Agtutubo a Babbai 1

Dagiti estoria ken
panaglilinnawag
Joseph Smith
Insurat ni Mercy R. Thompson, ti babai a makaam-ammo ken ni Propeta Joseph, “Diakto
malipatan iti kaano man ti naasi a pannakipagrikna ken nainkabsatan a
kinamanangngaasi nga impamatmatna kaniak ken ti anakko nga awanan iti ama. Bayat ti
panakikaluganmi kenkuana ken ti kapisina a ni Emma iti karuaheda naimatangak iti
ididissaagna ken panagpurosna iti sabsabong para iti anakko a babai” Juvenile Instructor, 1
July 1892, p. 399).
• Ania a galad ti naipakita ni Joseph Smith iti panangaramidna iti kastoy a serbisio?
George Albert Smith
“Iti tren nga agbibiahe iti Siudad ti Salt Lake ken San Francisco, naam-ammo ni Presidente
[George Albert] Smith ti [lalaki] a naggapu iti Napa, California.” Naay-ayo dagiti dua a
lallaki a nagsarsarita ket, kalpasan ti panagsinada, nagsinsinnuratda.
“Idi agangay nadlaw ni Presidente Smith nga awanen ti madamagna manipud iti
gayyemna, a ni John Delaney.” Iti panagdamdamagna, naammuan ni Presidente Smith
nga adda ni Mr. Delaney iti ospital. “Nangipatulod ni Presidente Smith iti mensahe ti
pannakipagrikna ken pammaregta ket insingasingna . . . a ni Mr. Delaney . . . nalabit a
magustuanna ti dumngeg iti panagkanta ti Tabernacle Choir iti tunggal agsapa ti
Domingo.” Nagdengngeg ni Mr. Delaney, ket limmag-an ti riknana. Sinuratanna ni
Presidente Smith tapno agyaman ket naagapadna a “sapay koma ta addanto gundaway a
kantaen ti koro ti maysa kadagiti kaay-ayona nga urnong, ‘The Lord’s Prayer’. . . . Iti
siddaawna ken nalaus nga ayatna nangngegna a kinanta ti koro iti mismo simmaruno
nga agsapa ti Domingo. Panunoten laengen ti ragsak ni Mr. Delaney idi mangngegna a
tokaren ti organo ti naindaklan a Tabernakulo ti pakauna” ti himno a ti gayyemna a
mismo ti nangurnos. (Kitaen ti Edith Smith Elliott, “The Joy of Serving Humanity,”
Instructor, Nov. 1966, p. 427.)
• Ania ti maadalyo maipanggep iti panagserbi kadagiti dadduma manipud iti pagarigan
ni Presidente Smith?
Joseph Fielding Smith
Idi agtawen ni Joseph Fielding Smith iti tallopulo-ket-uppat, nadutokan a kameng ti
Konseho dagiti Sangapulo-ket-dua nga Apostol. Iti trabahona, nagbambaniaga iti intero a
lubong ket naam-ammo dagiti kameng iti amin a lugar. Ngem nangted ti kapisina iti
bukodna a nalawlawa a panirigan iti daytoy naindaklan a lalaki:
“Naasi, naayat nga asawa ken ama ti lalaki nga am-ammok nga iti kadakkelan nga
arapaapna iti biag ket makitana ti kaamaanna a naragsak, a sangsangkapaminsan a
manglipat iti bagina iti panangikagumaanna a mangaramid iti daytoy. Maysa a lalaki a
mangduayya iti agan-anil-il nga ubing tapno maturog, nga agestoria kadagiti ubbing
sakbay a maturogda, a pulos a di mabannog ken makumikom nga agtugtugaw iti
naladaw a rabii wenno bumangon iti parbangon a tumulong kadagiti in-inauna nga
ubbing a mangrisut kadagiti makatikaw a parikut iti eskuela. No adda agsagubanit
siaanus daytoy a lalaki a mangbantay iti agsagsagaba ket an-andingayenna daytoy” (Ethel
Smith, naadaw iti Bryant S. Hinckley, “Joseph Fielding Smith,” Improvement Era, June
1932, p. 459).
• Ania ti inaramid ni Presidente Joseph Fielding Smith a nangipamatmat iti panagayatna
iti kaamaanna?
• Ania ti maadaltayo iti pagarigan ni Presidente Smith maipanggep iti panagserbiyo iti
kaamaanyo?
Spencer W. Kimball
Sinalaysay ni Elder Boyd K. Packer ti sumaganad nga estoria maipanggep ken ni
Presidente Spencer W. Kimball:
“Ammo ti kaamaan ken dagiti gayyem ken kakadua ni Presidente Kimball a di makatalna.
Adda galadna a saan a makaidna agingga a dina maiwakas ti aramidna. . . .
“Nalabsak da [Presidente ken Sister Kimball] iti kalsada iti naminsan, iti asideg ti beddeng
ti Idaho. Agpaamiananda a tumabuno iti taripnong. Ni Sister Kimball ti agmammaneho,
ket adda ni Brother Kimball iti akinlikud a tugaw, a naiparabaw ti bassit a makiniliana iti
137