Agtutubo a Babbai 1

Listaan ti Pagibasaran ti Nasantuan a Kasuratan
1. Adda (panawen) ti tunggal (panggep) (Eclesiastes 3:1).
2. Ti (puso) ti maysa a masirib a tao mapaglalasinna (ti panawen ken panangipato ti
tiempo ken pannakaukom) (Eclesiastes 8:5).
3. Diyo (dadaelen) ti (panawenyo) (Doktrina ken Katulagan 60:13).
4. Nasken a (makednganda) iti (aramidda) . . . nga inwakas ti (naindagaan a bagi) kadagiti
aldaw a (pannakapadasda) (1 Nephi 15:32).
Kalpasan ti tanda iti panangrugi, nasken a sapulen ti tunggal grupo dagiti pagibasaran
ket nasken a punnuan ti parasurat ti tunggal blangko iti umno a balikas wenno kadagiti
balikas. Saan a nasursurok ngem tallo a minuto. Pagsisinnublaten dagiti para surat a
mangbasa kadagiti nalpasen a sao ti nasantuan a kasuratan.
Naadaw a sao Pabasa iti maysa a kameng ti klase ti sumaganad a sao ni Presidente Brigham Young.
“Ita, kakabsat a babbai, . . . panawen laeng ti kakaisuna a puonan iti daga; . . . no umno ti
pannakaaramatna, yegna ti nayon ti gin-awa, nam-ay, ken pannakapnekyo.
Panunotentayo daytoy, ket saantayo a nakadalikepkep lattan, nga agdaddadael iti
panawen” (Discourses of Brigham Young, sel. John A. Widstoe [Salt Lake City: Deseret
Book Co., 1941], p. 214).
Ti Nasamay a Panangaramat iti Panawen Mangyeg iti Naespirituan ken Naindagaan a
Parabur
Panaglilinnawag • Apay a saan a nasamay ti panangaramattayo iti panawentayo? (Paglilinnawagan daytoy
a nasayaat, a pangibinglayen dagiti babbalasitang iti pagarigan manipud iti bukodda a
biag wenno biag dagiti dadduma.)
Penken a maagapad iti panaglilinnawag dagiti sumaganad a punto.
Dagiti mabalin a gapu ti pannakadadael ti panawen:
1. Saan a nasayaat a panagplano
2. Saan a panangikita a nasayaat kadagiti banag a maiwakas ken ti kapatgan nga unaen
nga aramiden
3. Panangitungtungkua
4. Saan a panangurnos iti panawen wenno kadagiti aramiden
5. Saan a panagaramat kadagiti umno nga alikamen wenno ramit wenno ti kasayaatan a
wagas iti panangileppas iti aramiden
6. Panangaramat iti oras kadagiti saan a napateg a banag
Ilawlawag a mapagbalin ti panagplano, panangyuna iti kaskenan, panangurnos,
panangrugi, ken panagaramat iti umno a ramit ken wagas mabalinda a basbassit ti
pannakauppapay ken yad-adu dagiti mapartuat ti panagbiag. Ti nainsiriban a
panangaramat iti oras ti mangitunda iti tao a mangnanam iti ad-adu a naespirituan ken
naindagaan a parabur.
Dagiti amirisen a
kasasaad ken
panaglilinnawag
Dawaten kadagiti agtutubo a babbai a tumulong a mangrisut kadagiti sumaganad a
kasasaad tapno agbunga iti ad-adu a naindagaan ken naespirituan a parabur para iti
balasitang iti tunggal amirisen a kasasaad.
Umuna nga Amirisen a Kasasaad
Ni Ann, a presidente ti klase dagiti Agtutubo a Babbai ken aktibo nga estudiante iti
sekundaria, agad-adal iti musika ken is-isu ti anak a babai iti pagtaengan. Kasla kanayon a
naigubes ti panawenna kadagiti aramid iti eskuela a yaw-awidna, aramid iti Simbaan,
panagsanay, miting, panangurnos iti bagi, ken dagiti pagrebbengan iti pagtaengan. Kasla
awan a pulos ti panawenna nga agbasa iti nasantuan a kasuratan, makaturog no
dadduma nga agkarkararag, ken masansan a maladaw kadagiti miting.
• Kasano a mananam ni Ann ti naurnos a panagbiag imbes nga agtutuok iti nakiro a
wagas? (Nasken nga ammuenna no ania kadagiti banag ti kapatgan sana urnosen ti
205