Agtutubo a Babbai 1

Panangidatag ti
mannursuro
Panaglilinnawag
iti puzzle
Ladawan ken
panaglilinnawag
174
Ipaganetget ti nadumaduma a kita. Masansan a kurang ti ipapauneg ti agtutubo a babai
gapu ta mammano laeng ti kaay-ayona a taraon. Idilig iti atiddog a listaan dagiti bunga
ken nateng nga insuratda ket paregtaen ida a mangpadas iti baro a kita.
Pabaliktad kadagiti agtutubo a babbai ti papelda ket iti uneg ti maysa wenno dua a
minuto isuratda dagiti taraon nga ipapanda a bassit ti sustansiada.
• Ania ti maaramid dagitoy a taraon iti langa ken salun-atyo? (Penken a mairaman iti
sungbat ti panaglukmeg.)
Ipaganetget a tapno tumpuar ti kasayaatan a langada, nasken a kedngan wenno
liklikanda ti sumagmamano kadagitoy a banag. Isurat iti pisarra: “Liklikan ti maysa a
banag a nasayaat para iti maysa a banag a nasaysayaat.”
• Ania ti “maysa a banag a nasaysayaat” a maalatayo babaen ti pananglikliktayo iti awan
ti sustansiana a taraon? (Ipaganetget a ti umno a pannangan makapasayaat iti kudil,
buok, mata, ngipen, ken porma ti bagi.)
• Ammotayo a maksayantayo ti dagsentayo babaen ti panangkissaytayo ti saan a
kasapulan a pannangan ken maaddan iti umdas a panagwatwat, ngem kasano a
manayonantayo ti dagsentayo babaen ti di pannangan iti adu a banag a saan a
makapasayaat kadatayo?
Manayonantayo ti dagsentayo babaen ti panangaramat a nasayaat iti panunot ken
pannangan iti ad-adu a nadumaduma a kita a nangato ti sustansiana a taraon.
Napaglilinnawagantayo ti panangdalus iti bagi, sustansia, ti Nainsiriban a Balikas, ken
maaddaan iti umdas nga inana; ngem kasapulan pay laeng ti balasitang (ipakita ti puzzle)
ti maysa a banag a mamagbalin a naan-anay ti pagimbagan ti bagina.
Ikabil ti maudi a benneg a namarkaan iti “panagwatwat” iti pagidekketan wenno paskil.
Ipaskil ti sumaganad a tsart ti marka wenno isurat iti pisarra.
Marka ti Kired ken Andur
10 agingga iti 24 nga agsasaruno a lagto—kalalainganna
25 agingga iti 44 nga agsasaruno a lagto—nalaing
45 agingga iti 50 nga agsasaruno a lagto—kalaingan
Paglilinnawagan ti naduktalan dagiti babbalasitang maipanggep iti kired ken andurda.
Iparang ti ladawan dagiti agututubo a babbai nga agwatwatwat ket paglilinnawaganyo ti
pateg ti nasaranta a pannakiraman iti ay-ayam, sala, panagtaray, pannagna, ken
dadduma pay nga aramid ti bagi.
• Apay a kasapulantayo ti panagwatwat?
• Ania pay dagiti makaay-ayo a wagas a panagwatwat?
Kas mainayon iti adu nga aramid ti bagi masansan a makatulong kadatayo ti napasnek a
panagwatwat a mangpakidser kadagiti piskeltayo wenno mangpatibker iti maysa a paset
ti bagitayo. Tulongandatayo pay a mangaramat iti sustansia nga impaunegtayo.
Isingasing a pumili ti tunggal balasitang iti maysa a pagwatwat wenno aramid a
mariknana a pakairanudanna ket keddengna nga aramidenna dayta a panagwatwat
wenno aramid iti sumuno a lawas.
Ti Umno a Panangtaripatotayo iti Bagitayo ti Mangted iti Adu a Gunggona
Panaglilinnawag • Ania dagiti gunggona ti mabalin a maragpat babaen ti panangaramid kadagiti amin a
banag a napagsaritaantayo? (Mabalin a sungbat: nasaysayaat a salun-at, nasaysayaat a
kinatao, nasarsaranta, ad-adda a makaay-ayo a langa, naragragsak a rikna.) Paregtaen ti
tunggal balasitang a manginagan iti uray maysa laeng a banag.
• Adda kadi pateg ti panagsakripisio kadagitoy a banag?
Napagkaykaysaantayo ti plano iti kasayaatan a panangtaripatotayo iti napateg a bagitayo
a templo. Nasken nga aramidentayo daytoy a plano iti masansan agingga nga agtignay
lattan nga is-isu daytoy nasayaat a galad. (Ikkaten ti maysa a benneg ti puzzle.) Saan a
makapagtignay ti bagitayo iti amin a kabaelanna wenno agparang iti kasayaatan a
langana malaksid no masurot ti tunggal paset ti plano. (Isubli ti paset iti lugarna.)