Agtutubo a Babbai 1

Panangidatag ti
mannursuro
134
Napili Daytoy a Kaputotan a Tumulong a Mangisagana iti Maikadua a Yaay ti
Mangisalakan
Ibaga kadagiti babbalasitang a naindaklan a gundaway ti agbiag iti idadateng ti naituding
a panawen. Magagaran dagiti nagkauna a propeta a siraragsak a mangpadaan iti daytoy
nga aldaw a pannakaisubli ken pannakaikasaba ti ebanghelio kadagiti amin a pagilian
ken no maaramid ti maudi a panagisagana para iti maikadua a yaay ti Mangisalakan.
Panaglilinnawag • Kasano a maipanamnamatayo a maibilangtayo kadagiti napudno a tumulong a
mangisagana iti panagsubli ti Mangisalakan?
• Apay ken kasano a makapagannadtayo kadagiti nailubongan a kasasaad iti
aglawlawtayo?
Dagiti naadaw a sao Aramaten ti ania man wenno amin dagiti naadaw a sao a sumaruno iti pakagupgopan ti
akem ti “tumantanor a kaputotan.” Mabalinyo a pabasa iti napigsa kadagiti kameng ti
klase dagiti palawag a mangiladawan kadagiti karit ken pagrebbengan ti panawentayo
ken ipeksada ti namnamaen ti Apo kadagiti agtutubo ti Simbaan.
1. “Maigidiat unay daytoy a kaputotan kadagiti dadduma. Isu ti kaputotan a nangibilinan
ti Apo—ken kasta met, a sakbay a naaramid ti lubong—a kadagiti maudi nga aldaw
buklento ti Dios ti langit a saanto a pulos a madadael wenno maited kadagiti sabali a
tao” (Wilford Woodruff, Discourses of Wilford Woodruff, sel. G. Homer Durham [Salt Lake
City: Bookcraft, 1946], p. 145).
“Pinili ti Apo ti bassit a bilang dagiti napili nga espiritu . . . nga umay kadagiti maudi
nga aldaw . . . a mangbukel iti Pagarian ti Dios iti daga, a mangbangon ken
mangikalakag” (Wilford Woodruff, kas naadaw iti Our Lineage [kurso nga adalen para
kadagiti klase iti pakasaritaan ti kaamaan, 1933], pt. 1, p. 4).
2. “Saankayo a gagangay nga agtutubo a lallaki ken agtutubo a babbai. Napilikayo nga
espiritu, adu kadakayo ti napagbalin a sagana iti dandani 6,000 a tawen nga umay iti
daytoy nga aldaw, iti daytoy a panawen a kapigsa unay ti sulisog, pagrebbengan, ken
gundaway. . . .
“ . . . Ikararagmi a sisasaganakayo iti panagturay ti panangidaulo. . . .
“ . . . Ikararagko a dakayo—nga agtutubo ken tumantanor a kaputotan—
pagtalinaedenyo ti bagi ken panunotyo a nadalus, adayo iti panangrugit ti lubong,
tapno maikarikayo ken natarnawkayo a pataw a mangimet iti pagarian ti Dios nga
agballigi a mangisagana iti maikadua a yaay ti Mangisalakantayo” (Ezra Taft Benson, iti
Conference Report, Oct. 1977, pp. 30, 32).
3. “Naipatulod itan ti Apo ti nakaskasdaaw a kaputotan ti agtutubo a saan a maparmek a
lallaki ken babbai. . . .
“Laglagipenyo, gagayyemko nga agtutubo, nasken a natibkerkayo. Nasken a
maikarikayo a makilumba. Nasken nga aramatenyo a silaw ti kababalin, dayaw ken
pagbatayan ti kinapudno para kadagiti masungad a nalidem nga aldaw. . . .
“Ti naindaklan a masakbayan . . . agur-uray kadagiti natarnaw ken napudno kadagiti
pannursuro ken pagarigan ti Maestro” (Vaughn J. Featherstone, “These Are Not Men to
Be Conquered,” New Era, Apr. 1980, p. 5).
4. “Kakabsat a babbai, saan a paspasarak ti pannakaipasngayyo iti daytoy a panawen ken
lugar. Addakayo ditoy gapu ta ditoy ti kayat ti Apo a pagyananyo. . . .
“ . . . Kasapulan dagiti napigsa a babbai, babbai nga agtalinaed a nadalus ti dayawna iti
baet iti kaawan daytoy kadagiti amin a kataebda, babbai a mangbangon iti pagtaengan
nga awan dumana iti langit ken pakaitanduduan ti kaamaan ken pakataripatuan dagiti
maladaga ken pangtedan kadakuada iti pannarabay ken ayat dagiti innada, babbai a
mangliklik iti naalas a babasaen—saan laeng a nataenganen a babbai, ngem agraman
pay dagiti agtutubo a babbai, a mangtunton iti bukod ken iti kagimongan a pakaasaan,
a mangikarigatan nga agbalin nga ad-adda a nasaririt, nga agdayaw iti turay iti
pagtaengan ken ti kinasaserdote. Bayat ti idudur-as ti Simbaan, kasapulan ti ad-adu a
babbai a dadaulo, ti ad-adu a babbai iti amin a lugar nga addaan iti bileg ti pakinakem a
mangipakdaar iti pammaneknekda ken ni Jesucristo, babbai nga agkararag ken agadal a
mangtakuat no ania ti kayat ti Apo a paaramid kadakuada ken ti mangaramid iti umno