Agtutubo a Babbai 1

• Ania dagiti parabur a maited kadatayo no surotentayo daytoy a pagbatayan? (Isurat
dagiti balikas a panagwaywayas, kinagaget, panagsalimetmet, ken panagdayaw iti bagi iti
pisarra.)
Panaglilinnawag Damagen kadagiti agtutubo a babbai no asino kadakuada ti nagsakiten iti nakaro ket
awan ti maaramidda. No nagpaut daytoy, ania ti riknada iti dida pannakaaramid iti
kabassitan nga aramid iti panangtaripatoda iti bagida?
Panangidatag ti
mannursuro
Maysa nga agtutubo a babai ti nagtalinaed iti iddana iti intero a kalgaw gapu iti nakaro a
sakit ti nangikari a saanton nga agdayengdeng a bumangon iti agsapa. Nalaus ti
panagyamanna iti pannakaaramatna manen kadagiti takiagna iti panangipatungpalna iti
kasapulan nga trabahona.
Ilawlawag a maysa kadagiti kapatgan a paset ti panangtun-oy iti ragsak ti
panangpasayaat iti galad ti sitatallugod a panagtrabaho. Ti trabahotayo mabalin a
makapnek, makaay-ayo, makapakarit, makaitag-ay iti panunot, adu ti kasapulanna, ken
managparnuay. Saan a nasken a makauma, makasasadut, makatektek, makaidagel,
wenno saan a makapakarit. Ikeddeng ti galadtayo no ania kadagitoy a panirigan ti
awatentayo. Maysa a babai ti nakasursuro iti daytoy napateg nga adal kas nailadawan iti
sumaganad nga estoria:
Estoria “Pito a tawenen ti napalabas, rinugian ni Ann Clynick ti serbisiona a panagaywan iti
pagtaenganna tapno maliklikannan ti agsapul iti agmalem-a-pagsapulan iti ruar ti
pagtaenganna.
“Iti kaadda ti uppat a babassit nga ubbing iti pagtaengan ken maysa nga ubing iti eskuela
iti dayta a panawen, ken iti panagparikutda iti pakaseknan ti kuarta iti kaamaan, saan a
parikut no agtrabaho man wenno saan, ngem no ania laeng a trabaho ti sanguenna. . . .
“Idinto a narisuten ti plano [ti parikut a kaaddana iti pagtaengan a kaduana dagiti
ubbing], nangparnuay iti sabali iti saan a mabayag.
“‘Kagurak,’ kinunana, ‘Agtatrabahoakon iti 60 nga oras iti makalawas a mangtaripato
kadagiti annak ti tattao. Diak pulos napadasan ti nagaywan idi agtutuboak.
Kinapudnona, saanak a naragsak iti pannakikaduak kadagiti ubbing, malaksid kadagiti
bukodko. Ket ad-adda nga agtukiadak iti kasasaad gapu ta mariknak a mapilpilitak iti
daytoy. Makauppapay daytoy.
“‘Ngem diak makapagsardeng ken saanak a rummuar a mapan agtrabaho.’
“Iti umuna a dua a tawen, gagangay a nagsagaba iti inaldaw, a pinadasna nga isamsamira
ti mamin-adu a panagsukat iti lampin iti panagdalus iti balay ken panagluto, kadagiti
karit iti panangibais iti kired dagiti sangapulo nga ubbing—dagiti annakna ken sabali pay
nga innem.
“‘Iti maysa nga aldaw nabasak ti sinurat ti maysa a Nangato nga Agrebbeng a nangsarita
maipapan iti lalaki a simmarungkar iti babai a para lampaso nga addaan iti makauma nga
aramid a manglampaso kadagiti agdan . . . iti inaldaw.
“‘Idi inyasug ti babai ti makauma a panagbiagna, inlawlawag ti lalaki a no adda la
pagsapulanna padasenna nga aramiden nga ad-adda a makaay-ayo babaen ti
panangtakuatna iti amin a maipanggep iti daytoy. . . .
“‘No ania ti naaramid kaniak dayta nga estoria isu ti pannakabigbigko a ti galadmo
maipanggep iti ar-aramidem ti napateg, a saan a nasken a ti pagsapulan a mismo,’ kinuna
ni Sister Clynick.
“‘Manipud idin, inkeddengko nga adalek amin a maadalko maipanggep iti panagtaripato
iti ubbing.’ . . . Simrek iti [adu] a klase. . . . Addaan itan iti programa a nasayaat ti
pannakaurnosna ta addan naan-anay a kurikulumna para kadagiti ubbing a naplano a
mayun-una iti tinawen. Adda listaan dagiti agur-uray iti serbisiona. . . .
“‘Isu a ti napasamak iti uneg ti pito a napalabas a tawen, mariknak a naaramidko ti banag
a kinagura ken pakaum-ummaak, babaen laeng ti panangbaliwko iti ugalik,’ kinuna ni
Sister Clynick. . . .
“‘Adu ti banag a naadalko, immadu ti ammok ket magustuak ti ar-aramidek’” (John Forster,
“Attitude—Not Necessarily Job Itself—Is Important,” Church News, 29 May 1982, p. 12).
209