You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Ababa a pannubok<br />
iti nasantuan a<br />
kasuratan wenno<br />
innunaan iti<br />
nasantuan a<br />
kasuratan<br />
Ilawlawag a no addatayo iti grupo a pakariknaantayo iti kinapategtayo ken maaddaantayo<br />
iti gundaway nga agpili ken mangibinglay, rumangpaya ken rumagsaktayo. Ti kapitan ti<br />
bunggoy, pangulo ti komite, wenno ania man a dadaulo a tumulong kadatayo a<br />
maaddaan kadagitoy a rikna ti nasaririt a mangar-aramat iti napateg a pagbatayan ti<br />
panangidaulo. Damagen kadagiti babbalasitang no mainagananda daytoy a pagbatayan.<br />
Isurat ti balikas a panangipakumit iti pagrebbengan iti pisarra.<br />
No mangipakumittayo iti pagrebbengan, ibinglaytayo ti trabaho wenno<br />
pagrebbengantayo iti dadduma a tao ken ikkan ida iti turay a mangibagi kadatayo.<br />
“Tulongan dagiti babbalasitang a mangsursuro no kasano nga aramaten ti Apo dagiti<br />
pagbatayan ti panangipakumit iti pagrebbengan babaen ti panangaramat kadagiti<br />
sumaganad a nasantuan a kasuratan. Saggaysa a damagen dagiti saludsod, nga ited ti<br />
mainugot a pagibasaran ti nasantuan a kasuratan. Pasapul kadagiti babbalasitang ti<br />
nasantuan a kasuratan, basaenda a siuulimek, ken ibagada no kasano a sungbatanna ti<br />
saludsod.<br />
Wenno, itedmo ti pagibasaran ti nasantuan a kasuratan ket angayen ti innunaan iti<br />
nasantuan a kasuratan. Damagen ti saludsod ket bay-an dagiti babbalasitang a padasenda<br />
ti mangsapul iti sungbat kadagiti nasantuan a kasuratan. Mabalinmo ti mangted iti<br />
pangiparipirip no kasapulan.<br />
1. Ania ti trabaho ti Nailangitan nga Amatayo? (Moises 1:39)<br />
2. Asino ti pangibinglayanna iti daytoy a trabaho? (Juan 6:38)<br />
3. Asino ti nangipakumitan ti Mannubbot iti turay? (Taga-Efeso 4:11–12)<br />
4. No adda mangipakumit iti pagrebbengan kadatayo, ania ti rumbeng nga<br />
aramidentayo? (Doktrina ken Katulagan 107:99–100)<br />
5. Kalpasan ti panagsubli dagiti Apostol manipud iti nakaitudinganda, ania ti inaramidda?<br />
Ania ti rumbeng nga aramidentayo? (Marcos 6:30)<br />
Ilawlawag a saan a nagbalbaliw ti panangaramat ti Nailangitan nga Amatayo ken ti<br />
Mangisalakan iti pagbatayan iti panangipakumit iti pagrebbengan. Daytoy a pagbatayan<br />
ti tumulong kadatayo a dumur-as, palugodannatayo a mangaramat iti kinawaya nga<br />
agpili ken talentotayo, ken kasapulan ti pangsungbattayo iti tignaytayo.<br />
Masursurotayo ti Nasamay a Panangipakumit iti Pagrebbengan Babaen ti Panangaramat<br />
Kadagiti Naipangruna nga Addang<br />
Panangyakem Ilawlawag a masursurotayo amin ti pagbatayan ti panangipakumit iti pagrebbengan ken<br />
ti panangaramat a sibaballigi. Paidatag kadagiti immuna a natudingan a babbalasitang ti<br />
panangyakem. Isurat ti tunggal addang a sumaganad iti pisarra, ken paipakita dagitoy a<br />
saggaysa kadagiti babbalasitang.<br />
Umuna nga addang: Yulog iti nalawag ti naituding nga aramiden.<br />
Presidente ti Klase: Ann, maseknankami kadagiti babbalasitang iti Beehive a kaum-umay iti<br />
<strong>Agtutubo</strong> a <strong>Babbai</strong>. Kayatmi a maam-ammo ida a nasayaat ket matulonganda a<br />
makarikna a nasayaat ti pannakaawatda ken nawayada. Kayatmi a sika ti mangidaulo iti<br />
aramid ti klase a tumulong a mamagsisinninged iti klase kadagitoy kabarbaro a<br />
babbalasitang. Naitudingen ti tallo a lawas manipud ita inton 28.<br />
Maika-2 nga addang: Iladawan ti pateg ti naituding nga aramiden ken ipeksa ti panagtalek<br />
Presidente ti Klase: No di marikna dagiti ub-ubbing a babbalasitang ti pannakaawat ken<br />
pannakaipategda, mabalin nga agsapulda iti gagayyem iti sabali a lugar. Ann, adda<br />
naisangayan a wagasmo a makisarita iti tao ken makisinninged kadakuada. Ammomi a<br />
matulongannakami iti aramid a mangiparikna kadagitoy a babbalasitang ti pannakaipateg<br />
ken wayada.<br />
Ann: [Umannugot a siaayat]<br />
Maika-3 nga addang: Mangdutok iti mangaramid ken no kaano ti pannakaiwakasna.<br />
Presidente ti Klase: Ammom a tallo a lawas laengen ti kaadayo ti aramid. Ania iti<br />
panagkunam ti nasken a maaramid, Ann?<br />
227