Agtutubo a Babbai 1

Adalen
47
216
Panangparegta iti Panangidur-as
Kadagiti Talento
GANDAT Bigbigen ti tunggal agtutubo a babai ken paregtaenna iti panangidur-as kadagiti bukodna
a talento ken kadagiti kameng ti kaamaan.
PANAGISAGANA 1. Ladawan 23, Pintora ni Vincent van Gogh, a masarakan iti likud ti pagbasaan.
2. Mangitugot iti papel ken lapis a saggaysa ti tunggal balasitang.
3. Mabalin nga aramiden no kayat: Mangitugot kadagiti banag a mabalin nga ilemmeng
iti tunggal balasitang, kas iti panait, dagum, aspili, barut, butones, lapis, palito, pagipit
iti buok.
4. Ilista dagiti nailemmeng a banag iti tunggal agtutubo a babai.
5. Mangtuding kadagiti agtutubo a babbai a mangidatag iti ania man a nasantuan a
kasuratan, estoria, wenno naadaw a sao a kayatyo.
MAISINGASING A
PANANGIDATAG
ITI ADALEN Pakauna: Nailemmeng a Bambanag
Ay-ayam (mabalin
nga aramiden no
kayat)
Iti iseserrek ti tunggal balasitang iti klase, ipaigidmo ket ikabilmo kenkuana ti maysa
kadagiti banag nga intugotmo. Ikabilmo iti makita ngem saan a nakaddidillaw a lugar
(kas pagarigan, mangipauyaoyka iti panait iti abaga ti balasitang, mangikawitka iti barut
wenno aspili iti ohales, mangipit iti lapis iti lapayag).
Ikkan ti tunggal agtutubo a babai iti nakaisuratan dagiti banag nga inkabilmo iti tunggal
balasitang. Pasapul kadagiti agtutubo a babbai dagiti banag ken kurosanda ti tunggal
banag iti listaan a masarakanda. Ikkam dagiti agtutubo a babbai iti dua a minuto a
siuulimek nga agsapul; sa kitaem no ania dagiti banag a nasapulan ken saan. Bayat ti
panangsaggaysa dagiti agtutubo a babbai ti adda iti listaan, a manginagan iti tunggal
banag ken ti yanda, ikkatem ti banag iti balasitang sa ipakni. Nalabit nga adda maysa
wenno dua a di nasapulan. Ipakitam no sadino ti yan dagitoy a banag.
Panaglilinnawag Paglilinnawagan no kasano a mayarngi ti panagsapul kadagiti banag iti panangtakuat
kadagiti talento.
• Kasano a mabigbig dagiti talentotayo?
• Kasano a mabalin a nalaka a makita dagiti talentotayo a ditayo ammo dagitoy?
• Apay a mabalin a ditayo mabigbig ti talento?
• Apay a makunatayo nga addaantayo amin iti talento?
• Apay nga adda dagiti talento a narigat a masapulan?
• Apay a nasken a sukimatentayo agingga a masapulantayo dagiti talento?
Ilawlawag a naikkan ti tunggal maysa iti sagut wenno talento a naggapu iti Nailangitan
nga Ama. No dadduma nasayaat ti pannakailemmeng ken narigat a sapulen dagitoy a
sagut ken talento. No matakuatan ti talento, naindaklan a padur-asen dayta a talento,
wenno mapukaw laeng.
Ipalagip kadagiti agtutubo a babbai a saan a kanayon a karkarna dagiti talento, a saanda a
kanayon a napateg, a narigat no dadduma a sapulen, a saan no dadduma a madmadlaw,
a di maikaskaso no dadduma, ken masansanda unay a kasapulan ken makatulong
kadagiti dadduma a tao.