaw a Panaginana Pabaknangenna Dagiti Bendision iti<br />
Dayta nga Aldaw<br />
Aramid a panagsurat Ikkan ti tunggal agtutubo a babai iti lapis ken papel. Iwanwan ti klase a mangkupin iti<br />
papel iti mamindua nga agtakder a dasig ket pauluanda ti umuna a dasig ken isuratda ti<br />
“Dagiti Banag nga Inaramidko Idi Napan a Domingo.” Nasken a malpas daytoy nga<br />
aramid iti saan a nalablabes ngem lima a minuto. Paipakni biit dagiti papelda ta<br />
aramatendanto no madamdama iti klase.<br />
Estoria Basaen ti sumaganad nga estoria:<br />
“Malagipko a kinunak, ‘Ania ti madi kaniak? Kaamakko ti Domingo. Matikawak. Agsakit<br />
ti ulok. Uray no kanayon a mapanak iti Simbaan, kasla awan ti maar-aramidko. Sadino ti<br />
yan dagiti bendision a naikari kadatayo? Ikarkarigatak a ngilinen ti Aldaw a Panaginana.<br />
Diak mapan agbuybuya iti sine wenno aggatang. Mapanak kadagiti mitingko. Ania ti<br />
madi kaniak? Ket naammuak no ania ti madi kaniak?’<br />
“Ammok iti kaunggak a no aramidek dagiti adalek iti eskuela iti Domingo, wenno<br />
agbuyaak iti telebision, wenno agdait, wenno uray no sumarungkarak kadagiti gayyemko<br />
a babbai ket pagsasaritaanmi amin a banag a kaay-ayo dagiti babbalasitang a<br />
pagsasaritaan, diak pudno a ngilngilinen ti Aldaw a Panaginana. Agarup nga awan duma<br />
ti Domingo kadagiti dadduma nga aldaw.<br />
“Ngarud, kalpasan ti adalen maipanggep iti Aldaw a Panaginana, inkeddengko a<br />
rugiakon ti agbalbaliw. Inkeddengko nga imutektekak ti bagik. Apaman a<br />
nakaikeddengak, napnuak iti regta a mamagbalin nga ad-adda a naisangsangayan nga<br />
aldaw. Nailanad iti adalenmi a nasken nga isuratmi dagiti banag a mabalin a maaramid a<br />
maipasakbay a pangisagana iti Aldaw a Panaginana. Apaman a nalpasko ti listaak,<br />
naannayasen ti pannakaipagna dagiti banag.”