Agtutubo a Babbai 1

Ragup a
panangtingiting iti
kabaelan
Panaglilinnawag
iti pisarra
Nasantuan a
kasuratan
Naadaw a sao ken
panaglilinnawag
Dagiti Amirisen
a kasasaad
Pakita kadagiti agtutubo a babbai kadagiti listaan nga inaramidda iti rugi ti klase.
Damagen kadakuada no ania kadagiti banag nga adda iti listaanda ti mabalin koma a
naaramid iti Sabado a mamagbalin iti Domingo nga ad-adda a naisangayan nga aldaw.
Ilawlawag a nasantuan nga aldaw ti Domingo ket nasken a naisangayan ti
panangsaganatayo iti daytoy. Bingayen dagiti agtutubo a babbai iti sumagmamano a
ragup. Mangtuding ti tunggal ragup iti para surat. Ikkan ti tunggal ragup iti maysa
kadagiti sumaganad a saludsod ket tingitingenda ti kabaelanda iti saan a nalablabes ngem
lima a minuto. Mabalin a makatulong ti listaanda nga aramid iti Domingo iti
panangtingitingda iti kabaelan.
1. Ania a panagsagana ti nasken a maaramid iti Sabado tapno mapagbalin ti Domingo nga
ad-adda a naisangayan nga aldaw?
2. Ania ti nasken a maikkat manipud iti gagangay nga ar-aramid iti Aldaw a Panaginana
tapno mapagbalin ti Domingo nga ad-adda a naespirituan nga aldaw?
3. Ania ti panagsagana a mabalin a maaramid a mangted iti panawen wenno ar-aramid a
pagbibinninglayan ti kaamaan iti Domingo?
Paidatag iti para surat ti tunggal ragup dagiti kapanunotan ken pangngeddeng ti
ragupna.
• Ania dagiti bendision a mabalintayo nga awaten babaen ti naisakbay a panagsagana
para iti Aldaw a Panaginana? (Ti rikna a pannakapnek; panangpadaan iti Aldaw a
Panaginana; kanito nga agpanunot, agutob, agkararag, ken agbasa kadagiti nasantuan a
kasuratan; naas-asideg a panagpipinnateg dagiti kameng ti kaamaan ken ti Nailangitan
nga Ama.) Isurat dagiti sungbat iti pisarra.
Ilawlawag a no ngilinentayo ti Aldaw a Panaginana mabendisionantayo iti
panagtungpaltayo iti bilin ti Nailangitan nga Amatayo. Pabasa iti agtutubo a babai ti
Exodo 20:8–11.
Ti Panagdayaw Mayebkas iti Balikas, Panunot, Kanta, ken Aramid
Iti Doktrina ken Katulagan 59:9–10 naibaga kadatayo ti rumbeng a papanantayo iti Aldaw
a Panaginana. Pabasa iti agtutubo a babai dagitoy a bersikulo.
• Sadino ti naibilin kadatayo a papanantayo iti Aldaw a Panaginana?
• Ania ti rumbeng a galadtayo no tumabunotayo iti miting ti sakramento?
• Kasano a ti itatabuno kadagiti miting a sangaamaan pabilgenna ti panagpipinnateg ken
panaglalangen?
Basaen ti sumaganad a naadaw a sao:
“Masansan a dumtengtayo iti pagdaydayawan ken ibatitayo dagiti datontayo a ditayo
man la padasen iti kaunggantayo nga isagana a kas iti ayattayo a mangpasayaat iti
akinruar a langatayo” (Robert L. Simpson, iti Conference Report, Oct. 1966, p. 129; wenno
Improvement Era, Dec. 1966, p. 1148).
• Kasano a maisaganatayo ti “kaunggantayo” para iti Aldaw a Panaginana?
Idatag dagiti sumaganad nga amirisen a kasasaad ken ilawlawag dagiti agtutubo a babbai:
(Tulongan dagiti agtutubo a babbai a mangawat nga adu ti wagas a pakangilinan iti
Aldaw a Panaginana wenno saan a pannakatungpal iti daytoy.)
1. Limias da Helen ken Shirley iti akinlikud a tugaw bayat ti panangipakaammo ti obispo
iti panglukat a kararag. Intultuloyda ti nagin-innarasaas bayat ti panagdaydayaw ket
nagsinsinnukatda iti surat.
• Kasano ti mabalin nga aringan ti aramid da Helen ken Shirley iti panagdaydayaw
dagiti adda iti aglawlawda?
2. Bayat ti pannakakanta ti himno iti sakramento, nagliad ni Emily iti tugaw, nagkidem,
ket iggemna ti di naukrad a libro ti himno a saan a nagkanta.
• Kasano a mangnayon dagiti balikas ken musika ti himno iti espiritu ti miting?
3. Nagtugaw ni Sue iti abay ni Mary bayat ti panagdaydayaw. Bayat ti pannakabendision
ken pannakaiwaras ti sakramento kadagiti kameng, adda ti panunot ni Sue iti pelikula
115