Agtutubo a Babbai 1

Adtoy dagiti saludsod, a nakaikuyogan dagiti pagibasaran iti nasantuan a kasuratan,
naadaw a sasao, ken kapanunotan a tumulong a mangutob kadagiti sungbat.
1. Kasano a maaringan ti dalan ti biagyo no saankayo a makitulag? (Kitaen ti Doktrina
ken Katulagan 58:30; 132:7.) “Mangala iti dua a lallaki, mabalin nga agpadada iti
kinaimbag, agpada a nadalus, manangngaasi, napudno ken nalinteg, ngem
nabuniagan ti maysa ket saan ti sabali. Adda kangrunaan a paggidiatanda, ta ti maysa
anak ti Dios a nasubbot babaen ti panangtungpalna kadagiti paglinteganna, ket ti
sabali nagtalinaed iti kasipngetan” (Joseph F. Smith, Gospel Doctrine [Salt lake City:
Deseret Book Co., 1986, p. 97).
2. Kasano a maaringan ti dalan ti biagyo no makitulagkayo ngem diyo met tungpalen?
(Kitaen ti Doktrina ken Katulagan 1:14–15; 58:29; idilig iti palawag ni Elder Cannon.)
Kasano ti pakaigidiatan ti biag nga awan ti bendision nga inladawan ni Elder Cannon?
3. Kasano a maaringan ti dalan ti biagyo no makitulagkayo ket agtalinaedkayo a napudno
kadakuada? (Kitaen ti Doktrina ken Katulagan 54:6; Mosiah 5:7, 15.) “Ti Dios..gapu iti
ayatna kadatayo, disnudo a bimmaba tapno makitulag kadatayo, tapno mailikliktayo iti
biddut, iti leddaang, iti panagbabawi, ken tapno maitag-aytayo iti kangatuan nga agpang
ti gloria a naikari kadagiti nalinteg ken makaibtur agingga iti panungpalan” (ElRay L.
Christiansen, iti Conference Report, Oct. 1972, p. 47; wenno Ensign, Jan. 1973, p.51).
Panangipakat iti Adalen
Isingasing nga aramaten ti tunggal agtutubo a babai ti oras ti sakramento a
pangpanunotan kadagiti katulaganna iti panagbuniag ket planuenna no kasano a
tungpalenna ida a naan-anay iti umay a lawas.
Adalen 17
79