Create successful ePaper yourself
Turn your PDF publications into a flip-book with our unique Google optimized e-Paper software.
Panangidatag ti<br />
mannursuro<br />
Tsart iti nasantuan a<br />
kasuratan<br />
Sumagmamano a singasing dagiti sumaganad: Panagbitla, panangirugi iti panakisarsarita<br />
iti maysa a kabarbaro, panagkararag iti tallaong, panangpadas para iti aramid iti eskuela,<br />
panangted iti panagdayaw, panangyam-ammo iti ebanghelio iti maysa a gayyem,<br />
panagsursuro iti baro nga ay-ayam, panangaklon iti nagbiddutan ken idadawat iti<br />
pammakawan, ken dumatag nga agtrabaho.<br />
Ilawlawag a tunggal maysa kadatayo, no dadduma, mariknatayo dagitoy a pagbutngan<br />
ken pagdandanagan. Nupay kasta, pumigpigsatayo ken nasaysayaat ti<br />
pannakapagsaganatayo para kadagiti daddadakkel a karit no saantayo a palugodan ti<br />
buteng a mangiturong iti tarigagaytayo a mangpasayaat iti biagtayo. Addaantayo iti<br />
nakaskasdaaw a pagtaudan ti pannarabay a tumulong kadatayo a mangparmek iti buteng<br />
ken mangted iti pigsatayo nga agpadas iti baro, makaitandudo a bambanag.<br />
Iparang ti tsart ti Josue 1:9. Pabasa ken payulo daytoy kadagiti agtutubo a babbai. Ipaganetget<br />
kadakuada a tarabayennatayo ti Apo ken ikkannatayo iti pigsa no kalikagumantayo ti<br />
tulongna bayat ti panangikagumaantayo nga agaramid iti nasayaat a bambanag.<br />
Aramid Pagpilien ti tunggal agtutubo a babai kadagiti babassit a papel nga insaganayo a naglaon<br />
kadagiti sumaganad a pagsasaritaan para iti panaglilinnawag. Pabasa kenkuana daytoy iti<br />
klase kalpasanna ibaga no kasano a makatulong iti maysa a tao ti tunggal singasing a<br />
manggun-od iti tured nga agpadas. Mabalin a kayatyo nga inayon ti kapanunotanna babaen<br />
ti panangidatagyo kadagiti mainayon a banag iti paglilinnawagan no marikna a kasapulan.<br />
Agsaganakayo. (Mangeddengkayo maipanggep kadagiti pagrukodan ken gupit sakbay a<br />
dumteng ti krisis. Makatulong kadakayo daytoy nga agpanunot iti nalawlawag ken<br />
ikkannakayo iti tured nga agtignay iti umno. Agsaganakayo a mangtakder iti<br />
pangngeddengyo iti baet dagiti dadagsen ken rikriknaen.)<br />
Paisurokayo. (Natallugodkayo koma a dumngeg ken agsursuro. Kitaenyo ken anagenyo<br />
dagiti pasamak iti amin a kabaelanyo sakbay a padasenyo. Agannadkayo iti kinasukir ken<br />
palso a kinatangig. Dumngegkayo iti Espiritu para iti pannakaiwanwan.)<br />
Maaddaankayo iti Nasayaat a Galad. (Ammuenyo ken riknaenyo ti pategyo a kas anak ti<br />
Dios. Laglagipenyo a naibaonkayo ditoy tapno agballigi. Addaankayo iti talento ken<br />
kabaelan a pumigpigsa no aramatem ida.)<br />
Agkararagkayo. (Ti kararag ti pagtaudan ti pigsa a makaited kadakayo iti tured nga<br />
agpadas ken mangrimbaw iti buteng. Tulongannakayo ti Espiritu Santo a maiwanwan<br />
ken mapapigsa.)<br />
Agtalekkayo. (Bigbigenyo nga adu ti pagalaanyo iti tulong no agpadaskayo kadagiti baro<br />
a banag. Addaankayo iti panunot a pagikalinteganyo; kaamaan, dagiti dadaulo ti<br />
Simbaan, mannursuro, gagayyem, ken dagiti nasantuan a kasuratan a<br />
pagkammatalkanyo.)<br />
Aramidenyo ti Amin a Kabaelanyo. (Ti amin a kabaelanyo laeng ti kasapulan iti<br />
panangpadas iti ania man a baro. Dika agbuteng a mapaay, ta ti panagpadas ti<br />
mamagbalin kadakayo a nasaysayaat uray pay no saan a kas iti kinaan-anay a kayatyo ti<br />
banagna.)<br />
Estoria iti nasantuan<br />
a kasuratan<br />
Magun-odtayo ti Bukod a Pigsa Bayat ti Situtured a Panangsangotayo Kadagiti Baro a<br />
Gundaway<br />
Ilawlawag nga isalaysay dagiti nasantuan a kasuratan ti adu a tao a situtured a simmango<br />
kadagiti baro ken makapakarit a gundaway. Gapu iti turedda, napapigsa ken naparaburan<br />
ti biagda. Maysa a napintas a balasang ni Ester a nakiasawa iti ari ti Persia. Kinagura ti<br />
pangulo a ministro ti ari dagiti Hudio ket binalabalada a papatayen dagiti tao ni Ester.<br />
Dakkel daytoy a nagladingitan ni Ester ken dagiti tao. Iti pannakaammona a nasken nga<br />
adda maaramid tapno maisalakanda, dimmawat ni Mardokeo, kasinsin ni Ester, iti<br />
tulongna. Dinawatna a makisarita ti kasinsinna iti ari ket padasenna nga allukoyen a<br />
mangbalbaliw iti nakaam-amak a balabalana. Iti dayta a panawen, nakaugalian a<br />
mapapatay ti tao nga umasideg iti ari a di maawis. Ammo ni Ester daytoy. No umasideg<br />
kenkuana ket ibaba ti ari ti setrona kenkuana, mabalinna ti makisao kenkuana, ngem no<br />
ingatona ti setro, kaipapananna ti ipapatayna. Nasken a mangeddeng ni Ester no<br />
kabaelanna nga igasanggasat ti biagna tapno padasenna nga isalakan dagiti taona.<br />
197
Change language