Agtutubo a Babbai 1

Adalen
31
142
Dagiti Aramid ti Ragup: Ti Pangibatayan
iti Nainsiriban a Pannakisinnarak
GANDAT Masursuro ti tunggal agtutubo a babai a makatulong dagiti makaay-ayo nga aramid ti
ragup a pangidur-as iti panagsisinninged dagiti babbarito ken babbalasitang.
PANAGISAGANA 1. Mangitugot iti papel ken lapis a saggaysa dagiti kameng ti klase.
Palagip iti
mannursuro
2. No mabalin, mangaramid iti kopia dagiti naadaw a sao iti maikadua a benneg ti adalen
a basaen iti napigsa dagiti kameng ti klase. Mabalinyo a pagkatluen ti atiddog a naadaw
a sao ni Presidente Spencer W. Kimball.
Basaen a naimbag agingga iti banag wenno aramid a mabalin nga adalen no kayat iti
gibus daytoy nga adalen. No ikeddengyo nga aramaten ti panaglilinnawag iti ragup,
ipasakbay a nasayaat dagiti naituding nga aramiden.
MAISINGASING A
PANANGIDATAG
ITI ADALEN Dagiti Aramid ti Ragup Makaidur-as Kadagiti Baro a Pagesman, Panagtalek iti Bagi,
ken Kabaelan iti Gimong
Basaen ti sumaganad a naadaw a sao manipud iti Umuna a Panguluen ken Konseho ti
Sangapulo-ket-dua:
Naadaw a sao “‘Dagiti babbalasitang nga agtawen iti 14-15 ken mannursuro . . . addaanda iti adu nga
aramid para iti gimong a naplano nga agpaay kadakuada, iti eskuelada ken kadagiti
programa ti Simbaan, a nasken a nanamenda a kas ragup. Nasken a liklikanda ti
agsisinnarak a parisparis a lalaki-babai’” (“Policies and Procedures,” New Era, Jan. 1971, p. 30).
Inted ni Presidente Spencer W. Kimball kadagiti agtutubo ti Simbaan ti sumaganad a
balakad:
Naadaw a sao “Patpatgek nga agtutubo, nasken nga agpasnekkayo. Saan a lang-ay ken ragragsak ti
pakabuklan ti biag. Isu ti kapasnekan nga aramid. Nabun-askayo a dumakkel nga ubbing a
makilangen kadagiti babbai ken lallaki kadagiti umuna a tawen. No sumagpatkayon iti
kinaagtutubo, gagangay pay laeng ti pannakipulapolyo iti panaglalangen dagiti babbarito
ken babbalasitang. Maisanud pay laeng ti pannakisinsinnarak wenno panagpaparisparis iti
kagimongan agingga a sumagpat iti tawen a 16 wenno natataeng, ken uray pay iti dayta a
tukad nasken latta ti naannad a panangeddeng iti panagpili ken iti panangipasnek.
“Nasken a pengdan dagiti agtutubo ti nalabes a sinninged iti sumagmamano a tawen, ta
mapan pay agmision ti lalaki inton agtawen iti 19. Nasken a mapengdan ti sinninged ket
iti kasta maliklikan ti nalabes a pannakilangen a pakaitebbangan iti pannakinaig. Nasken
nga awan a pulos ti pannakinaig iti ania man a kita sakbay ti pannakiasawa” (“Marriage—
The Proper Way,” New Era, Feb. 1976, p. 5).
Paadal manen kadagiti agtutubo a babbai dagiti addang ti mainugot a panaglangen ti
balasitang ken ti barito a kas inagapad ni Presidente Kimball. Mabalinyo a binsabinsaen
dagitoy iti pisarra bayat ti panagsungbatda.
• Apay iti panagkunayo nga insingasing ni Presidente Kimball a saan a mangrugi ti
pannakisinnarak agingga a lumas-ud iti sangapulo-ket-innem wenno natataengan?
• Apay a napateg a suroten daytoy a balakad?
Ituloy ti naadaw a sao “Nasken a rinugianen ti tunggal barito ti agurnong iti kuarta a para iti panagmisionna ken
nawaya iti ania man a pakaisagmakan tapno maikari. No nagsublin manipud iti
misionna . . . , nasken a nawaya ti riknana a makipulapol ken makisinnarak. No
nasarakannan ti mainugot a babai, nasken nga adda umno a panagkallaysa iti templo.
Magun-od ti maysa a tao ti amin a parabur no matengngelna ti riknana ken naannayas