Agtutubo a Babbai 1

160
agkabannuag, a mangisimpa iti Simbaan, a mangnamnama a mangikabil iti dana a kasla
taltaluntonenen dagiti agtutubo. Naisimpan ti Simbaan, naidaong, nairaked a sipipintek
iti kinapudno, ket natalged ti amin nga adda iti daytoy. Pagrebbenganmi ti mangted iti
kita ti panangidaulo a mangparnuay iti nalawag a turong a suroten dagiti agtutubo, ti
turongen a tumulong kadakuada a mangibayog iti wagaywayda ken mamagtalinaed
kadakuada a natalged manipud iti di maikari a pangaring iti lubong. Balakadankayo a
mangparang-ay iti kabaelanyo, ket no adda kabaelanyo iti musika, panunotenyo daytoy:
Adu pay ti musika a maparnuay, a maipangngeg. Mabalin a ti musikayo ti maikari a
mangitag-ay, a mangisaknap iti ebanghelio, mangsagid kadagiti puso, mangliwliwa ken
mangpatibker kadagiti mariribukan a panunot.
“Adu ti pagarigan, nagkauna ken kabaruanan, a mangipaneknek iti pangaring iti nalinteg a
musika. Nagpukaw dagiti pannakauppapay iti pakinakem ken napno dagiti panunot iti
kappia a kas kadagiti balikas nga ‘Umaykayo, Sasanto’ a namatibker kadagiti immun-una a
sumango kadagiti pannubokda. Nagbalin daytoy a kanta a nangparegta iti adu kadagiti
naglabas a panawen. Naminsan a pannakisarsaritak iti piloto a gapgapuna iti nakaam-amak
a panagbiahe iti tangatang. Nagsaritaanmi ti maipanggep iti bileg ti pakinakem ken iti
buteng ket dinamagko no kasano a natimbengna ti riknana iti naglasatanna. Kinunana,
‘Adda paggugustok a himno, ket no panawen ti pannakauppapay, no bassiten ti namnama a
makapagsublikami, imulak iti panunotko ket kasla makipagkankanta kaniak dagiti makina.’
“‘“Maykay’ Sasanto. dikay’ agdanag
Yisemyo’ ti rigat.
‘Nupay kasla narigat ti magna
Ragsakto’t supapak.’
“Manipud iti daytoy saan nga immibbet isuna iti pammati, ti maysa a napateg a ramen ti
kinabileg ti pakinakem.
“Naisagana met a mismo ti Apo iti naindaklan a pannubok babaen ti pangaring ti musika,
ta naisurat iti nasantuan a kasuratan: ‘Ket idi nakantada ti maysa a himno, napanda idiay
bantay dagiti Olivo’ (Marcos 14:26).
“Laglagipenyo, agtutubo, kayatko a laglagipen ti tunggal maysa kadakayo a daytoy ti
Simbaanyo, ken isu ti Apoyo ken ti Mangisalakanyo a nagtakder iti timon. Sisasagana
kadakayo ti kanayon a panangiwanwan ken pammaregtana no pagtalinaedenyo ti
panunotyo a mapno iti agliplipias a kinaimbag, ti kinapintas, ti pammaregta. Ket daytoy ti
maysa a wagas a panangaramid. Mangpilikayo iti kaay-ayoyo a himno wenno kanta, a
kas iti inaramid ti gayyemko a piloto, maysa nga addaan kadagiti balikas a makaitag-ay
ken musika a nadayaw, maysa a mangiparikna kadakayo iti banag a makaparegta. Adu
dagiti pagpilian a kanta. Dawatenyo ti panangiwanwan ti Espiritu iti panagpiliyo.
Panunotenyo a naimbag ti kanta. Yuloyo. Uray no saankayo a nasanay nga agkanta,
mabalinyo ti manglagip iti gagangay a kanta. Ita aramatenyo daytoy a dana a turongen ti
pampanunotyo. Aramidenyo a panarasan a turongen.
“Tunggal adda makitayo nga aragaag nga artista a sumeksek iti igid ti pampanunotyo nga
agturong iti entablado ti panunotyo, patokarenyo daytoy a rekord, a kas rumbeng.
Baliwanna a mamimpinsan ti riknayo.
“Gapu ta makaitag-ay ken nadalus ti musika, mabainan nga aglibas a pumanaw ti umagagibas
a pampanunot. Ta ti kinadalus, a napili, saan a makipulapol iti narugit, di kabaelan
ti dakes ti kaadda ti lawag. Iti saan a mabayag masarakanyo laengen ti bagiyo a
mangidaydayyeng iti musika iti unegyo, a kasla maigiddato, a pangpaksiat kadagiti di
maikari a pampanunot. Iti panangiserrekyo iti bagiyo kadagiti nalinteg ken pakairanudan
a banag, pagtalinaedenyo ti panunotyo a napno kadagiti maikari a pampanunot,
agtutubo, ta no ania ti pampanunoten ti tao kasta ti kinataona ket maaddaankayo iti
kabaelan a mangileppas kadagidiay a banag a mangyeg iti pannakapnek iti biagyo.
“Annaknakayo ti Nailangitan a Dios. Paneknekak a ti Dios ti Amatayo, nga annaknatayo,
nga ay-ayatennatayo ken nangted iti naindaklan ken nagloriaan a bambanag iti daytoy a
biag. Ammok daytoy, ket agyamanak kenkuana iti makaitag-ay a pangaring ti nasayaat a
musika iti biagko a nangaring iti pampanunotko ken nangitag-ay iti kaunggak.”