Agtutubo a Babbai 1

kabukbukodan dagiti lallaki, babbai, ken ubbing nga itulong a sumayaat ti pagtaengan
ken biag ti kaamaan, ket makaibinglay ti tunggal maysa para iti pagimbagan daytoy.
“Iraman ti panagtagibalay ti aramid a mangpatalinaed iti balay a nadalus, nadalimanek,
ken nasayaat ti pannakataripatona. Iraman daytoy ti panangtarawidwid iti pakaseknan iti
kuarta, a ti panagbiddut iti daytoy ti masansan a pagtaudan ti saan a pagkikinnaawatan ti
kaamaan” (Belle S. Spafford, A Woman’s Reach [Salt Lake City: Deseret Book Co., 1974],
pp. 24-25).
Panaglilinnawag • Kasano a makapagdanggay ti aramid iti balay ken ti panangbukel iti pagtaengan?
Kasano a makaitedda nga agpadpada iti gunggona?
Pailadawan kadagiti agtutubo a babbai ti taeng a pakaidur-asan dagiti pateg a
naespirituan. Pailawlawag met kadakuada no apay a napateg dagiti kabaelan a kas iti
panagiggem iti kuarta wenno panangisagana iti taraon iti panagaramid iti pagtaengan a
mabalin a pagyanan ti espiritu ti Dios.
Mabalin Itan ti Agtutubo a Babai ti Mangbukel iti Pagtaengan
Panaglilinnawag • Kasano ti pannakapagbalinyo itan a mamukbukel iti pagtaenganyo?
iti pisarra
Mabalin a kayatyo nga ilista iti pisarra dagiti sungbat. Penkenyo a mairaman iti listaan
dagiti kapanunotan a naagapad iti naadaw a sao iti ngato.
Aramiden ti
Bingayen dagiti agtutubo a babbai iti dua a grupo ket ikkan ti tunggal grupo iti maysa
bassit a grupo kadagiti sumaganad a parikut. Dawatenyo nga ilawlawagda daytoy ken mangisaganada
iti sumagmamano nga umno a pangiwanwan no kasano ti panangrisut kadagitoy a
parikut ken panangileppas kadagiti kasapulan nga aramid. Paibaga kadakuada ti
nagalaanda iti tulong. Mangtedkayo iti papel ken lapis a pagisuratanda.
Aramid 1
Sumangpetka iti pagtaenganyo manipud iti eskuela a masangpetam ni nanangmo a
nakaro ti sakit ti ulona. Agsangsangit ti maladaga, agap-apa dagiti dua nga ub-ubing a
lallaki a kakabsatmo, ken nawara ti balay. Dandanin sumangpet ni tatangmo para iti
pangrabii. Ania ti aramidem tapno makapataudka iti naespirituan nga aglawlaw iti
pagtaenganyo? Kasano nga aramidem daytoy?
Aramid 2
Umulog ni nanangmo agingga iti oras ti pangrabii ket dinawatna a mangplanoka iti
natimbeng a nasayaat a taraon a para iti kaamaanyo nga uppat. Ibagam no kasano ti
panagpili ken panangisaganam iti tunggal banag iti potahem. Ilawlawagmo no kasano ti
panangplanom iti panawenmo tapno nakasagananton ti amin iti dayta nga oras.
Ikkanyo dagiti agtutubo a babbai iti sumagmamano a minuto a mangrisut iti parikut; sa
ikkan iti gundaway ti tunggal grupo a mangidatag iti pangiturong iti klase. Dawaten
amin a kameng a mangibinglay iti iparang ti tunggal grupo. No kasapulan ti mainayon a
pakaammo, dakayon ti mangnayon.
Panangidatag ti Ilawlawag a nupay saan pay nga agtartarawidwid iti bukodna a pagtaengan,
mannursuro
mangbukbukel latta iti pagtaengan ti agtutubo a babai ken mabalinna pay a pasayaaten ti
aglawlaw ti pagtaenganna. Makaited iti dakkel a rag-o ti wagas a panangaramidna iti
daytoy iti kaamaanna. No adda pay oras, mabalin nga ibagayo ti sumaganad nga estoria,
a sinarita ti maysa nga ina:
Estoria “Idi sumangpet ni Karen manipud iti kolehio iti makalawas a bakasion iti nagbaetan ti
semestre, adu dagiti makaparagsak a banag nga inaramidmi a sangsangkamaysa.
Naggatangkami, nagsarungkar, nagpipinnadamag, nagdait iti baro a pantalon, nagsapul
iti pagtrabahuan iti kalgaw, ken nagustuanmi ti sumagmamano nga inaramidmi a
sangsangkamaysa a kas kaamaan.
“Agarup nabaybay-an ti panagtagibalay gapu kadagiti napatpateg a banag. Uray ti kuarto
ti kaamaan saanen a mabakbakium ket nabaybay-an a nakaiwara dagiti kasapulan iti
panagdait.
“Pimmartak ti panaglabas ti lawas, ket iti maika-5 iti malem dayta a Mierkoles dagasen
isuna dagiti gayyemna iti panagsublida iti kolehio. Adda papanak iti maika-3 iti malem,
26