Agtutubo a Babbai 1

Naadaw a sao Pabasa iti kameng ti klase ti sumaganad a palawag a naibitla kadagiti agtutubo iti
Simbaan:
“Patpatgek a gagayyem, naariankayo a kaputotan. Nataginayonkayo nga umay iti daga iti
daytoy a panawen para iti naisangayan a panggep. Saan la a sumagmamano kadakayo,
ngem dakayo amin. Adda dagiti banag nga aramiden ti tunggal maysa kadakayo nga
awan ti asino man a makaaramid a kas iti kabaelanyo. . . . No awatenyo Isuna,
paneknekak a tarabayennakayo ti Amatayo iti Langit iti panagdaliasat iti biag ket
tignayennakayo a mangammo iti naisangayan a panggepyo ditoy” (H. Burke Peterson,
“Your Life Has a Purpose,” New Era, May 1979, p. 5).
Nasken a Maisaganan ti Daga iti Panagsubli ti Mangisalakan
Panangidatag ti Ilawlawag a maragsakan unay dagiti nalinteg a mangsegsegga iti maikadua a yaay ti Apo.
mannursuro
Maysa a parabur ti mairaman kadagiti mabalin a tumulong a mangisagana iti daga iti
yaayna. Ilawlawag nga adu ti agparang a tanda ken pasamak sakbay ti nangayed a yaay ti
Apo. Mairaman dagiti pasamak a napasamaken, adda dagiti mapaspasamak ita, ken sabali
pay dagiti dumteng a pasamak a kas iti impadles dagiti nagkauna ken kabaruan a
propeta.
Panaglilinnawag • Ania ti nasken a mapasamak iti daga sakbay nga agsubli ti Mangisalakan?
Mairaman kadagiti adu a tanda ken padto: ti pannakaawag ni Propeta Joseph Smith, ti
idadateng ti Libro ni Mormon, ti panakaisubli ti kinasaserdote ken ti Simbaan, ti
pannakaisubli dagiti ordinansa ti templo ken ti kinasaserdote, ti pannakaikasaba ti
ebanghelio iti lubong, ti pannakadadael dagiti natiri, ken ti pannakaisalakan dagiti
nalinteg. (Palagip: Diyo pagpalabsan iti panawen a paglilinnawagan amin dagiti tanda
ken pasamak a nasken sakbay ti panagsubli ti Apo. Paglilinnawaganto a naimbag kadagiti
dadduma nga adalen.
Panangidatag ti Ilawlawag a kasapulan idi ken agtultuloy a kasapulan dagitoy ken dadduma pay a
mannursuro
pasamak sakbay ti Maikadua a Yaay ti naarian a kaputotan tapno mapasamakda.
(Palagip: No mayulog laeng ti balikas a kaputotan iti gagangay a wagas—kayatna a sawen
nga iti ababa a panawen, a mabalin a tallopulo agingga iti uppat-a-pulo a tawen—mabalin
a mapagbiddutan nga ipapan dagiti babbalasitang a sumurok-kumurang nga ammotayo
no kaano ti panagsubli ti Mangisalakan. Ilawlawag nga adda aggigidiat a kayulogan ti
balikas a kaputotan, a pakairamanan ti unos ti rinibu a tawen. [Kitaen ti Bruce R.
McConkie, Mormon Doctrine, 2nd ed. (Salt Lake City: Bookcraft, 1966), p. 310.])
Pagrebbengan ti tunggal kameng ti Simbaan a tumulong a mangisagana iti daga iti
panagsubli ti Apo babaen ti kinalinteg ken babaen ti napudno ken napasnek a panagserbi.
Nasken nga adda dagiti napinget a Santo nga umawat ken mangipatungpal kadagiti
pangiturong ken panggep ti Apo, ti kaputotan a napigsa ken di agpangngadua a
kamkameng a mangipinget iti pannakabangon ti pagarian ti Dios iti daga.
Naadaw a sao Basaen ti sumaganad a palawag:
“Inton dumteng kadatayo kaslanto iti nangayed, nailangitan nga Ari. . . .
“ . . . Ti panangbangon iti pagarianna ti kanayon a tema dagiti taona. . . . Rebbengentayo
a bangonen ti Zion—saan pay a siudad ti Zion ti Apo ngem kasasaad ti maipanggep iti
relihion, gimong, ken ekonomia a kasakbayan iti yaayna a kasapulan kadagiti pagilian.
(Doktrina ken Katulagan 64:42.) Nasken nga isaganatayo ti kaputotan dagiti napasanto a
santo a sisagana nga umawat iti Arida. ‘Gapuna, agtakderkayo kadagiti nasantuan a
lugar, ket saan nga agkir-in, agingga a dumteng ti aldaw ti Apo’” (Courtney Lassetter,
“When He Comes Again,” Ensign, June 1976, pp. 68–70; nainayon dagiti nagiray a balikas).
Panaglilinnawag Iparang ti paskil ti Doktrina ken Katulagan 87:8.
iti nasantuan a
• Ania ti kayat a sawen ti “agtakder . . . kadagiti nasantuan a lugar, ket saan nga agkir-in”?
kasuratan
Kalpasan ti panangipeksa dagiti babbalasitang iti kapanunotanda, pamarkaan kadakuada
ti bersikulo kadagiti nasantuan a kasuratanda.
133