Create successful ePaper yourself
Turn your PDF publications into a flip-book with our unique Google optimized e-Paper software.
Panangyakem Aramaten ti sumaganad a panangyakem a pangtulong kadagiti babbalasitang a<br />
mangamiris iti panagbalbaliw ti galadda ken no kasano daytoy a mangaring kadagiti<br />
dadduma.<br />
Carol: [Kaduana ni nanangna iti kuartona] Nanang, saanen a nasken nga urnosem ti<br />
kuartok no awanak. Umdasen ti tawenko ken ammokon nga urnosen ti bagik.<br />
Ina: Nasayaat unay, Carol. Maragsakanak iti kasta a napanunotmo. Kasta koma met ti<br />
panunot da manongmo. [Rimmuar iti kuarto ket kalpasan ti sumagmamano a kanito.]<br />
Carol: [Manipud iti kuartona] Nanang! Malagipko nga agsanaykami gayam iti pabuyami<br />
ket naladawakon. Diak masapulan ‘tay pagbadok! Ammok nga adda la iti kuartok!<br />
Panaglilinnawag • Ania a wagas ti panangpadas ni Carol nga ipakita iti panagbalinna nga agkammatalek<br />
iti bagi?<br />
• Ania ti rikna ni nanangna maipanggep iti daytoy?<br />
• Agtultuloy kadi ti tarigagay ni Carol nga agbalin nga agkammatalek iti bagi?<br />
• Ania iti panagkunayo ti pampanunoten ti nanang ni Carol idi saan a masapulan ti<br />
balasitang ti aruatenna?<br />
• Ania ti rumbeng a maawatan a dua da Carol ken ni nanangna maipanggep iti<br />
panagbalbaliw ti galad?<br />
Panangyakem Mimi: [Umasideg ken ni tatangna nga agbasbasa] Tatang, kayatko koma nga adda<br />
pakatgedak iti kuarta.<br />
Ama: Apay?<br />
Mimi: Gumatangak koma’t sapatosko.<br />
Ama: Kagatgatangmi laeng ti sapatosmo, a.<br />
Mimi: Ngem goma dagitoy a sapatos a pagay-ayammi idiay eskuela.<br />
Ama: Apay a dimo aramaten ‘tay daan a sapatos ni manangmo?’<br />
Mimi: [Makapungtot] Tatang, pulos a dikayo mangrikna uray ania ti langlangak. Awan a<br />
pulos ti maawatanyo. [Nagtabbuga.]<br />
Panaglilinnawag • Ania ti pinadas ni Mimi a pangipakitana nga agkammatalek iti bagina?<br />
• Ania koma ti nasaysayaat nga inaramidna a pangipakitana nga ad-adda nga<br />
agkammatalek iti bagi ken nanakemen?<br />
Nasantuan a<br />
kasuratan<br />
Pabasa kadagiti babbalasitang ti Taga-Efeso 6:1–4. Pailawlawag kadakuada no kasano a<br />
nabaliwan ti pannakaawat daytoy a balakad ti panaglinnawag da Mimi ken ni tatangna.<br />
Ilawlawag a paset ti itatanor ket ti panagsursuro a mangiturong kadagiti rikna, tignay,<br />
ken galadtayo. Nasken a masansan a yebkas dagiti nagannak ken agtutubo a babbai ti<br />
ayatda ken ipakatda ti anusda iti tunggal maysa bayat daytoy a panawen ti itatanor ken<br />
panagnakem.<br />
Igibus daytoy a paset ti adalen babaen ti panangilawlawag kadagiti agtutubo a babbai iti<br />
sumaganad a palawag maipanggep iti panagkammatalek iti bagi.<br />
Naadaw a sasao “Managpabus-oy unay ti Apo iti wayawaya nga itedna kadatayo. Iti ad-adda a<br />
panagsursurotayo a mangsurot iti rumbeng, iti ad-adda nga agkammatalek iti bagitayo a<br />
naespirituan, ad-adda a ti wayawaya ken panagwaywayastayo mapatalgedan” (Boyd K.<br />
Packer, “Self-reliance,” Ensign, Aug. 1975, p. 89).<br />
“Iti umno a pannakaawat ken panangsurot, ti agkammatalek iti bagi ket makaay-ayo a<br />
nasantuan a saguday, ngem, no saanen nga agpannuray iti Apo, agbalin a bisio a<br />
mangyadayo iti tao iti dana ti kinalinteg. . . .<br />
“Ngem iti amin dagitoy, saan a naan-anay nga agtalek ti tao iti bagina a mismo. Saanna la<br />
a pagkammatalkan laeng iti bukodna a pigsa, wenno iti bileg ti tao. Ti Apo ti<br />
Mamalbalakad ken Mangisalakanna, nga isu ti pagtalkanna iti panangiwanwan,<br />
panangiturong ken pammaregta” (Bruce R. McConkie, Mormon Doctrine, 2nd ed. [Salt<br />
Lake City: Bookcraft, 1966], pp. 701–2).<br />
51