Agtutubo a Babbai 1

Adalen 14
Ania ti Ammoyo Maipanggep iti Alagaden ti Kinapatriarka?
Pilien ti umno a sungbat wenno sungbat kadagiti sumaganad:
1. Ti alagaden ti Kinapatriarka ket—
a. Ti rekomenda iti panangala iti bendision ti kinapatriarka.
b. Ti urnos a pananggun-od iti kasapulan manipud iti agamang ti obispo.
c. Ti nadiosan a wagas ti gobierno ti Apo.
2. Ti kapatgan a gunglo ti Simbaan ket—
a. Ti Korum dagiti Sangapulo-ket-dua nga Apostol.
b. Ti Umuna a Panguluen.
c. Ti kaamaan.
3. Ti addaan iti turay a mangimaton iti kaamaanyo ket—
a. Ti Presidente ti Simbaan.
b. Ti obispo.
c. Ti amayo (wenno inayo, no awan ti ama iti pagtaenganyo).
4. Kas addaan iti turay a mangimaton iti kaamaan, sumagmamano kadagiti pagrebbengan
ti ama ti—
a. Mangimaton ken mangiturong kadagiti pakaseknan ti pagtaengan ken kaamaanna iti
kinalinteg.
b. Mangipaay iti kasapulan ti bagi ken espiritu ti kaamaanna.
c. Dumawat iti Apo iti bukod a paltiing maipapan iti kaamaanna.
5. Sumagmamano kadagiti pagrebbengan ti ina ti—
a. Mangipasngay ken mangtaripato iti ubbing.
b. Tumulong a mangipaay iti kasapulan ti bagi ken espiritu ti kaamaanna.
c. Agbalin a katakunaynay, mamagbaga, ken gayyem ti kaingungotna.
6. Babaen ti plano ti Apo, asino ti akinrebbeng iti pannakaipateg ken pannakaisuro
dagiti ubbing?
a. Ti ama laeng.
b. Ti ina laeng.
c. Agpada a nagannak.
7. Iti plano ti Apo—
a. Adda naan-anay a panagpatas ti lalaki ken ti babai.
b. Napatpateg ti lalaki gapu ta addaan iti kinasaserdote.
c. Patpatgen ti Apo dagiti annakna a babbai a kas iti panangipategna kadagiti annakna
a lallaki.
8. Nupay ti ama ti mangimaton iti kaamaanna, tapno makaimaton a kas dadaulo iti
kinapatriarka ti kaamaan, nasken nga—
a. Agturpos iti kolehio.
b. Addaan iti nasayaat a trabaho.
c. Addaan iti Kinasaserdote ni Melchizedek.
9. Adda akem ti ama a kas patriarka gapu ta—
a. Ad-adda a maikari ken nasaysayaat ti pakaikarianna.
b. Daytoy ti nadiosan nga akemna.
c. Daytoy ti dawaten ti paglintegan ken alagaden.
65