Agtutubo a Babbai 1

“Makaluaakon; mariknak ti saem a rumkuas iti barukongko. Sinagidko ti abaga ni
nanang, ket awan ti nayesngawko no di ‘Ladingitek, ‘Nang,’” nga awan iti nakemko.
“Simrekak iti kuartok ket inliktubko ti ridaw, nga inkugtarko ti nadalapusko a sapatos ti
adiek a babai.
“Diak mailadawan no kasano a nasken a maipasngayak iti kaamaak a saan iti dadduma a
kaamaan a kas iti kaamaan dagiti Miller. . . . Pudno a narigat no siksika ti kameng ti
Simbaan iti kaamaan. Imbaga kaniak dagiti elder a narigat ket adda dakkel a trabaho nga
agur-uray kaniak, a mangipakita iti nasayaat a pagwadan. Pinadasko ngem kasla
ipagpagarup ti kaamaak a nangaton ti panagkitak iti bagik iti panagkamengko iti Simbaan
ken ti panangbaliwko iti biagko. . . .
“ . . . Nagiddaak a dagus a diak nagkararag. Diak kabaelan. Nasakit unay ti nakemko ket
impapanko a dinak mangngeg ti Apo.”
Panaglilinnawag • Ania ti rikna ni Cheryl kadagiti dadakkelna? Apay?
• Ania ti riknayo kadagiti dadakkel ni Cheryl?
• Ania koma ti naaramid ni Cheryl a pangpasayaatna iti kasasaad iti pagtaenganda?
Estoria Basaen ti paggibusan ti estoria.
“Iti agsapa ti Paskua idi makariingak sumirsiripen ti init iti iddak. Agsapa ti Paskua!
Limmagtoak gapu iti karkarna a rikna ti Paskua. . . . Insuotko ti robak ket rimmuarak a
nagturong iti salas. . . .
“‘Para kenka dayta, Cheryl,’ [kinuna ni nanang], nga intudona ti karton iti sirok ti kayo.
“Induron ni tatang ti karton kaniak. Dakkel a karton a di nabungon ngem nabedbedan iti
sobrasobra nga agduduma a ribon. Impapanko a suiter a para P.E. gapu ta kasapulak,
ngem saan. Idi maikkatko ti papelna, nagparang ti nakupin a bestida nga idi la a nakitak.
Maysa kadagiti kadaanan a moda nga adda laso ken rapolsna. [Nangina unay] la ketdi
daytoy.
“Diak nakatimek a dagus. Kasla natilmonko ti angesko.
“‘Kasla diak patien! Nagpintas! Inulit-ulitko nga imbaga bayat ti panangitag-ayko a
nangisibar iti bado.
“ . . . Sabali ti kitkitaen ni tatang, ngem inasitgak ket nagtugawak iti abayna. Inarakupko
iti nairut a diak malagip no kaano pay ti naudi a panangarakupko!
“‘Nangalaam, ‘Tang? Kayatko a sawen, ammok a dimo kabaelan!’
“Kimmita iti . . . tugaw ket awan ti nasaona, ngem kasla nginepngep dagiti bibigna a kasla
makalibbi. Inarakupnak ngem inikkatna met la a dagus. Nagtalinaedak a nakatugaw a
kitkitaek dagiti pigis ti tumeng ti pantalonna ket pampanunotek ti maipanggep iti
panagayat ken panangted ket ammok a dakkel ti trabaho nga agur-uray kaniak” (Carol C.
Ottesen, “Holiday Homework,” New Era, Dec. 1972, pp. 22–23).
Panaglilinnawag • Kasano a binaliwan ti nangngegyo a naggibusan ti estoria ti riknayo maipanggep iti
tatang ni Cheryl?
• Apay nga ipapanyo a saan a maawatan daytoy agtutubo a babai ken ti amana ti rikna ti
tunggal maysa?
• Ania dagiti pagilasinan a patpatgen dagiti nagannak kenkuana ni Cheryl?
• Masdaawkayo kadi no dadduma no patpatgennakayo dagiti dadakkelyo?
• Ania a wagas ti panangipakita dagiti dadakkelyo ti panangipategda kadakayo?
• Kasano ti panangawatyo a nasaysayaat kadagiti dadakkelyo?
Ti Pannakaawat Kadagiti Nagannak ti Tulbek ti Nasingsinged a Panaglilinnangen
Ilawlawag a sumiksiken ti ayat ken panagdayawtayo kadagiti sabali a tao bayat ti
panangammo ken pannakaawattayo iti kinasiasino, padpadas, ken riknada.
Listaan ti saludsod No nasapsapa ti pannakakompleto dagiti agtutubo a babbai kadagiti listaan ti saludsod,
paglilinnawaganyo iti daytoy a gundaway. No saan, ikkan iti kopia ti tunggal agtutubo a
35