Agtutubo a Babbai 1

Panagbiag a Nalinteg iti Baet
Dagiti Dagensen
GANDAT Masursuro ti tunggal agtutubo a babai nga agbiag a nalinteg iti baet ti dagensen.
PANAGISAGANA 1. Ladawan 17, ni Daniel (62096), masarakan iti likud ti pagbasaan.
2. Mangitugot iti libro ti himno ken lapis a para kadagiti kameng ti klase.
3. Mangisagana iti kopia ti maibunong a papel a “Panagbiag a Nalinteg iti Baet Dagiti
Dagensen” a saggaysa ti tunggal balasitang.
4. Mabalin nga aramiden no kayat: Mangisagana iti maibunong a papel a: “Masarkedak
koma dagiti nailubongan a dagensen ita tapno makapagturayak iti kangatuan a gloria
iti kinaagnanayon.” (Kitaen ti Panangigibus.)
5. Mangtuding iti agtutubo a babai nga agsagana a mangidaulo iti klase a mangkanta iti
“True to the Faith” (Hymns, no. 254). Mabalin a kayatyo nga igibus ti klase babaen ti
panangkantayo iti daytoy a himno.
6. Mangtuding iti agtutubo a babai a mangidatag iti ania man nga estoria, nasantuan a
kasuratan, wenno naadaw a sao a kayatyo.
MAISINGASING A
PANANGIDATAG
ITI ADALEN Pakauna
Kalkalpas ni Evan Stephens, sigud a mangiturturong iti Tabernacle Choir, a nangidaulo iti
koro iti gimong ti sapasap a taripnong. Siuulimek a nagtugaw sa apagapaman a nagrukob, a
sigagagar a nanguray iti mensahe ni Presidente Joseph F. Smith a dandaninan iburay.
Nasagid ti riknana iti sermon ti propeta a maipanggep kadagiti agtutubo, dagiti masagangda
a nailubongan a dagensen, ken ti pateg ti kinapudnoda kadagiti pannursuro ti ebanghelio.
Idi nalpas ti serbisio, napan nagpagnapagna ni Propesor Stephens a maymaysa iti City Creek
Canyon, nga inam-amirisna dagiti makaparegta a balikas ti Presidente. Nagtugaw “iti bato a
natibker iti nagsaadanna iti [nakaro] a panangdugpa ti napegges nga agus ti danum.” Kasla
simbuliko kenkuana ti bato iti nangngegna iti dayta nga agsapa. Kellaat nga immappayaw
kenkuana dagiti balikas ken musika a nagbalin a himno a kaay-ayo dagiti agtutubo. Bayat ti
panagtugawna iti bato, inkur-itna dagiti balikas ken binukelna ti musika ti “True to the
Faith.” Patpatgenna, kas iti propeta, dagiti agtutubo ket kinunana a daytoy a kanta “ti
naespirituan a balakadna kadakuada.” (Naadaw iti J. Spencer Cornwall, Stories of Our
Mormon Hymns [Salt Lake City: Deseret Book Co., 1963], pp. 173–74.)
Panaglilinnawag Ikkan ti tunggal agtutubo a babai iti libro ti himno ket palukib kadakuada iti “True to the
Faith.” Ibaga kadagiti agtutubo a babbai nga agsisinnublatda a mangbasa kadagiti uppat a
berso ken koro.
• Ania a mensahe ti kayat a yebkas ti nangputar?
Panangidatag ti
mannursuro
Adalen
35
Mabalintayo ti Agbiag a Nalinteg iti Managbasol a Lubong
Ilawlawag a manipud pay idi punganay, naipakitan dagiti lallaki ken babbai ti
naisangayan a bileg ti pakinakemda iti panangpilida a di “agkibaltang” ngem agbiag ketdi
a nalinteg iti baet ti dagensen iti managbasol a lubong iti aglawlawda. Ni Daniel iti Daan a
Tulag ti nangayed a pagarigan iti nasantuan a kasuratan.
• Kasano ti panangpaneknek ni Daniel a mabalin ti agbiag a nalinteg iti managbasol a
lubong?
Pasapul kadagiti babbalasitang ti libro ti Daniel iti Daan a Tulag.
161