Agtutubo a Babbai 1

Adalen
26
118
Pammaneknek
GANDAT Maammuan ti tunggal agtutubo a babai no kasano a gun-oden, papigsaen, ken iburay ti
pammaneknekna.
PANAGISAGANA 1. Mangitugot iti bukbukel ken naimasitera a mula.
MAISINGASING A
PANANGIDATAG
ITI ADALEN Pakauna
Banag nga adalen ken
panaglilinnawag iti
nasantuan a
kasuratan
Paskil ken
panaglilinnawag
Nasantuan a
kasuratan
2. Mangaramid iti paskil a naglaon iti sumaganad a kaipapanan:
Ti pammaneknek maysa a natalged a pannakaammo ti pammaneknek a maawat
manipud iti Espiritu Santo a—
a. Ni Jesus ti Anak ti Dios ken Mangisalakan iti lubong.
b. Propeta ti Dios ni Joseph Smith a nangisubli iti ebanghelio.
c. Ti Simbaan ni Jesucristo Dagiti Santo iti Ud-udina nga Aldaw ti kakaisuna a pudno a
Simbaan ken idauluan ti propeta iti agdama.
3. Isurat a saggaysa dagiti sumaganad a pagibasaran ti nasantuan a kasuratan iti sabali a
papel: Alma 32:27; Doktrina ken Katulagan 11:22; Moroni 10:4; Juan 7:17; Alma 5:46.
4. Mangtuding kadagiti agtutubo a babbai a mangidatag iti ania man nga estoria,
nasantuan a kasuratan, wenno naadaw a sao a kayatyo.
Ipakita iti klase dagiti bukel ken ti naimasitera a mula.
• Ania ti pagkaaspingan dagitoy dua a banag?
• Tapno agtubo dagiti bukel a dumakkel a mula, ania ti umuna a mapasamak?
Ilawlawag nga iti Libro ni Mormon, indilig ni Alma ti bukel iti maysa a banag. Pabasa
kadagiti agtutubo a babbai ti Alma 32:27–28 tapno ammuenda ti pagdiligan. (Ti Balikas ti
Dios.)
• Ania ti awagtayo iti pannakaammo iti kinapudno ti ebanghelio? (Ti pammaneknek.)
Iparang ti paskil a nakaisuratan ti kaipapanan ti pammaneknek (kitaen ti “Panagisagana”)
ket pabasa iti maysa kadagiti agtutubo a babbai iti napigsa. Ilawlawag a no awan ti maysa
kadagitoy kapatgan a ramen ti pammaneknek, saan a naan-anay dagiti pammaneknektayo.
Pagtalinaeden ti paskil a nakaparang agingga a malpas ti klase. (Kitaen ti Bruce R.
McConkie, iti Conference Report, La Paz Bolivia Area Conference 1977, p. 7.)
Ti Tunggal Agtutubo a Babai Mabalinna a Gun-oden ti Bukbukodna a Pammaneknek
Ilawlawag a daytoy met laeng nga Alma, a nangidasig iti pannakagun-od ti
pammaneknek iti agrusrusing a bukel, ti naad-addaan iti bukodna a napigsa a
pammaneknek. Nupay kas agtutubo nakakita ni Alma iti anghel (Mosiah 27:8–15), nasken
nga isu a mismo ti mangammo a pudno ti ebanghelio.
Pabasa iti maysa kadagiti agtutubo a babbai ti Alma 5:45–46 iti napigsa.
• Kasano a naammuan ni Alma iti bagina a mismo?
Ilawlawag nga awan ti naipasngay nga addaanen a dagus iti pammaneknek ket kadagiti
kaaduanna, mangrugi ti pannakagun-od iti pammaneknek a napasnek iti kas iti tawen
dagiti babbalasitang iti klaseyo.