Agtutubo a Babbai 1

“Idi ibagak kadakuada ti kasdiay, daydi ti pannakasdaawko iti unos ti panagbiagko.
Imbaga ti gayyemko, a nakatugaw iti asideg, kadakuada a saan met a makikadua
kadakuada. Sumagmamano a tao ti timmipon kadakami, agingga a dandani amin a
kameng ti klase ti nangikeddeng nga inuubing ken minamaag ti ar-aramidenda. Sakbay a
naggibus ti klase, maysamaysan ti makisarsarita ken ni Craig, ket pati dagiti lallaki a
nangirugrugi iti daytoy kinasarsaritadan maipanggep kadagiti parikut.
“Manipud iti daytoy nasursurok a saan a kas karina ti agaramid iti nasayaat a pagwadan,
ngem umdasen ti maysa a tao a mamagbaliw iti amin. No adda umdas a bileg ti
pakinakemyo ken umdas a pammatiyo, maaringanyo ti sangabukel a grupo no adda
mangdurdurog” (Stephanie Christensen, “When the Pressure Is On,” New Era, Jan. 1988,
pp. 8–9).
Panaglilinnawag Damagen dagiti sumaganad a saludsod. Mangted iti panawen a panangsungbat dagiti
agtutubo a babbai iti tunggal saludsod.
• Apay a nasken a kanayon a padasentayo ti agaramid iti nasayaat a pagwadan, uray no
narikut?
• Ania a tulong ti maited kadakayo no mangisaadkayo iti nasayaat a pagwadan?
• Kasano a maaringanyo dagiti gagayyemyo iti nasayaat?
Panangidatag ti
mannursuro
98
Ilawlawag nga adda dakkel a pagrebbengan dagiti kameng ti Ti Simbaan ni Jesucristo
Dagiti Santo iti Ud-udina nga Aldaw a mangitanggaya ken mangisaad iti nasayaat a
pagwadan. Ammotayo ti nasayaat ken dakes ken maipanamnama kadatayo a kanayon a
tartarabayennatayo ti Nailangitan nga Amatayo no agaramidtayo iti rumbeng. Nasaysayaat
nga amang ti nadekket iti Nailangitan nga Ama babaen ti panangtungpal kadagiti bilinna
ngem ti agbalin a nalatak kadagiti sabali a tao babaen ti panangsukir kadagiti bilinna.
Panaglilinnawag Awisen dagiti agtutubo a babbai a mangibinglay iti panawen a naaringanda iti kinaimbag
ti maysa a tao wenno nakaaringda iti sabali a tao iti nasayaat. Mabalin a kayatyo ti
mangisarita iti sumagmamano a padasyo.
Paibinglay kadagiti agtutubo a babbai ti pasamak a pakaaramidanda koma iti nasayaat a
pagwadan ngem dida inaramid. Paibaga kadakuada ti riknada kalpasanna.
Panaglilinnawag
iti pisarra
Panaglilinnawag
iti nasantuan a
kasuratan
Mangikur-it iti dakkel a tanda ti panagkissay (-) iti pisarra. Damagen no ania ti kayat a
sawen no kunatayo nga adda saan a mainugot a pangaring ti maysa a tao iti sabali.
Mangikur-it iti dakkel a tanda ti panangnayon (+) iti pisarra. Damagen ti kayat a sawen ti
panagkunatayo iti maysa a tao nga adda mainugot a pangaringna iti sabali.
Paglilinnawagan ti sumagmamano a wagas a pakapagbalinantayo a mainugot a
pangaring iti sabali.
Ipaganetget Dagiti Nasantuan a Kasuratan ti Pateg ti Pagarigan
Ilawlawag nga impakita kadatayo ti Mangisalakan no kasano ti agbalin a nasayaat a
pagarigan. Kanayon a napudno iti ammona a rumbeng. Ited dagiti sumaganad a
nasantuan a kasuratan kadagiti uppat nga agtutubo a babbai tapno basaenda iti napigsa:
1. ”Ta inikkankayo iti pagtuladan, tapno aramidenyo met koma ti kas iti inaramidko
kadakayo” (Juan 13:15).
2. ”Awan koma ti pakaumsian ti kinaubingmo; no di ket sika koma ti ulidan kadagiti
namati, iti sao, iti panagsasarita, iti kaasi, iti espiritu, iti pammati, iti kinadalus” (1
Timoteo 4:12).
3. ”Ta nagsagaba met ni Cristo gapu kadatayo, a nangibati kadatayo iti ulidan, tapno
surotentayo dagiti addangna” (1 Pedro 2:21).
4. ”Kasta koma ti panaglawag ti silawyo iti sanguanan dagiti tao, tapno makitada dagiti
naimbag nga aramidyo, ket dayawenda koma ni Amayo nga adda sadi langit” (Mateo
5:16).
Paglilinnawagan no kasano nga ipatungpal dagitoy a nasantuan a kasuratan iti biag ti
maysa nga agtutubo a babai. Damagen dagiti sumaganad a saludsod: