Agtutubo a Babbai 1

a nabuyana iti napalabas nga aldaw. Naklaat idi kalbiten ni Mary a makiranud iti
sakramento.
• Kasano nga idiligyo ti akinruar a panagtamed ni Sue iti kaunggan a riknana?
• Ania ti maaramid ti agtutubo a babai bayat ti sakramento tapno agbalin a
nadaydayaw?
4. Nasagid ni Terry iti sermon nga impaay ti obispona. Ibagbagana ti maipanggep iti
panagbabawi, ket immagsep kenkuana ti natalinaay a rikna a pudno a napintas daytoy
a paset ti ebanghelio.
• Kasano nga impakita ni Terry ti naindayawan a galad?
• Ania a bendision ti mabalin nga awaten ti tao nga addaan iti naindayawan a galad?
5. Naawis ni Elaine a sumarungkar iti balay da Karen ken dumngeg iti nalatak, baro a
plaka. Nadamagna a masakit ni Ana, maysa a gayyem. Iti pannakalagipna a
tinulonganna ni nanangna a nagaramid iti galietas idi Sabado, inkeddengna a mangala
iti galietas ket sarungkaranna laengen ni Ana.
• Kasano a maipakita ti tignay ni Elaine ti naindayawan a galad?
• Kasano a napukawna koma ti naindayawan a rikna no napan iti balay da Karen?
Gupgopen babaen ti panangagapad a mabalintayo ti agdaydayaw babaen ti balikas,
babaen ti napintas a pampanunot, babaen ti naespirituan a musika, ken babaen dagiti
nasayaat nga aramid. Ipakita a panangtungpal ken panangaramid ti panagdayaw—
panagtulnog iti Ama iti Langit.
Naadaw a sao Basaen ti palawag ni Presidente Benson:
“Panggep ti Aldaw a Panaginana nga itag-ay ti espiritu, para iti pannakapabaro dagiti
katulagantayo, para iti panagdaydayaw, para iti panaginana, para iti panagkararag.
Agpaay daytoy iti panggep a panangtaraon iti espiritu, tapno agtalinaedtayo nga awanan
mulit iti lubong babaen ti panagtungpal iti bilin ti Dios” (Ezra Taft Benson, God, Family,
Country: Our Three Great Loyalties [Salt Lake City: Deseret Book Co., 1974], pp. 10–14).
Nasken nga Amirisentayo Dagiti Aramidtayo iti Aldaw a Panaginana
Panaglilinnawag • Kasano ti pannakaammotayo no ania ti aramiden ken saantayo nga aramiden iti Aldaw
a Panaginana?
• Kayatyo kadi ti maaddaan iti listaan dagiti aramiden ken di aramiden iti Aldaw a
Panaginana?
Ilawlawag nga idi un-unana nalibtawan dagiti Hudio a suroten dagiti pagannurotan nga
impaulogda a panangngilin iti Aldaw a Panaginana. Tapno matulonganda a mangammo
kadagiti nabatad a banag a mabalin ken dida mabalin nga aramiden, binukel dagiti saserdote
dagiti naiget a pagannurotan. Sumagmamano kadagitoy nga annuroten ti nailista iti baba:
1. ”Adda dagiti kita ti siglot a saan a mabalin a siruten wenno warwaren. Mabalin a
warwaren ti siglot a mabalin nga aramiden ti maymaysa nga ima.
2. ”Saan nga iddepen wenno parayrayen ti apuy.
3. ”Maiparit ti agbiahe iti ad-adayo bassit ngem iti maysa a milia. Naikeddeng daytoy a
kaadayo, a naam-ammo a kas ‘panagdaliasat iti Aldaw a Panaginana,’ babaen ti
panangrukod iti kaadayo manipud iti tabernakulo a naar-aramat bayat ti panawen ni
Moises agingga iti tolda ti kaadaywan a kampo sa manen agsubli. No agbiahe ti tao iti
ad-adayo ngem iti daytoy, masao nga agtatrabaho ket ngarud nakaaramid iti basol” (“Is
It Lawful to Do Good on the Sabbath,” New Testament Daily Teacher Manual [seminary
manual, 1980–81, p. 97).
4. Adda pay saludsod no mabalin ti agsida iti itlog a nayitlog iti Aldaw a Panaginana ti
pamusian a di makaammo iti paglintegan. Maysa a saserdote ti nangipalubos iti daytoy,
ket sabali a saserdote ti di nangipalubos. (Kitaen ti Albert E. Bailey, Daily Life in Bible
Times [New York: Charles Scribner’s Sons, 1943], p. 225).
Naadaw a sao Ilawlawag nga imbes a maaddaan kadagiti kasta a kinaiget, naikkantayo iti pangiwardas
iti ud-udina nga aldaw maipanggep iti Aldaw a Panaginana.
116