Agtutubo a Babbai 1

nainlubongan a dagensen ken natuok a kasasaad, pinilina ti nagbiag a nalinteg. Gapu iti
dayta, binendisionan ti Nailangitan nga Amatayo ket ginunggonaan ti ari. Uray datayo,
maparaburantayo met no pilientayo ti agbiag a naimbag ken nalinteg. Mabalin a
masuboktayo ket nalabit a ditayo magun-od ti kinabaknang ken dayaw a maipaay ti
lubong, ngem mabalintayo ti bumaknang kadagiti napatpateg a paset ti panagbiagtayo.
Kinuna ni Elder James E. Faust:
“Gapu ta saan a sisasagana a magatang ti imbag ken pammati iti pagtagilakuan, adda
dagiti mangipapan a mabalinda ti agbiag iti ania man a pagrukodan a kaykayatda wenno
isingasing ti panunotda. Iti kagimongan nga awanan pateg—a nawaya ti dayaw, nawaya
ti pagrukodan—adu met dagiti agbibiag nga awanan iti rikna iti pateg ti kinataoda, iti
panagdayaw-iti-bagi, ken kinatakneng. Kasta met nga adu ti agtutubo, ken natataengan,
ti di makabigbig, kas iti napaneknekan ti pagsasao iti siudad ti Nottingham, England: Vivet
post funera virtus (‘agbiag ti kinaimbag kalpasan ti ipapatay’)” (iti Conference Report, Apr.
1981, p. 9; wenno Ensign, May 1981, p. 9).
Panaglilinnawag • Ania dagiti rag-o ken parabur a naagapad a nagtaud iti naimbag ken nalinteg a
panagbiag? Apay a napatpateg dagitoy ngem iti madaydayaw iti pammadayaw ken
ngayed ti lubong?
Panangigibus
Iti laksid ti nakusnaw a ladawan a masansan a maipinta maipanggep iti lubong, adda
dagiti Daniel iti kabaruanan nga aldaw iti sidongtayo. Datayo, mabalintayo met ti agbalin
a kas ken ni Daniel ket agbiagtayo a nalinteg iti baet dagiti dagensen iti aglawlawatayo iti
pannakaammotayo a kanayon nga adda ti Nailangitan nga Amatayo a mangtulong ken
mangbendision kadatayo. Kabaelantayo ti agbalin a “napudno iti pammati” ket saan nga
“agkibaltang.”
Himno Kas panggibus a kanta, kantaen ti “True to the Faith” (Hymns, no. 254).
Maibunong a “Masarkedak koma dagiti nailubongan a dagensen ita tapno makapagturayak iti
papel a mabalin nga kangatuan a gloria iti kinaagnanayon.”
aramiden no kayat
164