Agtutubo a Babbai 1

Panagbiag a Naimbag
PAKAUNA
Palagip iti
mannursuro
Babaen dagiti nasantuan a kasuratan ken dagiti propetana, insuro ti Apo ti pagrukodanna
iti kinadalus ti dayaw iti tunggal dispensasion. Ti panagbaba dagiti pagrukodan iti lubong
nga aglawlawtayo ti nangparnuay iti dakkel a paggidiatan no ania ti awaten ti lubong ken
no ania ti anamongan ti Apo. Nasken nga ammotayo ti pagrukodan ti Apo iti kinadalus ti
dayaw tapno matungpaltayo.
Bayat ti panangidatagyo kadagiti adalen iti daytoy a yunit, nasken ti panagannad tapno
masinunuo a maisuro dagiti agtutubo a babbai iti pagrukodan ti Apo iti mainugot,
umagsep a wagas a maibagay kadagiti agpang ti panagdur-as ken pannakapagsaganada
para iti kasapulan ti adalen.
Kadagitoy nga adalen, nasken ti panangimutektekyo iti pannakasapul ti panangiturong ti
Espiritu iti isuroyo, no kasano ti panangisuroyo, ken no kaano nga isuroyo daytoy.
Nasken a maitalimudok ti panaglilinnawag kadagiti paset a naisuron dagiti propeta ken
adda kadagiti kasapulan iti adalen.
Mangted ti pelikula a Morality for Youth, nairaman iti videocassette a Come Unto Me
videocassette (53146), iti mainugot a pakauna wenno panangigibus kadagiti adalen iti
daytoy a benneg ti videocassette uray iti rugi wenno gibus dagiti adalen iti daytoy a yunit.
Awan ti umdas a panawen iti oras ti klase a pakairaman ti benneg ti videocassette ken ti
paglilinnawaganna a kas adalen; ngarud, aramaten koma ti sabali nga oras ti klase a
pangipabuyaan iti Morality for Youth ken panaglilinnawag iti daytoy.
141