Agtutubo a Babbai 1

Ti Panggep ken Pateg ti Adal
GANDAT Maawatan ti tunggal agtutubo a babai ti panggep ken pateg ti adalna iti unos ti
panagbiagna.
PANAGISAGANA 1. Ladawan 20, Agtutubo a Babai iti Panggedanna; ladawan 21, Agkabannuag nga Ina a
Mangtultulong Kadagiti Annakna nga Agbasa; ladawan 22, Agtutubo a Babai a
Mangisursuro iti Miting ti Simbaan. Masarakan amin iti likud ti pagbasaan.
2. Mabalin nga aramiden no kayat: Mangisagana iti iparang a kasapulan iti edukasion kas
kadagiti libro, nasantuan a kasuratan, libro ti musika, panguged.
3. Mabalin nga aramiden no kayat: Mangisagana iti tallo a balikas a naisurat iti papel nga
agkuna: “Iti panggedan,” “Iti pagtaengan,” “Iti Simbaan ken purok.”
4. Mangtuding kadagiti agtutubo a babbai a mangidatag iti ania man nga estoria,
nasantuan a kasuratan, wenno naadaw a sao a kayatyo.
Adalen
46
MAISINGASING A
PANGIDATAG
ITI ADALEN Pakauna
Estoria Sinarita ni Jeffrey R. Holland, bayat ti kinapresidentena iti Unibersidad ni Brigham
Young, ti sumaganad nga estoria:
“Kayatko a saritaen kadakayo ti pudno nga estoria maipanggep iti agtutubo a lalaki a saan
a naikkan iti gundaway a makapagadal iti nangato. Natay ni tatangna, a bassit ti kuarta a
nabatina iti kaamaan ti barito. Iti maysa nga aldaw nagsakit ti barito iti nakaro a burtong
ket nasken a mangliwat iti mabayag iti eskuela.
“In-inut a simmayaat ti salun-atna, ket naragsakan a makapagsubli manen iti eskuela.
Ngem makatawen laeng ti nakun-osna iti eskuela, maikapito laeng ti naturposna, idi
naskenen nga agsardeng. Nasken idin nga agsapulda iti kabsatna a lalaki iti panggedan
tapno makatulongda a mangged iti kuarta nga igatangda iti taraon ken pagan-anay a
kasapulan ti kaamaan.
“Inggaed ti baro ti nagtrabaho, dimmakkel a napigpigsa, ken adu ti nasursurona kadagiti
padasna. Agbasa kadagiti libro no adda panawenna, ket nagessem a nangsursuro kadagiti
banag a nalibtawanna gapu iti dina panagtuloy a nageskuela. Masansan a makunana ti
ladingitna iti kaawan ti pormal nga adalna. Naimbag a lalaki ket inggaedna ti nagtrabaho
a pangidur-asna iti bagina. Ket intultuloyna ti nangnamnama a dumtengto ti panawen a
makapagsubli manen iti eskuela. Ngem pulos a di dimteng dayta a gundaway. Tatangko
daytoy barito a dimmakkel a nagkalikagum a mangituloy iti panagadalna.
“Gapu iti padas ni tatang, magagaran unay a makaadalak. Idi nakunak, ‘Ngem diak kayat
ti agadal,’ kinunana, ‘Siak ngarud ti mangsukat kenka. Mayat ngata daydiay maestra?
Diak la ammo no umsekak iti tugawyo.’
“Kanayon a pagkatkatawaak dayta gapu ta makigtot la ketdi ti maestrak a makakita iti
lakay nga agad-adal, ken ammok a di umsek iti bassit a tugawko. Isu a nagadalak.
“Idi agangay a nakaturposakon iti sekundaria, nakapagmisionakon, ken nalpaskon ti
kursok iti kolehio, intuloyko ti nangala iti doktorado iti pagadalan idiay Inglatera. . . .
“Idi naawatko ti diplomak kayatko nga ited ken ni tatang. Pulos a di pay nakaawat iti
diploma ti panagturpos iti ania man a pagadalan ket napanunotko a maikari kenkuana
daytoy. Imbagak kenkuana nga uray no naganko ti naisurat iti daytoy, nasken nga isu ti
rumbeng a pakaisagutanna. Imbagak kenkuana a nalabit a nagbiddutda laeng iti
panangisuratda. Nagkatawa iti dayta sa naglua kalpasanna. Diak idi masinunuo no apay
213