Agtutubo a Babbai 1

Panangidatag ti
mannursuro
124
Adu a Sakripisio ti Naaramid Tapno Maidanon Ita Kadatayo Dagiti Nasantuan a
Kasuratan
Iti unos ti pakasaritaan nabilin dagiti propeta a mangisurat kadagiti pakasaritaan iti
pannakitakunaynayda iti Apo. Adu a sakripisio dagiti propeta ken agisursurat kadagiti
pakasaritaan tapno maaddaantayo kadagiti nasantuan a kasuratan.
Aramid a panagsurat Warasan iti papel ken lapis dagiti agtutubo a babbai. Tudingan ti tunggal balasitang iti
libro ti nasantuan a kasuratan ken bilinen a mangkopia iti maysa a libro iti nasantuan a
kasuratan nga adda kenkuana. Pairugi kadagiti babbalasitang iti umuna a bersikulo ti
umuna a libro wenno benneg. Ikkam ida iti dua wenno tallo a minuto a mangkopia
sakbay a pagsardengem ida.
• Iti panagkupkopiayo, kasano ti kabayag ti pannakakopia ti sububukel a libro?
Imula iti panunotda no kasano ti karigat ti agkopia babaen ti ima iti maysa a banag ken no
kasano ti kapaut ken panangimutektek ti kasapulan. Ipaganetget no kasano ti karikut ti
nagpasaran dagiti propeta a nagikitikit kadagiti nasantuan a kasuratan iti metal wenno
mangisurat kadagitoy iti nalukot a pagsuratan. Kalpasan ti pannakaisurat dagiti
nasantuan a kasuratan, adu a bulan ti nabubos iti pannakaipatarus dagiti pinanid ken
nalukot a pagsuratan manipud kadagiti orihinal a pagsasao kadagiti sabali a pagsasao ken
iti mismo a pannarabay ti Apo.
• Mainayon pay iti panawen ken pigsa a kasapulan iti panagipatarus wenno panagkopia
kadagiti nasantuan a kasuratan, ania pay dagiti dadduma nga aramid wenno
panagsakripisio a naaramid tapno maited kadatayo dagiti nasantuan a kasuratan?
Mabalin a mairaman kadagiti sungbat—
1. Ti gaed ni Nephi ken dagiti kakabsatna a lallaki iti pananggun-odda kadagiti gambang
a painanid (1 Nephi 3–4).
2. Ti makautoy a panagtrabaho ni Mormon a mangyababa kadagiti pinanid ni Nephi ken
mangaramid kadagiti pinanid ni Mormon a nagalaan ni Joseph Smith iti impatarusna a
Libro ni Mormon (Balikas ni Mormon 1:1–5 ken Mormon 1:1–5; 5:8–9; 6:6).
3. Ti naliday a panangisayangkat ni Moroni a mangileppas ken mangikali kadagiti balitok
a pinanid (Mormon 8:1–5; Moroni 1:1–4).
4. Ti panagsagaba, pannakaidadanes, ken pannakapapatay ni Joseph Smith gapu iti
panangipatarusna iti Libro ni Mormon ken itutulongna a nangbangon manen iti
Simbaan ni Jesucristo iti daga (Joseph Smith–Pakasaritaan 1:30–67; Doktrina ken
Katulagan 135:1–3).
(Agpaay dagiti pagibasaran ti nasantuan a kasuratan iti pakaaramatan ken kasapulan ti
mannursuro ket saan a maibasa iti klase.) Ipaganetget a naikkan dagitoy a tao iti kasla di
mabaelan nga aramid, nupay kasta idanon dagiti gaggagetda ti balikas ti Dios iti daga iti
agdama iti naisurat a porma.
Panagreport ti
kameng ti klase ken
panaglilinnawag iti
nasantuan a
kasuratan
Masursurotayo ti Agragsak Kadagiti Nasantuan a Kasuratan
Paibinglay kadagiti naipasigud a natudingan nga agtutubo a babbai ti kaay-ayoda a
nasantuan a kasuratan, nga ilawlawagda no apay a napateg daytoy kadakuada.
• Ania ti galad ni Nephi maipanggep kadagiti nasantuan a kasuratan? (Tapno
matulongankayo a mangsungbat iti daytoy a saludsod, pabasa ti 2 Nephi 4:15.)
• Ania ti kayat a sawen ti panagragsak ti kaunggantayo kadagiti nasantuan a kasuratan?
(Tapno agpennek, agrag-o, ken agdayaw kadagiti nasantuan a kasuratan.)
Ilawlawag bayat iti panangadaltayo nga agsapul kadagiti sungbat dagiti parikuttayo iti
nasantuan a kasuratan, manayonan ti panangipategtayo ken ragsaktayo kadagiti
nasantuan a kasuratan.
Naadaw a sao Ilawlawag a sinarita ni Parley P. Pratt, maysa a nagkauna a dadaulo ti Simbaan, ti
padasna iti panagbasana iti Libro ni Mormon:
“Magagaranak a nangukrad, ket binasak ti paulona iti umuna a panid. Insublatko a binasa
ti pammaneknek ti sumagmamano a saksi a mainaig iti no kasano ti pannakasarak ken