Agtutubo a Babbai 1

Adalen
40
186
Panangsaluad iti Salun-at
iti Pagtaengan
GANDAT Mabigbig ti tunggal agtutubo a babai ti pateg ken pagimbagan ti nasayaat a panangsaluad
iti salun-at iti pagtaengan.
PANAGISAGANA 1. Mangisagana iti maibunong a papel a para iti “Pudno ken Palso a Pannubok” a para iti
tunggal agtutubo a babai.
2. No kayatyo, mangtuding iti agtutubo a babbai a mangidatag kadagiti estoria, nasantuan
a kasuratan, ken naadaw a sasao.
MAISINGASING A
PANANGIDATAG
ITI ADALEN Pakauna
Panaglilinnawag Pasalaysay kadagiti agtutubo a babbai dagiti bukodda a padas iti panangtaripatoda iti
maysa a tao a masakit iti pagtaenganda. Ania dagiti banag a nasursuroda manipud iti
daytoy a padas? Ania koma ti tinarigagayanda nga inammo idi tumultulongda a
mangtartaripato iti dayta a tao?
Panangidatag ti
mannursuro
Adu Dagiti Gundawaytayo a Makaipaay iti Panangsaluad iti Salun-at iti
Pagtaengantayo
Ti panangpatalinaed iti nasayaat a salun-at ken panangliklik kadagiti aksidente ti dua a
napateg nga imutektekan iti panangipaay iti panangsaluad iti salun-at iti pagtaengan.
Nupay kasta, uray no naannad ti pannakasurot dagitoy a ballaag, dumteng ti aksidente
wenno panagsakit a gagangay iti tunggal kaamaan no dadduma. Nasaysayaat ngarud ti
maaddaan iti sumagmamano a pannakaammo iti umuna a tulong ken pannaripato iti
pagtaengan. Ti sumaganad nga estoria ilawlawagna ti sumagmamano a kabaelan a
mabalin a maadal ti asino man tapno makaipaay iti nasayaat a panangsaluad iti salun-at
iti nataengan a pasiente iti pagtaengan.
Estoria Agtawen iti sangapulo-ket-dua ni Ann idi natuang ni Lelang Olsenna iti paraangan ket
nablo ti kanawan a patongna. Inikkan ti doktor iti tornilio ti naspig a tulang a
pangpatibker iti daytoy ket tumulong a mangpaimbag.
Napalubosan a rummuar iti ospital kalpasan ti lima nga aldaw, ngem insingasing ti
doktor nga agtalinaed iti umdas a pannaripato bayat ti panaglumen ti tulangna. Dinamag
ti ina ni Ann iti kaamaan no kayatda ti makibinglay iti pannakataripato ti lelangda no
umay makipagnaed kadakuada. Manayonan ti trabahoda, kas iti panaglaba iti ules ken
bado a pagturog, panagisagana iti taraon iti bandeha, mangsapsapo iti bukot ken sakana
iti losion, tumulong kenkuana a mangwatwat, mangiduron iti nagpilid a tugawna, ken
mangliwliwa kenkuana iti nainggayyeman a pannakisarsarita.
Immannugot da Ann, Ben (ti kabsatna nga agtawen iti innem), ken da Frances ken
Margaret (dagiti in-inauna a singin a kakabsatna) a tumulong a makipagtaripato. Idi damo
nakaidda latta ni Lelang iti katrena. Sinukatan dagiti in-inauna a babbalasitang ti abbong ti
katrena. Maysa ti mangbaringring ken ni Lelang bayat ti panangsukat ti maysa iti ap-ap ti
kagudua ti kama. Insagana da Ann ken dagiti singin ti bandeha ni Lelang iti pannangan.
Nangitugot ni Ben iti pagpunas a napekkelan a pangpunasna iti ima ken rupana. Kadagiti
Domingo, agpuros ni Ann iti rosas iti minuyongan ket ikabilna iti plorera iti bandeha no
mangrabii ni Lelang. Kanayon a mangted daytoy iti isem iti rupa ni Lelang.
Kayat a sapsapuan ni Ben iti losion dagiti dakulap ken takiag ni Lelang. Kas supapak,
sinaritana kenkuana ti maipanggep ken ni Lelong Olsen, a natay makatawen sakbay a