Agtutubo a Babbai 1

5. Gapu ta isu ket pudno nga anak ti Dios, ni Cristo ti kakaisuna a tao nga addaan iti bileg a
mangparmek iti patay. Tinawidna iti Dios ti bileg ti biag wenno saan a pannakatay.
Ken, gapu ta isu laeng ti tao nga awanan basol a nagbiag iti daga, isu laeng ti tao a saan
a naparmek ni Satanas. Ngarud isu ti kakaisuna a tao a nagbiag a makaipatungpal iti
Pannubbot.
6. Gapu iti sakripisio ni Cristo, mapagungarto amin a tao.
7. Dagiti propeta, agpada sakbay ken kalpasan ti panagbiag ni Cristo iti daga,
pinaneknekanda isuna.
Isurat dagiti sumaganad a pagibasaran ti nasantuan a kasuratan iti pisarra:
Alma 11:42–43
Alma 11:40
Pabasa iti naulimek kadagiti agtutubo a babbai dagiti nasantuan a kasuratan ken paibaga
dagiti dua a napateg a bunga ti pannubbot ni Jesucristo. (Mabalin a mapagungartayo, ken
mabalintayo ti maitan-ok wenno manggun-od iti agnanayon a biag.)
• Mayannurot ken ni Alma, ania a grupo ti tattao ti makagun-od iti agnanayon a biag?
(Dagiti mamati iti nagan ni Jesucristo.)
Estoria Damagen iti klase no pinadasdan nga arapaapen no kasano ti panangako ti Mangisalakan
kadagiti basoltayo. Basaen iti napigsa wenno pabasa iti agtutubo a babai iti napigsa ti
sumaganad a pakaammo ni Elder Orson F. Whitney:
“Ket immay ti nakaskasdaaw a panagpakita, ti ballaag manipud iti nangatngato a
Naggapuan, maysa a di mabalin a pagintutulngan. Maysa a tagtagainep, wenno parmata
iti tagtagainep, bayat ti panagiddak iti katrek iti bassit nga ili ti Columbia, Probinsia ti
Lancaster, iti Pennsylvania. Kaslaak la adda iti Minuyongan ti Getsemani, a saksi iti
panagtutuok ti Mangisalakan. Nakitak a kas iti kalawag ti pannakakitak iti asino man.
Agtaktakderak iti likud ti kayo iti arubayan, nakitak ni Jesus, a kaduana da Pedro,
Santiago ken Juan, a simrek iti bassit a ruangan iti makanawanko. Iti panangpanawna
sadiay kadagiti tallo nga Apostol, kalpasan ti panangibagana kadakuada nga
agparintumeng ket agkararagda, limmabas ti Anak ti Dios iti sabali a bangir, a
nagparintumengan ken nagkararaganna met. Kas met laeng iti kararag a nakairuaman
dagiti amin nga agbasbasa iti Biblia: ‘O Amak, no mabalin koma, yadayom koma ti kopa
kaniak; nupay kasta saan nga iti pagayatak, ngem iti pagayatam.’
“Bayat ti panagkararagna, nagayus ti lua iti pingpingna a nakasango kaniak. Natignayak
unay iti naimatangak isu a napaluaak met, iti napudpudno a pannakipagrikna.
Nakipagrikna unay ti pusok kenkuana; impategko isuna iti amin a kararuak, ket
tinarigagayak nga addaak iti sibayna a kasla awanen ti sabali pay a tinarigagayak.
“Idin timmakder ket nagna a nagturong iti nagparintumengan dagiti Apostol—a nargaan
ti turogda! Ginunggonna ida a siaalumamay, riniingna ida, ket iti timek a manangngaasi a
pamabalaw, a di namulitan iti uray bassit a mangipakita iti pungtot wenno kinaawan
anus, naleddaang a dinamagna kadakuada no dida la kabaelanen ti makipagbantay
kenkuana iti maysa nga oras. Adda sadiay, nga imetna ti nakaro a dagsen ti basol ti
lubong kadagiti abagana, ti panagtutuok ti tunggal lalaki, babai, ken ubing a sumuknor iti
kaungganna—ket dida kabaelan ti makipagbantay kenkuana iti nakaab-ababa a maysa
nga oras.” (Through Memory’s Halls: The Life Story of Orson F. Whitney [Independence, Mo,:
Zion’s Printing and Publishing Co., 1930], p. 82).
Pagpanunotan a
salsaludsod
Panaglilinnawag
iti nasantuan a
kasuratan
• Ditayo kadi ikankano iti panagsagaba ni Cristo para kadatayo? Saantayo kadi
pagyamanan dagiti dua a napateg a sagutna kadatayo?
• Ania ti nasken nga aramidentayo a mamagbalin a nasamay ti Pannubbot iti biagtayo?
Tapno Maitan-oktayo, Nasken nga Agbabawi ken Agkamangtayo iti Mangisalakan
Isurat iti pisarra: Helaman 14:13.
• Babaen ti Helaman 14:13, no pudno a mamatitayo ken ni Jesucristo, ania ti mariknatayo
a manggutigot nga aramidentayo?
Inayon iti pisarra: Doktrina ken Katulagan 19:16–19. Pabasa dagitoy a bersikulo iti napigsa.
7