Agtutubo a Babbai 1

Adalen
20
92
Danonen Dagiti Sabali
GANDAT Idanon ti tunggal agtutubo a babai ti pannakigayyem kadagiti babbalasitang a kataebna
ken paregtaenna ida a makiraman kadagiti aramid ken miting iti Simbaan.
PANAGISAGANA Tudingan dagiti agtutubo a babbai a mangidatag iti ania man a nasantuan a kasuratan,
estoria, wenno naadaw a sasao a kayatyo.
MAISINGASING A
PANANGIDATAG
ITI ADALEN Pakauna: Sapulen ti Panagpada
Amirisen a kasasaad Basaen dagiti sumaganad a pasamak iti napigsa kadagiti agtutubo a babbai. Papadas
kadakuada a sapulen ti maysa a banag nga awan iti tunggal pasamak. (Maysa a gayyem—
maysa a mangipateg.)
1. Maysa a lalaki, napasag a natakawan ken nadangran iti igid ti kalsada, ti saan nga
ikaskaso dagiti aglabas.
2. Agmaymaysa a magmagna ti balasitang iti inaldaw a nagaruat iti daan ken aguspaken a
lupot nga aglabunglabong iti kinakuttongna idinto nga agugrupo a magmagna dagiti
kataebna iti sumagmamano nga addang ti un-unana.
3. Kanayon a mabati ti agtutubo a lalaki iti pagtaenganda iti Domingo gapu ta mariknana
nga awan ti mangikaskaso kenkuana iti korumda ti kinasaserdote.
Mabalintayo ti Makigayyem iti Nadumaduma a Kita ti Tao
Sarsarita Dua nga aso ti agay-ayam iti igid ti kalsada iti maysa nga aldaw idi adda naisar-ong a
pusa. “Mabalin ti makiay-ayam kadakayo?” dinamag ti pusa.
“Saan!” imbugkaw ti maysa kadagiti aso, ket intuloy ti pusa nga inunor ti kalsada.
“Apay a kasdiay ti inaramidmo?” dinamag ti sabali nga aso.
“Saan a makiay-ayam ti aso iti kasta nga ayup. Maigidiat dagiti pusa kadatayo. Nakaarariwawada
ken kanayon a kayatda ti umuli iti kayo. Kayatko ti makiay-ayam iti kas
kaniak.”
Kalpasan ti sumagmamano a kanito adda agin-iniin a naliday ti kitana a pag-ong a
sumungad iti kalsada. Simmardeng met ket dinamagna no mabalinna ti makiraman iti
ragsakda. Imbaga manen ti sabali nga aso a saan. Isu a nagtuloy manen ti pag-ong.
“Apay a dina mabalin met ti makiay-ayam?” dinamag ti gayyemma.
“Dimo nakita ti langana? Saantayo a kalanglanga, ken nabuntog pay. Saan la ketdi a
makataray a kas iti kapardastayo ken makakamat iti banag a kas iti ar-aramidentayo.
Kayatko ti maysa a kas kaniak.”
“Ay,” kinuna ti gayyemna.
“Naglabas ti kanito ket dimteng ti maris-dapo a kuneho nga agtartaray iti kalsada. Nadlawna
dagiti dua nga aso nga agay-ayam ket nagsardeng ta kitaenna no makapagay-ayam met.
Saan met a naawat. Nupay kasta, kayatna a maammuan no apay a di makapagay-ayam.
Nagsardeng nga agay-ayam ti aso a nagkedked ket kinitana ti kuneho.
“Maigidiatka kaniak. Saanta nga agkamaris. Maigidiat ti langam. Sabali ti aramidmo.
Sabali ti timekmo. Kayatko ti kas kaniak.”
“Ania ti kayatmo nga aramiden?” dinamag ti kuneho.