Agtutubo a Babbai 1

“Marso 17, 1893: Nasken a matungpal ti kari, ket adda pamuspusan. Iti sumuno a Lunes,
mapanakto idiay Salt Lake ta ilakok ti biolinko. No makaurnongak iti umdas a gastuek,
mapanakon a dagus iti misionko. Nakaikeddengakon ket natalnan ti riknak.
“Marso 23, 1893: Bimmangonak iti daytoy nga agsapa ket inruarko ti biolinko iti kahonna.
Nagmalmalem a tinokarko ti kaay-ayok a musika. Iti sardam a nasipngeten ket saanakon
a makapagtokar, inkabilko ti instrumento iti kahonna. Huston. Innakton no bigat.
“‘Kasta,’ kinuna ni John a kasla di mamati. ‘Naggibus idiay. Awanen. Ania ti napasamak?
Nagsubli kadi ket nangala iti sabali a biolin? Aya? Nakasurot kadi a nagtokar iti orkestra ti
simponia? ‘Nang ania ti napasamak?’
“‘Diak ammo, John, ’insungbat ni nanangna a sitatalna. ‘Panagkunak adda sabali a
makaammo, ngem saan a bale kaniak no naggibus dita ti estoria. Ammomon ti kapatgan a
banag maipanggep kenkuana.’
“‘Agurayka! insippaw ni John. ‘Adda pay surat iti likud ti kuaderno.’ Kinitana ti ababa a
naisurat, nagsay-a a pangalimonna iti sabali a banag nga agpanggep a sumngaw iti
karabukobna, ket inyawatna ti kuaderno ken ni Jennie. ‘Sika, ‘Nang,’ kinunana, a dina
matalek ti bagina a mangbasa.
“Inawat ni Jennie ti kuaderno, immasideg iti bassit a tawa ti kabaliete a nangisarang iti
lumitemen a lawag, ket kinitanna ti panid. Madlaw a saan a kas iti katimbeng ti
pannakaisurat dagitoy a balikas iti nangisurat iti nangirugi ti estoria, ngem nalawag pay
laeng ti pannakaisurat dagiti letra. Binasana:
“Hunio 23, 1938: Ti kaindaklan a pangngeddeng a naaramidko iti biagko ket ti
panangisukok iti napateg unay kaniak iti Dios nga ad-adda pay a patpatgek. Dinak
nalipatan a pulos iti daytoy. Benjamin Landart” (Karen Nolen, “Benjamin: Son of the
Right Hand,” New Era, May 1974, pp. 35–37).
Panaglilinnawag • Manipud iti padas da Alice ken John, ania ti masursurotayo maipanggep iti
panangitalimeng iti listaan ti padpadas?
• Ania ti nasursuro da Alice ken John maipanggep iti naindaklan nga ulitegda manipud
iti listaan ti padpadasna?
• Ania iti panagkunayo ti rikna da Alice ken John maipanggep iti naindaklan nga ulitegda
kalpasan ti panangbasada iti listaan ti padpadasna?
• Kasano a nakaipaay ti listaan ti padpadas ni Benjamin Landart iti ragsak iti bukodna a
biag?
• Kasano a makaited iti parabur ti bukod a listaan ti padpadas iti biag dagiti annak ken
appoko ti tao?
• Adda kadi ammoyo a nakaay-ayat a banag maipanggep iti panagbiag dagiti dadakkelyo
idi agtawenda iti kas kadakayo?
• Kayatyo kadi nga estoriaenda kadakayo ti maipanggep iti kinaubingda, no kasano a
nagsarak ken nagkallaysada, ken ti maipanggep kadakayo idi babassitkayo pay?
• Kasano a makatulong ti kaadda iti ammo maipanggep iti biag dagiti dadakkelyo wenno
asino man kadagiti kapuonanyo iti panagbiagyo a naturtured ita?
Panangidatag ti
mannursuro
88
Ilawlawag a babaen ti panangbasada iti listaan ti padpadas ti naindaklan nga ulitegda,
naammuan da Alice ken John ti maipanggep iti kaamaan ni Benjamin Landart ken ti
kaay-ayona. Nasursuroda pay ti panagayatna iti Nailangitan nga Amana. Iti
pannakasursuroda ti maipanggep iti biagna, dimmakkel ti panagayatda kenkuana.
Makatulong kadatayo ti listaan ti padpadas a manglagip kadagiti pasamak iti biagtayo. Ti
panangitalimeng iti bukod a pakasaritaan kadagiti annak ken appokotayo.
Nasao ti maysa nga agtutubo a babai, “Kannawidan ti kaamaanmi ti mangitalimeng iti
bukod a listaan ti padpadas. . . . Iti naminsan a panangangaymi iti sardam ti kaamaan iti
pagtaengan imbasa kadakami ni tatang ti sumagmamano a pasamak manipud iti listaan ti
padpadas ti lelongko iti tumeng, ket naparegtaak a mangaramid met iti bukodko. No
maala dagiti an-annabok ti kagudua ti ragsak a nagun-odko iti panangbasak kadagiti
listaan ti padpadas dagiti lelongko, napateg unayen kaniak a mangituloy” (Laura Call,
naadaw iti Kathleen Lubeck, “A Journal Called Lucy,” New Era, Nov. 1981, p. 40).