Agtutubo a Babbai 1

3. Iti daga ken iti langit
4. Gutugotentayo dagiti annaktayo a mamati ken ni Cristo
5. Isuratda dagiti pasamak a nalibtawanda nga irekord.
Dagiti saludsod—Urnos B
1. Kasano ti pannakaammotayo nga an-annabo da David ken Abraham ni Jesus? (Mateo 1:1.)
2. Apay a nagsubli da Nephi ken dagiti kakabsatna iti pagtaengan ni Laban? (1 Nephi 3:1–4.)
3. Apay nga intalimeng ni Nephi ti pakasaritaan ti biagna bayat iti ipapanawna ken ti
kaamaan ti amana iti Jerusalem ket nagbiaheda iti America? (1 Nephi 1:1–3.)
4. Asino ti nangisuro kada Adan ken dagiti annakna a mangitalimeng iti libro a
pakalaglagipan? (Moises 6:46.)
5. Kasano ti pannakagun-od ni Abraham iti pannakaammo kadagiti karbengan ti
kinasaserdote ken iti pannakaparsua? (Abraham 1:31.)
Dagiti sungbat iti Urnos B
1. Nairekord daytoy a pakaammo iti Biblia.
2. Tapno maala dagiti rekord dagiti Hudio ken ti kapupuon dagiti appoda.
3. Gapu ta adda ammona iti kinasayaat ken iti kinadatdatlag ti Dios.
4. Naisuroda babaen ti ima ti Apo.
5. Naisurat iti rekord dagiti nagkauna a kaputotanna.
Panaglilinnawag Paibaga iti tunggal grupo dagiti sungbat kadagiti naurnos a saludsodda iti klase. Kalpasan
ti pannakasungbat dagiti agtutubo a babbai iti ababa a pannubok, dawaten iti sibubukel a
klase a sungbatanda ti sumaganad:
• Ania a kita ti pakaammo ti intalimeng da Moises, Nephi, ken Abraham kadagiti libro a
pakalaglagipanda? (Ti nagnagan dagiti kameng ti kaamaan, napateg a pasamak, bukod a
pammaneknek, padto kadagiti banag a dumteng, bendision nga inawatda manipud iti
Amada iti Langit, ken bilbilin nga inawatda.)
• Apay a napateg ti panangitalimeng iti bukod a listaan ti padpadas? (Babaen ti bukod a
listaan ti padpadas, mabalin nga ibinglay ti tao kadagiti an-annabona dagiti pasamak iti
biagna, ti pammaneknekna, pampanunot ken riknana, ken ti rekord dagiti bendision
kenkuana ti Nailangitan nga Ama.)
• Kasano ti pannakaammoyo a kayat ti Nailangitan nga Ama nga italimengyo ti listaan ti
padpadas ti biagyo? (Manipud iti rugi ti panawen, binilinnan dagiti annakna a
mangitalimeng kadagiti bukodda a listaan ti padpadas ti biagda. Ken parparegtaendatayo
dagiti kabaruan a propeta a mangitalimeng kadagiti listaan ti padpadastayo iti unos ti
panagbiagtayo.)
Makaited iti Rag-o ken Pigsa Dagiti Listaan ti Padpadas Dagiti Immuna a Kaputotan
Estoria Basaen wenno saritaen ti sumaganad nga estoria:
“Nasuroken a tallopulo a tawen a natay daydi uliteg a Benjamin ket adda dagiti
alikamenna a naipempen kadagiti daan a lakasa iti pagipempenan iti balay iti talon.
“‘Diak la ammo no apay nga indulin ni Lelong [dagiti alikamen ni Uliteg] iti kastoy a
kapaut,’ indayamudom ni John bayat ti itutulongna iti ina ken kabsatna a babai a nagurnos.
Sumagmamano a lawasen a natay ni lelong ket immay ni Jennie Lynn, ti kakaisuna a
sibibiag nga anakna, ken ti dua nga annakna a mangdalus iti daan a balay ti kaamaan.
“Impuruak ni John ti awan ti sukogna a pieltro a kallugong iti dakkel a bariles iti tengnga
ti kuarto. ‘Ha, dika kadi masdaaw no adda agpanggep a mangdadael iti ramut ti
kaamaam? Kayatko a sawen, ania ti namkuatanda a nangidulin kadagitoy a basura?
Daytoy laengen daan ken agpirpirpiren a libro ti pagarigan: Pamela, or Virtue Rewarded.
Kabsat!’
“‘Dayta,’ insungbat ni kabsatna nga Alice a sitatalna, ‘ti kopia ti nobela a kaunaan a
naisurat iti Ingles. Annadam man bassit nga ikabil iti kahon a “pagidulinan”.’
86